ਜਲੰਧਰ

ਇਨੋਸੈਂਟ ਹਾਰਟਸ ਗਰੁੱਪ ਦੇ ਵਿਦਿਆਰਥੀਆਂ ਲਈ 'ਦਿਸ਼ਾ' ਪਹਿਲ ਤਹਿਤ ਯੋਗ ਸੈਸ਼ਨ

ਅ

ਅਜੀਤ ਡੈਸਕ 04-03-2026

ਜਲੰਧਰ, 3 ਮਾਰਚ (ਪਵਨ ਖਰਬੰਦਾ)-ਇਨੋਸੈਂਟ ਹਾਰਟਸ ਗਰੁੱਪ ਆਫ ਇੰਸਟੀਚਿਊਸ਼ਨਜ਼ ਦੇ ਮੈਨਟਲ ਵੈੱਲ-ਬੀਇੰਗ ਕਲੱਬ ਵਲੋਂ ਬੌਰੀ ਮੈਮੋਰੀਅਲ ਐਜੂਕੇਸ਼ਨਲ ਐਂਡ ਮੈਡੀਕਲ ਟਰੱਸਟ ਦੇ ਤਹਿਤ ਚੱਲ ਰਹੀ ਦਿਸ਼ਾ ਦੇ ਸਹਿਯੋਗ ਨਾਲ ਇਕ ਉਤਸ਼ਾਹ ਭਰਿਆ ਤੇ ਤਾਜਗੀ ਦਾਇਕ ਯੋਗ ਸੈਸ਼ਨ ਕੀਤਾ | ਇਸ ਸੈਸ਼ਨ ਦਾ ਮੁੱਖ ਉਦੇਸ਼ ਵਿਦਿਆਰਥੀਆਂ ਵਿਚ ਸ਼ਾਰੀਰਿਕ ਤੰਦਰੁਸਤੀ, ਮਾਨਸਿਕ ਸਿਹਤ ਤੇ ਸਿਹਤਮੰਦ ਜੀਵਨਸ਼ੈਲੀ ਬਾਰੇ ਜਾਗਰੂਕਤਾ ਵਧਾਉਣਾ ਸੀ | ਇਸ ਦਾ ਮਕਸਦ ਸਿਹਤ ਜਾਗਰੂਕਤਾ ਤੇ ਜਨ-ਸੰਪਰਕ ਗਤੀਵਿਧੀਆਂ ਨੂੰ ਪ੍ਰੋਤਸਾਹਿਤ ਕਰਨਾ ਹੈ | ਇਸ ਮੌਕੇ ਹੇਮਰਾਜ ਰਾਣਾ, ਸ਼ਾਖਾ ਪ੍ਰਬੰਧਕ ਵਿਸ਼ੇਸ਼ ਤੌਰ 'ਤੇ ਹਾਜ਼ਰ ਰਹੇ | ਯੋਗ ਸੈਸ਼ਨ ਦਾ ਸੰਚਾਲਨ ਜ਼ਿਲ੍ਹਾ ਆਯੁਰਵੈਦਿਕ ਤੇ ਯੂਨਾਨੀ ਦਫ਼ਤਰ ਤੋਂ ਆਈਆਂ ਅਨੁਭਵੀ ਪ੍ਰਸ਼ਿਕਸ਼ਕਾ ਸੁਸ਼ਰੀ ਸਰਿਤਾ ਮਲਹੋਤਰਾ ਤੇ ਸਚਿਨ ਚੱਢਾ ਵਲੋਂ ਕੀਤਾ | ਉਨ੍ਹਾਂ ਨੇ ਵਿਦਿਆਰਥੀਆਂ ਨੂੰ ਵੱਖ-ਵੱਖ ਯੋਗ ਆਸਨ, ਪ੍ਰਾਣਾਯਾਮ ਤਕਨੀਕਾਂ, ਸਟ੍ਰੈਚਿੰਗ ਅਭਿਆਸ ਤੇ ਧਿਆਨ ਪ੍ਰਕਿਰਿਆਵਾਂ ਕਰਵਾਈਆਂ | ਨਾਲ ਹੀ ਤਣਾਅ ਪ੍ਰਬੰਧਨ, ਏਕਾਗ੍ਰਤਾ ਵਿਚ ਵਾਧਾ ਅਤੇ ਸਮੂਹਿਕ ਸਿਹਤ ਲਈ ਯੋਗ ਦੇ ਵਿਗਿਆਨਕ ਤੇ ਚਿਕਿਤਸਕੀ ਲਾਭਾਂ ਬਾਰੇ ਵੀ ਜਾਣਕਾਰੀ ਦਿੱਤੀ | ਵਿਦਿਆਰਥੀਆਂ ਨੇ ਉਤਸ਼ਾਹ ਨਾਲ ਭਾਗ ਲੈਂਦੇ ਹੋਏ ਸੈਸ਼ਨ ਦਾ ਪੂਰਾ ਲਾਭ ਉਠਾਇਆ | ਸ਼ਾਂਤ ਤੇ ਸਕਾਰਾਤਮਕ ਮਾਹੌਲ ਨੇ ਵਿਦਿਆਰਥੀਆਂ ਨੂੰ ਆਪਣੇ ਰੋਜ਼ਾਨਾ ਜੀਵਨ ਵਿਚ ਯੋਗ ਅਪਣਾਉਣ ਲਈ ਪ੍ਰੇਰਿਤ ਕੀਤਾ | ਇਹ ਯੋਗ ਸੈਸ਼ਨ ਮੈਨਟਲ ਵੈੱਲ-ਬੀਇੰਗ ਕਲੱਬ ਦੇ ਉਦੇਸ਼ਾਂ ਅਨੁਸਾਰ ਵਿਦਿਆਰਥੀਆਂ ਦੇ ਸਮੂਹਿਕ ਵਿਕਾਸ ਤੇ ਸਮੂਹਿਕ ਸਿਹਤ ਦੇ ਮਹੱਤਵ ਨੂੰ ਮਜ਼ਬੂਤ ਕਰਨ ਵਿਚ ਪੂਰੀ ਤਰ੍ਹਾਂ ਸਫਲ ਰਿਹਾ |

ਪਿਛਲੀ ਖ਼ਬਰ ਮੋਗਾ ਰੈਲੀ ਲਈ ਭਾਜਪਾ ਨੇ ਇੰਚਾਰਜਾਂ ਦੇ ਨਾਲ ਸਹਿਯੋਗੀ ਕੀਤੇ ਨਿਯੁਕਤ <br/> ਅਗਲੀ ਖ਼ਬਰ ਗੁਰੂ ਹਰਿਗੋਬਿੰਦ ਹਸਪਤਾਲ ਵਲੋਂ ਲਗਾਏ ਡਾਕਟਰੀ ਜਾਂਚ ਕੈਂਪ ਦਾ 250 ਤੋਂ ਵੱਧ ਮਰੀਜ਼ਾਂ ਨੇ ਉਠਾਇਆ ਲਾਭ

ਇਨੋਸੈਂਟ ਹਾਰਟਸ ਗਰੁੱਪ ਦੇ ਵਿਦਿਆਰਥੀਆਂ ਲਈ 'ਦਿਸ਼ਾ' ਪਹਿਲ ਤਹਿਤ ਯੋਗ ਸੈਸ਼ਨ

ਸੰਬੰਧਿਤ ਖ਼ਬਰਾਂ