ਗੋਨਿਆਣਾ ਬੱਸ ਅੱਡੇ ’ਤੇ ਠੰਢੇ ਮਿੱਠੇ ਜਲ ਦੀ ਛਬੀਲ ਲਗਾਈ

ਗੋਨਿਆਣਾ, 22 ਜੂਨ (ਲਛਮਣ ਦਾਸ ਗਰਗ)- ਗੁਰੂ ਅਰਜ਼ਨ ਦੇਵ ਜੀ ਦੇ ਸ਼ਹੀਦੀ ਦਿਹਾੜੇ ਨੂੰ ਸਮਰਪਿਤ ਸਥਾਨਕ ਬੱਸ ਅੱਡੇ ’ਤੇ ਲੋਕ ਸੇਵਾ ਕਰਦੇ ਗੁਰੂ ਦੀਆਂ ਲਾਡਲੀਆਂ ਫੌਜਾਂ ਦੇ ਸਿਪਾਹੀ ਚਮਕੌਰ ਸਿੰਘ ਦੀ ਰਹਿੁਨਮਾਈ ਹੇਠ ਸਮੂਹ ਬੱਸ ਅੱਡਾਂ ਇੰਚਾਰਜਾਂ ਅਤੇ ਦੁਕਾਨਦਾਰਾਂ ਦੇ ਸਹਿਯੋਗ ਨਾਲ ਪਿਛਲੇ ਕਈ ਦਿਨ੍ਹਾਂ ਤੋਂ ਦੂਰ ਦਰਾਡੇ ਤੋਂ ਆਉਣ ਵਾਲੀਆਂ ਸਵਾਰੀਆਂ ਨੂੰ ਗਰਮੀ ਤੋਂ ਨਿਜ਼ਾਤ ਦਿਵਾਉਂਦੇ ਹੋਏ ਠੰਢੇ ਮਿੱਠੇ ਜਲ ਅਤੇ ਸ਼ਿਕੰਜਵੀ ਦੀ ਛਬੀਲ ਲਗਾਈ ਜਾ ਰਹੀ ਹੈ। ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਭੋਲਾ ਸਿੰਘ, ਕੇਵਲ ਸ਼ਰਮਾ, ਸਤਨਾਮ ਰਾਏ, ਰਜਿੰਦਰ ਸ਼ਰਮਾ, ਕਾਲਾ ਸਬਜ਼ੀ ਵਾਲਾ, ਮਨਦੀਪ ਸਿੰਘ, ਤੋਕੀ ਟਾਇਰਾਂ ਵਾਲਾ, ਮੰਦਰ ਸਿੰਘ, ਡੀ ਕੇ, ਮਾਣਕ ਸਿੰਘ, ਡੇਵੀ ਮੋਬਾਇਲਾਂ ਵਾਲਾ, ਮੋਹਨ ਲਾਲ ਮੋਹਨੀ, ਪ੍ਰਮੇਸ਼ ਸ਼ਰਮਾ, ਨਛੱਤਰ ਫੌਜੀ, ਬਲਦੇਵ ਸਿੰਘ ਸਮੇਤ ਅਨੇਕਾਂ ਸਮਾਜ ਸੇਵੀ ਸਹਿਯੋਗ ਦੇ ਰਹੇ ਹਨ।