ਕੋਰਸ ਪੂਰਾ ਹੋਣ ’ਤੇ ਔਰਤਾਂ ਨੂੰ ਵੰਡੇ ਗਏ ਸਰਟੀਫਿਕੇਟ
ਸਿਰਸਾ, 18 ਅਗਸਤ (ਭੁਪਿੰਦਰ ਪੰਨੀਵਾਲੀਆ)- ਰਾਮਨਗਰੀਆ ਵਿੱਚ ਲਾਇਨਜ਼ ਕਲੱਬ ਸਿਰਸਾ ਅਮਰ ਦੁਆਰਾ ਚਲਾਏ ਜਾ ਰਹੇ ਸਿਲਾਈ ਕੇਂਦਰ ਵਿੱਚ ਸਿਲਾਈ ਕੋਰਸ ਪੂਰਾ ਕਰਨ ’ਤੇ ਔਰਤਾਂ ਨੂੰ ਸਰਟੀਫਿਕੇਟ ਵੰਡੇ ਗਏ। ਇਹ ਜਾਣਕਾਰੀ ਕਲੱਬ ਦੇ ਸਕੱਤਰ ਲਾਇਨ ਅਕਾਸ਼ ਸੈਨ ਨੇ ਦਿੱਤੀ।
ਸਿਰਸਾ, 18 ਅਗਸਤ (ਭੁਪਿੰਦਰ ਪੰਨੀਵਾਲੀਆ)- ਰਾਮਨਗਰੀਆ ਵਿੱਚ ਲਾਇਨਜ਼ ਕਲੱਬ ਸਿਰਸਾ ਅਮਰ ਦੁਆਰਾ ਚਲਾਏ ਜਾ ਰਹੇ ਸਿਲਾਈ ਕੇਂਦਰ ਵਿੱਚ ਸਿਲਾਈ ਕੋਰਸ ਪੂਰਾ ਕਰਨ ’ਤੇ ਔਰਤਾਂ ਨੂੰ ਸਰਟੀਫਿਕੇਟ ਵੰਡੇ ਗਏ। ਇਹ ਜਾਣਕਾਰੀ ਕਲੱਬ ਦੇ ਸਕੱਤਰ ਲਾਇਨ ਅਕਾਸ਼ ਸੈਨ ਨੇ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਕਲੱਬ ਦੇ ਸੰਸਥਾਪਕ ਪ੍ਰਧਾਨ ਸਵਾਮੀ ਰਮੇਸ਼ ਸਾਹੂਵਾਲਾ ਸਨ, ਜਦੋਂ ਕਿ ਦੁਰਗਾ ਦੇਵੀ ਨੇ ਸਮਾਗਮ ਦੀ ਪ੍ਰਧਾਨਗੀ ਕੀਤੀ। ਇਸ ਮੌਕੇ ਮੁੱਖ ਮਹਿਮਾਨ ਰਮੇਸ਼ ਸਾਹੂਵਾਲਾ ਨੇ ਕਿਹਾ ਕਿ ਅੱਜ ਰਾਮਨਗਰੀਆ ਪਿੰਡ ਵਿੱਚ ਵੀਹ ਔਰਤਾਂ ਆਤਮਨਿਰਭਰ ਹੋ ਗਈਆਂ ਹਨ ਅਤੇ ਉਹ ਉਨ੍ਹਾਂ ਦੇ ਉੱਜਲ ਭਵਿੱਖ ਦੀ ਕਾਮਨਾ ਕਰਦੇ ਹਨ। ਉਨ੍ਹਾਂ ਅੱਗੇ ਕਿਹਾ ਕਿ ਵਿਆਹੀਆਂ ਔਰਤਾਂ ਵੀ ਸਿਲਾਈ ਰਹੀਆਂ ਹਨ ਅਤੇ ਕੰਮ ਕਰ ਰਹੀਆਂ ਹਨ। ਜਿਸ ਨਾਲ ਉਨ੍ਹਾਂ ਦੀ ਪਰਿਵਾਰਕ ਆਮਦਨ ਅਤੇ ਦੇਸ਼ ਦੀ ਪ੍ਰਤੀ ਵਿਅਕਤੀ ਆਮਦਨ ਵਧ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਜਦੋਂ ਔਰਤਾਂ ਸਿੱਖਿਅਤ ਅਤੇ ਆਤਮਨਿਰਭਰ ਹੋਣਗੀਆਂ ਤਾਂ ਭਾਰਤ ਦਾ ਵੀ ਵਿਕਾਸ ਹੋਵੇਗਾ। ਇਸ ਮੌਕੇ ਉਨ੍ਹਾਂ ਕੋਰਸ ਪੂਰਾ ਕਰਨ ’ਤੇ ਸਿਲਾਈ ਸਿੱਖਣ ਵਾਲੀਆਂ ਸਾਰੀਆਂ ਔਰਤਾਂ ਨੂੰ ਸਰਟੀਫਿਕੇਟ ਵੰਡੇ। ਇਸ ਮੌਕੇ ਪੂਜਾ, ਰਿੰਕੂ, ਸੋਨੀਆ, ਪ੍ਰਿਯੰਕਾ, ਨਿਸ਼ਾ, ਸੁਨੀਤਾ, ਮਨੀਸ਼ਾ, ਦਿਵਿਆ, ਪਲਕ, ਸੰਤੋਸ਼ ਅਤੇ ਹੋਰ ਮੌਜੂਦ ਸਨ।
