ਬੋਲੀਨਾ ਦੋਆਬਾ ਵਿਖੇ ਲਗਾਇਆ ਖ਼ੂਨਦਾਨ ਕੈਂਪ
ਚੁਗਿੱਟੀ/ ਜੰਡੂਸਿੰਘਾ, 23 ਅਕਤੂਬਰ ( ਨਰਿੰਦਰ ਲਾਗੂ)-ਖੂਨਦਾਨ ਕਰਨਾ ਪੁੰਨ ਦਾ ਇੱਕ ਉਤਮ ਕਾਰਜ ਹੈ, ਜਿਸ ਪ੍ਰਤੀ ਹੋ ਸਕੇ ਤਾਂ ਹਰੇਕ ਵਲੋਂ ਤਵੱਜੋਂ ਵਧਾਉਣ ਦੀ ਕੋਸ਼ਿਸ਼ ਕੀਤੀ ਜਾਣੀ ਚਾਹੀਦੀ ਹੈ। ਇਸ ਉੱਦਮ ਨਾਲ ਲੋੜਵੰਦ ਮਰੀਜ਼ਾਂ ਦੀ ਜਾਨ ਬਚਾਈ ਜਾ ਸਕਦੀ ਹੈ।
ਚੁਗਿੱਟੀ/ ਜੰਡੂਸਿੰਘਾ, 23 ਅਕਤੂਬਰ ( ਨਰਿੰਦਰ ਲਾਗੂ)-ਖੂਨਦਾਨ ਕਰਨਾ ਪੁੰਨ ਦਾ ਇੱਕ ਉਤਮ ਕਾਰਜ ਹੈ, ਜਿਸ ਪ੍ਰਤੀ ਹੋ ਸਕੇ ਤਾਂ ਹਰੇਕ ਵਲੋਂ ਤਵੱਜੋਂ ਵਧਾਉਣ ਦੀ ਕੋਸ਼ਿਸ਼ ਕੀਤੀ ਜਾਣੀ ਚਾਹੀਦੀ ਹੈ। ਇਸ ਉੱਦਮ ਨਾਲ ਲੋੜਵੰਦ ਮਰੀਜ਼ਾਂ ਦੀ ਜਾਨ ਬਚਾਈ ਜਾ ਸਕਦੀ ਹੈ। ਇਹ ਗੱਲ ਅੱਜ ਪਿੰਡ ਬੋਲੀਨਾ ਦੋਆਬਾ ਵਿਖੇ ਗ੍ਰਾਮ ਪੰਚਾਇਤ ਦੇ ਯਤਨਾਂ ਨਾਲ ਲਗਾਏ ਗਏ ਖੂਨਦਾਨ ਕੈਂਪ ਦੌਰਾਨ ਹਾਜ਼ਰੀਨ ਨੂੰ ਸੰਬੋਧਨ ਕਰਦੇ ਹੋਏ ਸਾਬਕਾ ਸਰਪੰਚ ਤੇ ਉੱਘੇ ਸਮਾਜ ਸੇਵਕ ਗੁਰਦੀਪ ਸਿੰਘ ਫਗੂੜਾ ਅਤੇ ਉਨ੍ਹਾਂ ਦੀ ਧਰਮ ਪਤਨੀ ਮੌਜੂਦਾ ਸਰਪੰਚ ਬੀਬੀ ਰਜਵੰਤ ਕੌਰ ਵਲੋਂ ਆਖੀ ਗਈ। ਉਨ੍ਹਾਂ ਕਿਹਾ ਕਿ ਅੱਜ 20 ਤੋਂ ਵੱਧ ਲੋਕਾਂ ਵਲੋਂ ਖੂਨਦਾਨ ਕਰਕੇ ਸੁੱਚੀ ਮਾਨਵਤਾ ਦਾ ਸਬੂਤ ਪੇਸ਼ ਕੀਤਾ ਗਿਆ। ਇਸ ਦੌਰਾਨ ਵੱਖ -ਵੱਖ ਹੋਰ ਬੁਲਾਰਿਆਂ ਵਲੋਂ ਪ੍ਰਬੰਧਕਾਂ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕੀਤੀ ਗਈ। ਇਸ ਮੌਕੇ ਸਾਬਕਾ ਸਰਪੰਚ ਕੁਲਵਿੰਦਰ ਬਾਘਾ,ਪੰਚ ਗੁਰਮੀਤ ਕੌਰ ਮਹੇ,ਪੰਚ ਸਾਹਿਲ ਬਾਘਾ, ਰਘੂਨਾਥ ਪੰਚ, ਨਰਿੰਦਰ ਬਾਘਾ ਪੰਚ,ਪੰਚ ਗੁਰਮੀਤ ਕੌਰ, ਪ੍ਰਦੀਪ ਹੀਰ, ਗੁਰਮੀਤ ਕੌਰ ਪੰਚ ਤੇ ਪ੍ਰੀਤਮ ਸਿੰਘ ਸਮੇਤ ਕਈ ਹੋਰ ਪਤਵੰਤੇ ਹਾਜਰ ਸਨ।
