ਬਰਨਾਲਾ

ਜਨਤਕ ਜਥੇਬੰਦੀਆਂ ਵਲੋਂ ਈਰਾਨ 'ਤੇ ਅਮਰੀਕੀ-ਇਜ਼ਰਾਈਲੀ ਹਮਲੇ ਵਿਰੁੱਧ ਰੋਸ ਪ੍ਰਦਰਸ਼ਨ <br/>

ਬਰਨਾਲਾ ਵਿਖੇ ਅਮਰੀਕਾ ਤੇ ਇਜ਼ਰਾਈਲ ਖ਼ਿਲਾਫ਼ ਰੋਸ ਮੁਜ਼ਾਹਰਾ ਕਰਨ ਮੌਕੇ ਬਰਨਾਲਾ ਜ਼ਿਲ੍ਹੇ ਦੀਆਂ ਸਮੂਹ ਜਨਤਕ ਜਮਹੂਰੀ ਜਥੇਬੰਦੀਆਂ ਦੇ ਆਗੂ | ਅਜੀਤ ਤਸਵੀਰ <br/> 04-03-2026

ਬਰਨਾਲਾ, 3 ਮਾਰਚ (ਅਸ਼ੋਕ ਭਾਰਤੀ)-ਜਮਹੂਰੀ ਅਧਿਕਾਰ ਸਭਾ ਦੇ ਸੱਦੇ 'ਤੇ ਬਰਨਾਲਾ ਜ਼ਿਲ੍ਹੇ ਦੀਆਂ ਸਮੂਹ ਜਨਤਕ ਜਮਹੂਰੀ ਜਥੇਬੰਦੀਆਂ ਵਲੋਂ ਅਮਰੀਕਾ ਤੇ ਇਜਰਾਇਲ ਨੇ ਈਰਾਨ ਵਿਰੁੱਧ ਕੀਤੇ ਨਿਹੱਕੇ ਹਮਲੇ ਦੇ ਵਿਰੋਧ ਵਿਚ ਕਚਹਿਰੀ ਚੌਕ ਬਰਨਾਲਾ ਵਿਖੇ ਰੋਸ ਪ੍ਰਦਰਸ਼ਨ ਕੀਤਾ | ਇਸ ਮੌਕੇ ਜਮਹੂਰੀ ਅਧਿਕਾਰ ਸਭਾ ਦੇ ਜ਼ਿਲ੍ਹਾ ਪ੍ਰਧਾਨ ਸੋਹਣ ਸਿੰਘ ਮਾਝੀ, ਇਨਕਲਾਬੀ ਕੇਂਦਰ ਦੇ ਜ਼ਿਲ੍ਹਾ ਪ੍ਰਧਾਨ ਡਾ: ਰਾਜਿੰਦਰ ਪਾਲ, ਡਾ: ਜਸਵੀਰ ਸਿੰਘ ਅÏਲਖ, ਬੀ.ਕੇ.ਯੂ ਡਕੌਂਦਾ ਦੇ ਜ਼ਿਲ੍ਹਾ ਪ੍ਰਧਾਨ ਕੁਲਵੰਤ ਸਿੰਘ ਮਾਨ, ਬੀ.ਕੇ.ਯੂ ਉਗਰਾਹਾਂ ਦੇ ਦਰਸ਼ਨ ਸਿੰਘ ਚੀਮਾ, ਬੀ.ਕੇ.ਯੂ ਕ੍ਰਾਂਤੀਕਾਰੀ ਦੇ ਆਗੂ ਮਨਜੀਤ ਰਾਜ, ਡੀ.ਟੀ.ਐਫ ਦੇ ਆਗੂ ਰਾਜੀਵ ਕੁਮਾਰ, ਮੁਲਾਜ਼ਮ ਆਗੂ ਕਰਮਜੀਤ ਬੀਹਲਾ, ਤਰਕਸ਼ੀਲ ਆਗੂ ਮਾ: ਰਾਜਿੰਦਰ ਭਦੌੜ, ਮੁਸਲਿਮ ਭਾਈਚਾਰੇ ਦੇ ਆਗੂ ਇਕਬਾਲਦੀਨ ਬਾਠਾਂ, ਇਰਫਾਨ ਮੁਹੰਮਦ ਮਜ਼ਦੂਰ ਆਗੂ ਹਰਮਨਜੀਤ ਸਿੰਘ, ਲਾਭ ਸਿੰਘ ਅਕਲੀਆ, ਖੁਸੀਆ ਸਿੰਘ ਨੇ ਅਮਰੀਕਾ ਤੇ ਇਜਰਾਈਲ ਨੂੰ ਦੁਨੀਆ ਦੀ ਕਾਨੂੰਨ ਵਿਵਸਥਾ ਤੇ ਸ਼ਾਂਤੀ ਲਈ ਵੱਡਾ ਖ਼ਤਰਾ ਕਰਾਰ ਦਿੰਦਿਆਂ ਕਿਹਾ ਕਿ ਪਿਛਲੇ ਕਈ ਦਹਾਕਿਆਂ ਤੋਂ ਅਮਰੀਕਾ ਵੱਖ-ਵੱਖ ਮੁਲਕਾਂ ਉੱਪਰ ਨਿਹੱਕੇ ਹਮਲੇ ਕਰਦਾ ਆ ਰਿਹਾ ਹੈ | ਵੀਅਤਨਾਮ, ਇਰਾਕ, ਅਫ਼ਗਾਨਿਸਤਾਨ, ਸੀਰੀਆ ਆਦਿ ਅਨੇਕਾਂ ਮੁਲਕਾਂ ਵਿਚ ਲੱਖਾਂ ਲੋਕਾਂ ਨੂੰ ਮੌਤ ਦੇ ਘਾਟ ਉਤਾਰ ਚੁੱਕਾ ਹੈ | ਖਾੜੀ ਖੇਤਰ ਵਿਚ ਇਸ ਨੇ ਇਜਰਾਈਲ ਨੂੰ ਆਪਣੀ ਪੁਲਿਸ ਚੌਕੀ ਬਣਾ ਰੱਖਿਆ ਹੈ ਅਤੇ ਇਸ ਖੇਤਰ ਦੇ ਭੂ ਖ਼ਜ਼ਾਨਿਆਂ ਨੂੰ ਦੋਵੇਂ ਹੱਥੀਂ ਲੁੱਟ ਰਿਹਾ ਹੈ | ਇਜਰਾਈਲ ਨੇ ਪਿਛਲੇ 2 ਸਾਲਾਂ ਦੌਰਾਨ ਫ਼ਲਸਤੀਨ ਦੇ 70 ਹਜ਼ਾਰ ਬੱਚਿਆਂ, ਅÏਰਤਾਂ, ਬਜ਼ੁਰਗਾਂ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ, ਪੂਰਾ ਮੁਲਕ ਮਲੀਆ ਮੇਟ ਕਰ ਦਿੱਤਾ | ਉਹੀ ਇਜਰਾਈਲ ਹੁਣ ਈਰਾਨ ਦੇ ਲੋਕਾਂ ਦੀਆਂ ਜਾਨਾਂ ਦਾ ਖੌਅ ਬਣਿਆ ਹੋਇਆ | ਬੁਲਾਰਿਆਂ ਨੇ ਭਾਰਤ ਸਰਕਾਰ ਵਲੋਂ ਇਸ ਜ਼ਾਲਮਾਨਾ ਕਾਰਵਾਈ 'ਤੇ ਵੱਟੀ ਚੁੱਪ ਦੀ ਸਖ਼ਤ ਨਿਖੇਧੀ ਕੀਤੀ | ਇਸ ਉਪਰੰਤ ਡੀ.ਸੀ. ਦਫ਼ਤਰ ਤੱਕ ਰੋਸ ਮੁਜ਼ਾਹਰਾ ਵੀ ਕੀਤਾ ਗਿਆ | ਆਗੂਆਂ ਕਿਹਾ ਕਿ ਅਮਰੀਕਨ ਤੇ ਇਜਰਾਇਲੀ ਤੁਰੰਤ ਜੰਗਬੰਦੀ ਕਰੇ ਅਤੇ ਈਰਾਨ ਤੋਂ ਹੱਥ ਪਿੱਛੇ ਖਿੱਚੇ | ਆਗੂਆਂ ਨੇ ਭਾਰਤ ਸਰਕਾਰ ਨੂੰ ਧਾੜਵੀ ਮੁਲਕਾਂ ਖ਼ਿਲਾਫ਼ ਨਿੱਤਰ ਕੇ ਸਾਹਮਣੇ ਆਉਣ ਲਈ ਅਤੇ ਈਰਾਨ ਦੇ ਹੱਕ ਵਿਚ ਮੁਜ਼ਾਹਰੇ ਕਰਨ ਵਾਲੇ ਭਾਰਤੀਆਂ ਤੇ ਤਸ਼ੱਦਦ ਕਰਨਾ ਬੰਦ ਕਰੇ | ਇਸ ਮੌਕੇ ਮਾਸਟਰ ਮਨੋਹਰ ਲਾਲ, ਇਕਬਾਲ ਕੌਰ ਉਦਾਸੀ, ਰਾਜੀਵ ਕੁਮਾਰ ਡੀ.ਟੀ.ਐਫ, ਮਨਦੀਪ, ਗੁਰਮੇਲ ਸਿੰਘ ਠੱੁਲੀਵਾਲ, ਡਾ: ਹਰਭਗਵਾਨ, ਸੋਹਣ ਸਿੰਘ ਬਡਬਰ, ਸਭਾ ਦੇ ਸਕੱਤਰ ਬਿੱਕਰ ਸਿੰਘ ਅÏਲਖ, ਨਰਿੰਦਰ ਸਿੰਗਲਾ, ਬਲਦੇਵ ਮੰਡੇਰ ਆਦਿ ਹਾਜ਼ਰ ਸਨ |

