ਟੋਹਾਣਾ ਸਦਰ ਪੁਲਿਸ ਵਲੋਂ 400 ਲੀਟਰ ਲਾਹਣ ਬਰਾਮਦ, ਦੋਸ਼ੀ ਕੀਤਾ ਕਾਬੂ- ਕੇਸ ਦਰਜ

ਅ

ਅਜੀਤ ਡੈਸਕ 03-03-2026

ਟੋਹਾਣਾ/ਜਾਖ਼ਲ, 2 ਮਾਰਚ (ਮਨਜੀਤ ਸਿੰਘ) - ਟੋਹਾਣਾ ਪੁਲਿਸ ਨੇ ਨਾਜਾਇਜ਼ ਸ਼ਰਾਬ ਵਿਰੁੱਧ ਕਾਰਵਾਈ ਕਰਦਿਆਂ ਲਲੌਦਾ ਪਿੰਡ ਵਿਚ ਇੱਕ ਮੁਲਜ਼ਮ ਨੂੰ 400 ਲੀਟਰ ਲਾਹਣ ਸਮੇਤ ਗਿ੍ਫ਼ਤਾਰ ਕੀਤਾ | ਟੋਹਾਣਾ ਸਦਰ ਪੁਲਿਸ ਸਟੇਸ਼ਨ ਦੇ ਇੰਚਾਰਜ ਸਬ-ਇੰਸਪੈਕਟਰ ਸ਼ਾਦੀ ਰਾਮ ਨੇ ਦੱਸਿਆ ਕਿ 2 ਮਾਰਚ, 2026 ਨੂੰ ਸਬ-ਇੰਸਪੈਕਟਰ ਫੂਲ ਸਿੰਘ ਨੰਬਰ 92, ਆਪਣੀ ਟੀਮ ਸਮੇਤ ਲਲੌਦਾ ਬੱਸ ਸਟੈਂਡ ਨੇੜੇ ਗਸ਼ਤ 'ਤੇ ਸਨ | ਛਾਪੇਮਾਰੀ ਦੌਰਾਨ ਇੱਕ ਵਿਸ਼ੇਸ਼ ਮੁਖਬਰ ਨੇ ਮਲਕੀਤ ਸਿੰਘ ਨੂੰ ਸੂਚਨਾ ਦਿੱਤੀ ਕਿ ਇੱਕ ਵਿਅਕਤੀ ਆਪਣੇ ਚਾਚੇ ਦੇ ਘਰ ਨਾਜਾਇਜ਼ ਸ਼ਰਾਬ ਬਣਾ ਰਿਹਾ ਹੈ | ਡੀ.ਐਸ.ਪੀ. ਟੋਹਾਣਾ ਤੋਂ ਸਰਚ ਵਾਰੰਟ ਪ੍ਰਾਪਤ ਕੀਤਾ ਗਿਆ ਅਤੇ ਛਾਪਾ ਮਾਰਿਆ ਗਿਆ | ਛਾਪੇਮਾਰੀ ਦੌਰਾਨ ਸਟੋਰ ਤੋਂ ਦੋ ਪਲਾਸਟਿਕ ਡਰੰਮਾਂ ਵਿਚ ਕੁੱਲ 400 ਲੀਟਰ ਲਾਹਣ ਬਰਾਮਦ ਕੀਤੀ ਗਈ | ਦੋਸ਼ੀ ਦੀ ਪਛਾਣ ਮਲਕੀਤ ਸਿੰਘ ਵਜੋਂ ਹੋਈ ਹੈ, ਜੋ ਕਿ ਫ਼ਤਿਹਾਬਾਦ ਜ਼ਿਲ੍ਹੇ ਦੇ ਪਿੰਡ ਲਲੌਦਾ ਦਾ ਰਹਿਣ ਵਾਲਾ ਹੈ | ਬਰਾਮਦ ਕੀਤੀ ਗਈ ਲਾਹਣ ਨੂੰ ਜ਼ਬਤ ਕਰਕੇ ਸੀਲ ਕਰ ਦਿੱਤਾ ਗਿਆ ਅਤੇ ਈ-ਸਬੂਤ ਵੀ ਤਿਆਰ ਕੀਤਾ ਗਿਆ | ਇਸ ਸਬੰਧ ਵਿਚ ਐਕਸਾਈਜ਼ ਐਕਟ ਦੀ ਧਾਰਾ 61-4-2020 ਦੇ ਤਹਿਤ ਐਫ.ਆਈ.ਆਰ. ਨੰਬਰ 37, ਮਿਤੀ 02.03.2026, ਟੋਹਾਣਾ ਦੇ ਸਦਰ ਥਾਣਾ ਵਿਖੇ ਦਰਜ ਕੀਤੀ ਗਈ ਹੈ | ਅੱਗੇ ਕਾਰਵਾਈ ਜਾਰੀ ਹੈ |

ਪਿਛਲੀ ਖ਼ਬਰ ਪੰਜਾਬ ਅਤੇ ਹਰਿਆਣਾ ਬਾਰ ਕੌਂਸਲ ਦੇ ਅਹੁਦੇਦਾਰਾਂ ਦੀਆਂ ਚੋਣਾਂ 18 ਮਾਰਚ ਨੂੰ ਅਗਲੀ ਖ਼ਬਰ ਪ੍ਰੋ. (ਡਾ.) ਪ੍ਰਤਿਮਾ ਸ਼ਰਮਾ ਦੀਆਂ ਸਮਰਪਿਤ ਅਤੇ ਵਿਲੱਖਣ ਸੇਵਾਵਾਂ ਨੂੰ ਸਨਮਾਨ ਦੇਣ ਲਈ ਵਿਦਾਇਗੀ ਪਾਰਟੀ ਦਿੱਤੀ

ਟੋਹਾਣਾ ਸਦਰ ਪੁਲਿਸ ਵਲੋਂ 400 ਲੀਟਰ ਲਾਹਣ ਬਰਾਮਦ, ਦੋਸ਼ੀ ਕੀਤਾ ਕਾਬੂ- ਕੇਸ ਦਰਜ

ਸੰਬੰਧਿਤ ਖ਼ਬਰਾਂ