ਗਲਾਸਗੋ ਕੌਂਸਲ ਵਲੋਂ 24 ਹਜ਼ਾਰ ਮੁਲਾਜ਼ਮਾਂ ਨੂੰ ਕੱਢ ਕੇ ਮੁੜ ਰੱਖਣ ਦੀ ਕਾਰਵਾਈ ਫ਼ਿਲਹਾਲ ਰੋਕੀ
ਗਲਾਸਗੋ, 29 ਸਤੰਬਰ (ਹਰਜੀਤ ਸਿੰਘ ਦੁਸਾਂਝ)-ਗਲਾਸਗੋ ਕੌਂਸਲ ਨੇ ਕਰੀਬ 24 ਹਜ਼ਾਰ ਗੈਰ-ਅਧਿਆਪਕ ਮੁਲਾਜ਼ਮਾਂ ਦੇ ਮੌਜੂਦਾ ਰੁਜ਼ਗਾਰ ਸਮਝੌਤੇ ਖ਼ਤਮ ਕਰਕੇ ਉਨ੍ਹਾਂ ਨੂੰ ਨਵੀਆਂ ਸ਼ਰਤਾਂ ਹੇਠ ਮੁੜ ਨੌਕਰੀ ਦੇਣ ਦੀ ਕਾਰਵਾਈ ਫ਼ਿਲਹਾਲ ਰੋਕ ਦਿੱਤੀ ਹੈ। ਕੌਂਸਲ ਅਤੇ ਮੁਲਾਜ਼ਮ ਜਥੇਬੰਦੀਆਂ ਹੁਣ ਤਨਖ਼ਾਹਾਂ ਅਤੇ ਅਹੁਦਿਆਂ ਦੀ ਨਵੀਂ ਦਰਜਾਬੰਦੀ ਬਾਰੇ ਮੁੜ ਗੱਲਬਾਤ ਕਰਨਗੀਆਂ।
ਗਲਾਸਗੋ, 29 ਸਤੰਬਰ (ਹਰਜੀਤ ਸਿੰਘ ਦੁਸਾਂਝ)-ਗਲਾਸਗੋ ਕੌਂਸਲ ਨੇ ਕਰੀਬ 24 ਹਜ਼ਾਰ ਗੈਰ-ਅਧਿਆਪਕ ਮੁਲਾਜ਼ਮਾਂ ਦੇ ਮੌਜੂਦਾ ਰੁਜ਼ਗਾਰ ਸਮਝੌਤੇ ਖ਼ਤਮ ਕਰਕੇ ਉਨ੍ਹਾਂ ਨੂੰ ਨਵੀਆਂ ਸ਼ਰਤਾਂ ਹੇਠ ਮੁੜ ਨੌਕਰੀ ਦੇਣ ਦੀ ਕਾਰਵਾਈ ਫ਼ਿਲਹਾਲ ਰੋਕ ਦਿੱਤੀ ਹੈ। ਕੌਂਸਲ ਅਤੇ ਮੁਲਾਜ਼ਮ ਜਥੇਬੰਦੀਆਂ ਹੁਣ ਤਨਖ਼ਾਹਾਂ ਅਤੇ ਅਹੁਦਿਆਂ ਦੀ ਨਵੀਂ ਦਰਜਾਬੰਦੀ ਬਾਰੇ ਮੁੜ ਗੱਲਬਾਤ ਕਰਨਗੀਆਂ। ਇਹ ਕਾਰਵਾਈ ਅਗਲੇ ਹਫ਼ਤੇ ਦੇ ਅੰਤ ਤੱਕ ਰੋਕੀ ਗਈ ਹੈ।ਕੌਂਸਲ ਪੁਰਾਣੀ ਤਨਖ਼ਾਹ ਅਤੇ ਦਰਜਾਬੰਦੀ ਵਿਵਸਥਾ ਦੀ ਥਾਂ ਨਵੀਂ ਵਿਵਸਥਾ ਲਾਗੂ ਕਰਨਾ ਚਾਹੁੰਦੀ ਹੈ। ਪੁਰਾਣੀ ਵਿਵਸਥਾ ਵਿਚ ਖ਼ਾਸ ਕਰਕੇ ਮਹਿਲਾ ਮੁਲਾਜ਼ਮਾਂ ਨਾਲ ਤਨਖ਼ਾਹ ਸਬੰਧੀ ਭੇਦਭਾਵ ਪਾਇਆ ਗਿਆ ਸੀ। ਨਵੀਂ ਤਜਵੀਜ਼ ਅਨੁਸਾਰ ਬਹੁਤੇ ਮੁਲਾਜ਼ਮਾਂ ਦੀ ਤਨਖ਼ਾਹ ਜਾਂ ਤਾਂ ਵਧੇਗੀ ਜਾਂ ਪਹਿਲਾਂ ਜਿੰਨੀ ਰਹੇਗੀ ਪਰ ਕਰੀਬ 11 ਫ਼ੀਸਦੀ ਮੁਲਾਜ਼ਮਾਂ ਦੀ ਕਮਾਈ ਘਟ ਸਕਦੀ ਹੈ ਅਤੇ ਕੁਝ ਨੂੰ ਸਾਲਾਨਾ 10 ਹਜ਼ਾਰ ਪੌਂਡ ਤੋਂ ਵੀ ਵੱਧ ਦਾ ਨੁਕਸਾਨ ਹੋ ਸਕਦਾ ਹੈ। ਇਸ ਮਸਲੇ ਗੱਲਬਾਤ ਟੁੱਟਣ ਮਗਰੋਂ ਕੌਂਸਲ ਨੇ ਸਾਰੇ ਗੈਰ-ਅਧਿਆਪਕ ਮੁਲਾਜ਼ਮਾਂ ਦੇ ਮੌਜੂਦਾ ਰੁਜ਼ਗਾਰ ਸਮਝੌਤੇ ਖ਼ਤਮ ਕਰਕੇ ਪਹਿਲੀ ਜਨਵਰੀ ਤੋਂ ਉਨ੍ਹਾਂ ਨੂੰ ਨਵੀਆਂ ਸ਼ਰਤਾਂ ਹੇਠ ਮੁੜ ਨੌਕਰੀ ਦੇਣ ਦੀ ਤਿਆਰੀ ਕੀਤੀ ਸੀ। ਹੁਣ ਇਸ ਕਦਮ ਨੂੰ ਅਸਥਾਈ ਤੌਰ ’ਤੇ ਰੋਕ ਕੇ ਮੁਲਾਜ਼ਮ ਜਥੇਬੰਦੀਆਂ ਨਾਲ ਮੁੜ ਗੱਲਬਾਤ ਰਾਹੀਂ ਸਾਂਝੀ ਸਹਿਮਤੀ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।
