ਫਗਵਾੜਾ, 24 ਜਨਵਰੀ (ਅਸ਼ੋਕ ਕੁਮਾਰ ਵਾਲੀਆ)- ਰੋਟਰੀ ਕਲੱਬ ਫਗਵਾੜਾ ਜੈਮਸ ਨੇ ਆਪਣੇ ਸਮਾਜ ਸੇਵਾ ਦੇ ਸੰਕਲਪ ਨੂੰ ਅੱਗੇ ਵਧਾਉਂਦੇ ਹੋਏ ਕਲੱਬ ਪ੍ਰਧਾਨ ਸੀ.ਏ. ਰਾਕੇਸ਼ ਚਾਵਲਾ ਦੀ ਅਗਵਾਈ ਹੇਠ ਸਥਾਨਕ ਸਟਾਰ ਸਿਟੀ ਕਾਲੋਨੀ ਖੇੜਾ ਰੋਡ 'ਤੇ ਪੰਜਾਬ ਪ੍ਰਦੇਸ਼ ਧਾਰਮਿਕ ਕਮੇਟੀ ਤੇ ਫਗਵਾੜਾ ਸੋਸ਼ਲ ਵੈੱਲਫੇਅਰ ਕਮੇਟੀ ਵੱਲੋਂ ਚਲਾਏ ਜਾ ਰਹੇ ਸਿਲਾਈ ਸੈਂਟਰ ਨੂੰ ਪੰਜ ਸਿਲਾਈ ਮਸ਼ੀਨਾਂ ਭੇਟ ਕੀਤੀਆਂ | ਇਸ ਦੌਰਾਨ ਕਲੱਬ ਪ੍ਰਧਾਨ ਸੀ.ਏ. ਰਾਕੇਸ਼ ਚਾਵਲਾ ਨੇ ਕਿਹਾ ਕਿ ਮਹਿੰਗਾਈ ਦੇ ਇਸ ਦੌਰ ਵਿਚ ਔਰਤਾਂ ਦਾ ਕੰਮਕਾਜੀ ਹੋਣਾ ਸਮੇਂ ਦੀ ਮੁੱਢਲੀ ਲੋੜ ਬਣ ਚੁੱਕੀ ਹੈ | ਕਮੇਟੀ ਪ੍ਰਮੁੱਖ ਮਨੀਸ਼ ਕਨੌਜੀਆ ਨੇ ਸਿਲਾਈ ਮਸ਼ੀਨਾਂ ਦੇ ਫੁੱਟ ਪੈਡਲ ਦੀ ਜ਼ਰੂਰਤ ਬਾਰੇ ਕਲੱਬ ਨੂੰ ਜਾਣੂ ਕਰਵਾਇਆ ਜਿਸ ਦਾ ਪ੍ਰਬੰਧ ਕਰਨ ਦਾ ਭਰੋਸਾ ਕਲੱਬ ਵੱਲੋਂ ਦਿੱਤਾ ਗਿਆ | ਮਨੀਸ਼ ਕਨੌਜੀਆ ਤੇ ਕਮੇਟੀ ਪ੍ਰਧਾਨ ਸੁਰਿੰਦਰ ਕੁਮਾਰ ਨੇ ਕਲੱਬ ਦੇ ਸਹਿਯੋਗ ਲਈ ਦਿਲੋਂ ਧੰਨਵਾਦ ਕੀਤਾ | ਇਸ ਮੌਕੇ ਕਲੱਬ ਸਕੱਤਰ ਰੋਟੇਰੀਅਨ ਰਾਕੇਸ਼ ਸੂਦ, ਸਾਬਕਾ ਪ੍ਰਧਾਨ ਪਵਨ ਕੁਮਾਰ ਕਾਲੜਾ, ਪ੍ਰੋਜੈਕਟ ਡਾਇਰੈਕਟਰ ਮਹਿੰਦਰ ਸੇਠੀ ਤੋਂ ਇਲਾਵਾ ਕਮੇਟੀ ਸਰਪ੍ਰਸਤ ਹਰੀਸ਼ ਚੰਬਾ, ਉਪ ਪ੍ਰਧਾਨ ਪੰਕਜ ਸ਼ਰਮਾ ਆਦਿ ਮੌਜੂਦ ਸਨ |
