ਰਾਜਾ ਰਣਧੀਰ ਸਿੰਘ ਤੇ ਜਸਪਾਲ ਰਾਣਾ ਯਾਦਗਾਰੀ ਪੁਰਸਕਾਰਾਂ ਦਾ ਐਲਾਨ

ਨਵੀਂ ਦਿੱਲੀ, 15 ਸਤੰਬਰ (ਪੀ. ਟੀ.

ਅ

ਅਜੀਤ ਡੈਸਕ 16-09-2026

ਨਵੀਂ ਦਿੱਲੀ, 15 ਸਤੰਬਰ (ਪੀ. ਟੀ. ਆਈ.)-ਭਾਰਤੀ ਉਲੰਪਿਕ ਐਸੋਸੀਏਸ਼ਨ ਦੀ ਪ੍ਰਧਾਨ ਪੀ.ਟੀ. ਊਸ਼ਾ ਵਲੋਂ ਮੰਗਲਵਾਰ ਨੂੰ ਦੋ ਯਾਦਗਾਰੀ ਪੁਰਸਕਾਰਾਂ ਦਾ ਐਲਾਨ ਕੀਤਾ ਗਿਆ। ਇਹ ਪੁਰਸਕਾਰ ਤਜਰਬੇਕਾਰ ਖੇਡ ਪ੍ਰਸ਼ਾਸਕ ਮਰਹੂਮ ਰਾਜਾ ਰਣਧੀਰ ਸਿੰਘ ਅਤੇ ਏਸ਼ਿਆਈ ਤੇ ਰਾਸ਼ਟਰਮੰਡਲ ਖੇਡਾਂ ਦੇ ਤਗਮਾ ਜੇਤੂ ਜੈਪਾਲ ਰਾਣਾ ਦੇ ਨਾਂਅ ’ਤੇ ਰੱਖੇ ਗਏ ਹਨ। 1987 ਤੋਂ 2012 ਤੱਕ 25 ਸਾਲ ਆਈ.ਓ.ਏ. ਦੇ ਸਕੱਤਰ ਜਨਰਲ ਅਤੇ ਉਲੰਪਿਕ ਕੌਂਸਲ ਆਫ਼ ਏਸ਼ੀਆ (ਓ.ਸੀ.ਏ.) ਦੇ ਪ੍ਰਧਾਨ ਵਜੋਂ ਸੇਵਾਵਾਂ ਨਿਭਾਉਣ ਵਾਲੇ ਰਾਜਾ ਰਣਧੀਰ ਸਿੰਘ ਦਾ ਇਸ ਸਾਲ ਮਈ ਵਿਚ 79 ਸਾਲ ਦੀ ਉਮਰ ਵਿਚ ਦਿਹਾਂਤ ਹੋ ਗਿਆ ਸੀ, ਜਦੋਂਕਿ ਜਸਪਾਲ ਰਾਣਾ, ਜੋ ਦੋਹਰਾ ਉਲੰਪਿਕ ਤਗਮਾ ਜੇਤੂ ਮਨੂ ਭਾਕਰ ਦੇ ਕੋਚ ਸਨ, ਦਾ ਜੂਨ ਵਿਚ 49 ਸਾਲ ਦੀ ਉਮਰ ਵਿਚ ਦਿਹਾਂਤ ਹੋ ਗਿਆ ਸੀ।ਰਾਜਾ ਰਣਧੀਰ ਸਿੰਘ ਟਰਾਫੀ ਏਸ਼ੀਅਨ ਖੇਡਾਂ ਦੇ ਸਰਵੋਤਮ ਪੁਰਸ਼ ਅਥਲੀਟ, ਜਦੋਂਕਿ ਜਸਪਾਲ ਰਾਣਾ ਟਰਾਫੀ ਏਸ਼ੀਅਨ ਖੇਡਾਂ ਦੀ ਸਰਵੋਤਮ ਮਹਿਲਾ ਅਥਲੀਟ ਨੂੰ ਦਿੱਤੀ ਜਾਵੇਗੀ।