ਸ੍ਰੀ ਹਰਿਨਾਮ ਸੰਕੀਰਤਨ ਭਵਨ ਸ਼ਾਹਕੋਟ ਵਿਖੇ 51 ਦਿਨ ਦਾ ‘ਅਖੰਡ ਮਹਾਂਸੰਕੀਰਤਨ’ ਆਰੰਭ
ਸ਼ਾਹਕੋਟ, 16 ਨਵੰਬਰ (ਸੁਖਦੀਪ ਸਿੰਘ)- ਸ੍ਰੀ ਹਰਿਨਾਮ ਸੰਕੀਰਤਨ ਮੰਡਲੀ, ਸ਼ਾਹਕੋਟ ਵਲੋਂ ਸਾਲਾਨਾ ਸੰਮੇਲਨ ਦੇ ਸੰਬੰਧ ਵਿਚ 51 ਦਿਨ ਦਾ ਅਖੰਡ ਮਹਾਂਸੰਕੀਰਤਨ ਸ਼ਰਧਾ ਤੇ ਉਤਸ਼ਾਹ ਨਾਲ ਸ਼ੁਰੂ ਹੋ ਗਿਆ। ਮੰਗਲਾਚਰਣ ਤੋਂ ਬਾਅਦ ਅਖੰਡ ਮਹਾਂਸੰਕੀਰਤਨ ਦੀ ਸ਼ੁਰੂਆਤ ਹੋਈ।
ਸ਼ਾਹਕੋਟ, 16 ਨਵੰਬਰ (ਸੁਖਦੀਪ ਸਿੰਘ)- ਸ੍ਰੀ ਹਰਿਨਾਮ ਸੰਕੀਰਤਨ ਮੰਡਲੀ, ਸ਼ਾਹਕੋਟ ਵਲੋਂ ਸਾਲਾਨਾ ਸੰਮੇਲਨ ਦੇ ਸੰਬੰਧ ਵਿਚ 51 ਦਿਨ ਦਾ ਅਖੰਡ ਮਹਾਂਸੰਕੀਰਤਨ ਸ਼ਰਧਾ ਤੇ ਉਤਸ਼ਾਹ ਨਾਲ ਸ਼ੁਰੂ ਹੋ ਗਿਆ। ਮੰਗਲਾਚਰਣ ਤੋਂ ਬਾਅਦ ਅਖੰਡ ਮਹਾਂਸੰਕੀਰਤਨ ਦੀ ਸ਼ੁਰੂਆਤ ਹੋਈ। ਇਸ ਮੌਕੇ ਮੰਦਿਰ ਨੂੰ ਸੁੰਦਰ ਰੌਸ਼ਨੀਆਂ ਤੇ ਫੁੱਲਾਂ ਨਾਲ ਸਜਾਇਆ ਗਿਆ। ਸ੍ਰੀ ਹਰਿਨਾਮ ਸੰਕੀਰਤਨ ਮੰਡਲੀ ਦੇ ਪ੍ਰਧਾਨ ਸਤੀਸ਼ ਭਾਰਦਵਾਜ, ਚੈਰੀਟੇਬਲ ਸੁਸਾਇਟੀ ਦੇ ਪ੍ਰਧਾਨ ਤਰਸੇਮ ਅਗਰਵਾਲ, ਰਾਮਦਾਸ ਮਿੱਤਲ, ਸੁਰੇਸ਼ ਗੋਸਾਈਂ ਤੇ ਰਮੇਸ਼ ਕੁਮਾਰ ਨੇ ਦੱਸਿਆ ਕਿ ਇਹ ਸਮਾਗਮ ਸ੍ਰੀ ਸ੍ਰੀ 108 ਬੀਤਰਾਗ ਪਰਮ ਹੰਸ ਬ੍ਰਹਮਲੀਨ ਸ੍ਰੀ ਗੁਰੂ ਮਹਾਰਾਜ ਜੀ ਦੇ ਆਸ਼ੀਰਵਾਦ ਤੇ ਆਨੰਦ ਕੰਦ ਬਾਂਕੇ ਬਿਹਾਰੀ ਜੀ ਦੀ ਅਪਾਰ ਕਿਰਪਾ ਨਾਲ ਸੰਗਤਾਂ ਦੇ ਸਹਿਯੋਗ ਨਾਲ ਕਰਵਾਇਆ ਜਾ ਰਿਹਾ ਹੈ। ਇਹ ਅਖੰਡ ਮਹਾਂਸੰਕੀਰਤਨ 4 ਜਨਵਰੀ 2027 ਤੱਕ ਨਿਰੰਤਰ ਜਾਰੀ ਰਹੇਗਾ। ਇਸ ਮੌਕੇ ਰੋਜਾਨਾ ਸਵੇਰੇ-ਸ਼ਾਮ 7:50 ਵਜੇ ਆਰਤੀ ਹੋਵੇਗੀ। ਇਸ ਮਹਾਂ ਸੰਕੀਰਤਨ ਵਿਚ ਸ੍ਰੀ ਹਰਿਨਾਮ ਸੰਕੀਰਤਨ ਮੰਡਲੀ ਬਹਾਦਰਪੁਰ ਹੁਸ਼ਿਆਰਪੁਰ, ਕਪੂਰਥਲਾ, ਜਗਾਧਰੀ ਸਿਵਲ ਲਾਈਨ, ਜਗਾਧਰੀ ਵਰਕਸ਼ਾਪ, ਜਗਾਧਰੀ ਹਨੂੰਮਾਨ ਗੇਟ ਤੇ ਅਨੰਦਪੁਰ ਸਾਹਿਬ ਤੋਂ ਮੰਡਲੀਆਂ ਪਹੁੰਚ ਰਹੀਆਂ ਹਨ। 4 ਜਨਵਰੀ ਨੂੰ ਸਵੇਰੇ 11:15 ਵਜੇ ਅਖੰਡ ਸੰਕੀਰਤਨ ਦਾ ਵਿਸ਼ਰਾਮ ਹੋਵੇਗਾ, ਉਪਰੰਤ ਭਜਨ ਸੰਕੀਰਤਨ, ਮੰਗਲਾਚਰਣ, ਸਤੁਤੀ, ਭੋਗ ਤੇ ਦੁਪਹਿਰ 12:30 ਵਜੇ ਆਰਤੀ ਹੋਵੇਗੀ। ਆਰਤੀ ਤੋਂ ਬਾਅਦ ਵਿਸ਼ਾਲ ਭੰਡਾਰਾ ਲਗਾਇਆ ਜਾਵੇਗਾ। ਇਸ 51 ਦਿਨ ਦੇ ਅਖੰਡ ਮਹਾਂਸੰਕੀਰਤਨ ਲਈ ਸ਼ਰਧਾਲੂਆਂ ਵਿਚ ਭਾਰੀ ਉਤਸ਼ਾਹ ਹੈ।