ਰੂੜੇਕੇ ਕਲਾਂ, 14 ਮਈ (ਗੁਰਪ੍ਰੀਤ ਸਿੰਘ ਕਾਹਨੇਕੇ)-ਟਰਾਈਡੈਂਟ ਗਰੁੱਪ ਨੇ ਆਪਣੇ ਧੌਲਾ ਸਥਿਤ ਟਾਵਲ ਤੇ ਨਿਰਮਾਣ ਯੂਨਿਟ ਵਿਖੇ ਆਈ.ਆਈ.ਟੀ ਰੋਪੜ ਦੇ ਅਕਾਦਮਿਕ ਵਿਦਵਾਨਾਂ ਲਈ ਉਦਯੋਗਿਕ ਦੌਰੇ ਦਾ ਆਯੋਜਨ ਕੀਤਾ ਗਿਆ | ਦੌਰੇ ਦਾ ਮਕਸਦ ਨਵੀਨਤਾ, ਟਿਕਾਊ ਨਿਰਮਾਣ ਅਤੇ ਆਧੁਨਿਕ ਤਕਨੀਕਾਂ ਰਾਹੀਂ ਉਦਯੋਗ ਅਤੇ ਅਕਾਦਮਿਕ ਖੇਤਰ ਵਿਚਕਾਰ ਸਹਿਯੋਗ ਨੂੰ ਮਜ਼ਬੂਤ ਕਰਨਾ ਹੈ | ਟਰਾਈਡੈਂਟ ਦੀ ਇਨੋਵੇਸ਼ਨ ਟੀਮ ਨੇ ਡਾ: ਜਯਾਰਾਮ ਵੱਲਰੂ ਅਤੇ ਡਾ: ਨਵਿਨ ਗੋਪੀਨਾਥਨ ਦਾ ਸਵਾਗਤ ਕੀਤਾ | ਐਮ.ਓ.ਯੂ ਤੋਂ ਪਹਿਲਾ ਸਾਂਝੇ ਸਹਿਯੋਗ ਦੀਆਂ ਸੰਭਾਵਨਾਵਾਂ ਨੂੰ ਖੰਘਾਲਨ ਲਈ ਕਰਵਾਇਆ ਗਿਆ | ਉੱਭਰਦੀਆਂ ਤਕਨੀਕਾਂ ਦੇ ਜਰੀਏ ਡਾਟਾ ਆਧਾਰਿਤ ਫ਼ੈਸਲਾ ਪ੍ਰਣਾਲੀ ਅਤੇ ਸਮਰਾਟ ਮੈਨੂਫੈਕਚਰਿੰਗ ਪ੍ਰਕਿਰਿਆਵਾਂ ਨੂੰ ਵੀ ਦਰਸਾਇਆ ਗਿਆ |
