ਸ਼ਹਿਰ ਦੀ ਮੁੱਖ ਸਬਜ਼ੀ ਮੰਡੀ ’ਚ ਫੂਡ ਸੇਫ਼ਟੀ ਵਿਭਾਗ ਦੀ ਅਚਾਨਕ ਦਸਤਕ 30 ਕਿੱਲੋ ਗਲੇ-ਸੜੇ ਪਪੀਤੇ ਮੌਕੇ ’ਤੇ ਫੜੇ, 4 ਸੈਂਪਲ ਭਰੇ

ਫ਼ਿਰੋਜ਼ਪੁਰ, 22 ਸਤੰਬਰ (ਕੁਲਬੀਰ ਸਿੰਘ ਸੋਢੀ)-ਲੋਕਾਂ ਦੀ ਸਿਹਤ ਨਾਲ ਜੁੜੇ ਖਾਧ ਪਦਾਰਥਾਂ ਦੀ ਗੁਣਵੱਤਾ ਨੂੰ ਲੈ ਕੇ ਫੂਡ ਸੇਫ਼ਟੀ ਵਿਭਾਗ ਵਲੋਂ ਇੰਸਪੈਕਟਰ ਅਭਿਨਵ ਖੋਸਲਾ ਦੀ ਅਗਵਾਈ ’ਚ ਰੱਖੜੀ ਰੋਡ ਸਥਿਤ ਸਬਜ਼ੀ ਮੰਡੀ ਵਿਖੇ ਅਚਾਨਕ ਚੈਕਿੰਗ ਕੀਤੀ ਗਈ। ਫੂਡ ਸੇਫ਼ਟੀ ਵਿੰਗ ਦੀ ਟੀਮ ਨੇ ਸਵੇਰੇ ਕਰੀਬ 6 ਵਜੇ ਸ਼ਿਵਾਲਿਆ ਮੰਦਰ ਦੇ ਨੇੜੇ ਸਥਿਤ ਮੰਡੀ ਵਿਚ ਵੱਖ-ਵੱਖ ਦੁਕਾਨਾਂ ਦੀ ਜਾਂਚ ਕਰਦਿਆਂ ਖਾਧ ਪਦਾਰਥਾਂ ਦੇ 4 ਸੈਂਪਲ ਜਾਂਚ ਲਈ ਭਰੇ, ਜਦਕਿ ਚੈਕਿੰਗ ਦੌਰਾਨ ਕਰੀਬ 30 ਕਿਲੋਗ੍ਰਾਮ ਗਲੇ-ਸੜੇ ਅਤੇ ਮਨੁੱਖੀ ਖਪਤ ਲਈ ਅਣਉੱਚਿਤ ਪਪੀਤੇ ਵੀ ਮੌਕੇ ’ਤੇ ਮਿਲੇ ।