ਪਿਛਲੀ ਖ਼ਬਰ ਭਾਜਪਾ ਦੀ ਮੋਗਾ ਰੈਲੀ ਸੂਬੇ ਦੀ ਤਰੱਕੀ ਲਈ ਇਕ ਨਵਾਂ ਮੀਲ ਪੱਥਰ ਸਾਬਤ ਹੋਵੇਗੀ-ਸੋਮਨਾਥ ਸ਼ਰਮਾ <br/> ਅਗਲੀ ਖ਼ਬਰ ਗੁਰਜੰਟ ਸਿੰਘ ਦਰਾਜ ਨੂੰ ਤਪਾ ਤਹਿਸੀਲ ਨੰਬਰਦਾਰ ਯੂਨੀਅਨ ਦਾ ਪ੍ਰਧਾਨ ਤੇ ਸਤਵਿੰਦਰ ਸੋਨਾ ਢਿੱਲਵਾਂ ਨੂੰ ਚੁਣਿਆ ਮੀਤ ਪ੍ਰਧ...

ਜਨਤਕ ਜਥੇਬੰਦੀਆਂ ਵਲੋਂ ਈਰਾਨ 'ਤੇ ਅਮਰੀਕੀ-ਇਜ਼ਰਾਈਲੀ ਹਮਲੇ ਵਿਰੁੱਧ ਰੋਸ ਪ੍ਰਦਰਸ਼ਨ <br/>

ਸੰਬੰਧਿਤ ਖ਼ਬਰਾਂ