ਹਲਵਾਰਾ, 28 ਅਪ੍ਰੈਲ (ਮਨਦੀਪ ਸਿੰਘ ਉੱਭੀ)-ਐਤੀਆਣਾ ਦੀ ਸਰਕਾਰੀ ਡਿਸਪੈਂਸਰੀ ਵਿਚ ਆਸ਼ਾ ਵਰਕਰ ਦੀ ਸੇਵਾ ਨਿਭਾ ਰਹੀ ਕਰਮਜੀਤ ਕੌਰ ਦਾ ਸਿਹਤ ਸੇਵਾਵਾਂ ਵਿਚ ਵਧੀਆ ਯੋਗਦਾਨ ਦੇਣ 'ਤੇ ਸੀ.ਐੱਚ.ਸੀ ਸੁਧਾਰ ਦੇ ਸੀਨੀਅਰ ਮੈਡੀਕਲ ਅਫ਼ਸਰ ਦਵਿੰਦਰ ਸੰਧੂ ਵਲੋਂ ਸਨਮਾਨ ਕੀਤਾ ਗਿਆ | ਐੱਸ.ਐੱਮ.ਓ. ਸੰਧੂ ਨੇ ਦੱਸਿਆ ਆਸ਼ਾ ਵਰਕਰ ਜੱਚਾ ਬੱਚਾ, ਸਿਹਤ ਟੀਕਾਕਰਨ, ਪਰਿਵਾਰ ਨਿਯੋਜਨ ਅਤੇ ਹੋਰ ਪ੍ਰੋਗਰਾਮਾਂ ਵਿਚ ਨਿਭਾਈ ਜਾ ਰਹੀ ਭੂਮਿਕਾ ਨੂੰ ਧਿਆਨ ਵਿਚ ਰੱਖਦੇ ਹੋਏ ਹਰ ਸਾਲ ਆਸ਼ਾ ਦਿਵਸ ਮਨਾਇਆ ਜਾਂਦਾ ਹੈ ਅਤੇ ਸਨਮਾਨ ਪੱਤਰ ਵੀ ਦਿੱਤੇ ਜਾਂਦੇ ਹਨ | ਕਰਮਜੀਤ ਕੌਰ ਐਤੀਆਣਾ ਨੂੰ ਸਨਮਾਨ ਮਿਲਣ 'ਤੇ ਲਖਵੀਰ ਸਿੰਘ ਗੁਰਮੀਤ ਸਿੰਘ ਦੋਵੇਂ ਸਾਬਕਾ ਸਰਪੰਚ, ਇੰਦਰਜੀਤ ਸਿੰਘ ਸਿੱਧੂ, ਸੀ.ਐੱਚ.ਓ ਲਖਬੀਰ ਕੌਰ, ਏ.ਐੱਨ.ਐੱਮ ਸੁਰਿੰਦਰ ਕੌਰ, ਗੁਰਪਾਲ ਸਿੰਘ ਵਲੋਂ ਮੁਬਾਰਕਬਾਦ ਦਿੱਤੀ ਗਈ |
