ਪਿੰਡ ਕਲਿਆਣ ਵਿਖੇ ਕਰਵਾਇਆ ਤੀਆਂ ਦਾ ਪ੍ਰੋਗਰਾਮ
ਨਥਾਣਾ, 22 ਅਗਸਤ (ਗੁਰਦਰਸ਼ਨ ਲੁੱਧੜ): ਪਿੰਡ ਕਲਿਆਣ ਸੁੱਖਾ ਵਿਖੇ ਪਿੰਡ ਵਾਸੀਆਂ ਦੇ ਸਹਿਯੋਗ ਨਾਲ ਸਾਂਝੀ ਧਰਮਸ਼ਾਲਾ ਵਿਖੇ ਤੀਆਂ ਦੇ ਤਿਉਹਾਰ ਨੂੰ ਸਮਰਪਿਤ ਵਿਰਾਸਤੀ ਪ੍ਰੋਗਰਾਮ ਕਰਵਾਇਆ ਗਿਆ। ਜਿਸ ਦੀ ਸ਼ੁਰੂਆਤ ਗਰਾਮ ਪੰਚਾਇਤ ਕਲਿਆਣ ਸੁੱਖਾ ਦੇ ਸਰਪੰਚ ਜਸਵੀਰ ਕੌਰ, ਅਮਨਦੀਪ ਸਿੰਘ ਅਮਨਾ, ਮਾਇਆ ਮੈਂਬਰ ਵਲੋਂ ਰੀਬਨ ਕੱਟਕੇ ਕੀਤੀ ਗਈ।
ਨਥਾਣਾ, 22 ਅਗਸਤ (ਗੁਰਦਰਸ਼ਨ ਲੁੱਧੜ): ਪਿੰਡ ਕਲਿਆਣ ਸੁੱਖਾ ਵਿਖੇ ਪਿੰਡ ਵਾਸੀਆਂ ਦੇ ਸਹਿਯੋਗ ਨਾਲ ਸਾਂਝੀ ਧਰਮਸ਼ਾਲਾ ਵਿਖੇ ਤੀਆਂ ਦੇ ਤਿਉਹਾਰ ਨੂੰ ਸਮਰਪਿਤ ਵਿਰਾਸਤੀ ਪ੍ਰੋਗਰਾਮ ਕਰਵਾਇਆ ਗਿਆ। ਜਿਸ ਦੀ ਸ਼ੁਰੂਆਤ ਗਰਾਮ ਪੰਚਾਇਤ ਕਲਿਆਣ ਸੁੱਖਾ ਦੇ ਸਰਪੰਚ ਜਸਵੀਰ ਕੌਰ, ਅਮਨਦੀਪ ਸਿੰਘ ਅਮਨਾ, ਮਾਇਆ ਮੈਂਬਰ ਵਲੋਂ ਰੀਬਨ ਕੱਟਕੇ ਕੀਤੀ ਗਈ। ਇਸ ਪ੍ਰੋਗਰਾਮ ਦੌਰਾਨ ਵਿਰਾਸਤੀ ਝਲਕਾਂ ਪੇਸ਼ ਕਰਦੀਆਂ ਔਰਤਾਂ ਨੇ ਚਰਖੇ ਕੱਤੇ ਅਤੇ ਮੁਟਿਆਰਾਂ ਨੇ ਫੁਲਕਾਰੀਆਂ ਕੱਢੀਆਂ। ਇਸ ਉਪਰੰਤ ਵੱਡੀ ਗਿਣਤੀ ਵਿਚ ਸ਼ਾਮਿਲ ਹੋਈਆਂ ਸੁਆਣੀਆਂ ਔਰਤਾਂ ਅਤੇ ਪਿੰਡ ਦੀਆਂ ਧੀਆਂ ਨੇ ਪੰਜਾਬੀ ਸੱਭਿਆਚਾਰ ਦੀ ਪੇਸ਼ਕਾਰੀ ਤਹਿਤ ਗਿੱਧੇ ਦਾ ਪਿੜ ਬੰਨਿ੍ਹਆ। ਪ੍ਰੋਗਰਾਮ ਦੇ ਅਖੀਰ ਆਧੁਨਿਕ ਪੇਸ਼ਕਾਰੀ ਅਤੇ ਪੁਰਾਤਨ ਸੱਭਿਆਚਾਰ ਦਾ ਵੀ ਮੁਲਾਂਕਣ ਕੀਤਾ ਗਿਆ। ਪਿੰਡ ਦੀਆਂ ਔਰਤਾਂ ਨੇ ਤੀਆਂ ਦਾ ਤਿਉਹਾਰ ਮਨਾਉਣ ਲਈ ਪਿੰਡ ਦੀ ਪੰਚਾਇਤ ਦਾ ਧੰਨਵਾਦ ਕੀਤਾ।
