ਆਰ.ਐਸ. ਇੰਟਰਪ੍ਰਾਈਜਸ ’ਤੇ 5 ਦਿਨਾਂ ’ਚ ਦੂਜੀ ਵਾਰ ਹੋਈ ਚੋਰੀ
ਬਰਨਾਲਾ, 5 ਸਤੰਬਰ (ਰਾਜ ਪਨੇਸਰ, ਨਰਿੰਦਰ ਅਰੋੜਾ)-ਸਥਾਨਕ ਹੰਡਿਆਇਆ ਰੋਡ ’ਤੇ ਸਥਿਤ ਆਰ. ਐਸ.
ਬਰਨਾਲਾ, 5 ਸਤੰਬਰ (ਰਾਜ ਪਨੇਸਰ, ਨਰਿੰਦਰ ਅਰੋੜਾ)-ਸਥਾਨਕ ਹੰਡਿਆਇਆ ਰੋਡ ’ਤੇ ਸਥਿਤ ਆਰ.ਐਸ. ਇੰਟਰਪ੍ਰਾਈਜਸ ਦੇ ਸ਼ੋਅਰੂਮ ਵਿਚ ਚੋਰਾਂ ਵਲੋਂ ਪਿਛਲੇ 5 ਦਿਨਾਂ ਵਿਚ ਦੂਜੀ ਵਾਰ ਚੋਰੀ ਕੀਤੀ ਗਈ ਹੈ। ਜਾਣਕਾਰੀ ਦਿੰਦਿਆਂ ਸ਼ੋਅਰੂਮ ਮਾਲਕ ਬਾਨੂੰ ਕਾਂਸਲ ਨੇ ਦੱਸਿਆ ਕਿ ਬੀਤੀ ਰਾਤ ਅਸੀਂ ਸ਼ੋਅਰੂਮ ਬੰਦ ਕਰ ਕੇ ਗਏ ਸੀ। ਜਦੋਂ ਸਵੇਰੇ ਕਰੀਬ 6 ਵਜੇ ਆ ਕੇ ਦੇਖਿਆ ਤਾਂ ਸਾਰਾ ਸਮਾਨ ਖਿਲਰਿਆ ਪਿਆ ਸੀ ਅਤੇ ਜਦੋਂ ਕੈਮਰੇ ਚੈਕ ਕੀਤੇ ਤਾਂ ਦੇਖਿਆ ਕਿ ਚੋਰ ਇਕ ਐਲ.ਈ.ਡੀ., ਏ.ਸੀ. ਅਤੇ ਗਣੇਸ਼ ਜੀ ਦੀ ਮੂਰਤੀ ਲੈ ਗਏ। ਅਸੀਂ ਤੁਰੰਤ ਪੁਲਿਸ ਦੇ ਧਿਆਨ ਵਿਚ ਲਿਆਂਦਾ। ਉਨ੍ਹਾਂ ਦੱਸਿਆ ਕਿ ਸਾਡੇ ਸ਼ੋਅਰੂਮ ਵਿਚ ਲਗਾਤਾਰ ਦੂਜੀ ਚੋਰੀ ਹੈ। 31 ਅਗਸਤ ਨੂੰ ਵੀ ਚੋਰ ਸ਼ੋਅਰੂਮ ਵਿਚੋਂ ਲੈਪਟਾਪ, ਘੜੀਆਂ, ਏ.ਸੀ., ਪੈਨ ਡਰਾਈਵਾਂ ਆਦਿ ਸਮਾਨ ਚੋਰੀ ਕਰ ਕੇ ਲੈ ਗਏ ਸਨ। ਜਿਸ ਦੀ ਸੂਚਨਾ ਵੀ ਪੁਲਿਸ ਕੋਲ ਦੇ ਦਿੱਤੀ ਸੀ ਪਰ ਅਜੇ ਤੱਕ ਕੋਈ ਹੱਲ ਨਹੀਂ ਹੋਇਆ। ਜਦੋਂ ਇਸ ਮਾਮਲੇ ਸਬੰਧੀ ਮੌਕੇ ’ਤੇ ਪਹੁੰਚੇ ਥਾਣਾ ਸਿਟੀ-2 ਬਰਨਾਲਾ ਦੇ ਐਸ.ਐਚ.ਓ. ਚਰਨਜੀਤ ਸਿੰਘ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਕਿਹਾ ਕਿ ਕੈਮਰੇ ਚੈਕ ਕੀਤੇ ਜਾ ਰਹੇ ਹਨ, ਜਲਦ ਹੀ ਚੋਰਾਂ ਨੂੰ ਫੜ ਲਿਆ ਜਾਵੇਗਾ।
