ਗੱਡੀ ਖ਼ੁਰਦ ਬੁਰਦ ਕਰਨ ਦੇ ਸਬੰਧ ’ਚ ਕੇਸ ਦਰਜੋ

ਫਗਵਾੜਾ, 17 ਅਗਸਤ (ਚਾਨਾ)- ਕਿਰਾਏ ‘ਤੇ ਗੱਡੀ ਲੈ ਕੇ ਜਾਣ ਤੇ ਗੱਡੀ ਨੂੰ ਖ਼ੁਰਦ ਬੁਰਦ ਕਰਨ ਦੇ ਸਬੰਧ ‘ਚ ਸਿਟੀ ਪੁਲਿਸ ਨੇ ਇਕ ਵਿਅਕਤੀ ਖ਼ਿਲਾਫ਼ ਧਾਰਾ 406, 420, 201 ਆਈਪੀਸੀ ਤਹਿਤ ਕੇਸ ਦਰਜ ਕੀਤਾ ਹੈ | ਸ਼ਿਕਾਇਤ ਕਰਤਾ ਅਨੀਤਾ ਕੁਮਾਰੀ ਪਤਨੀ ਧਰਮਿੰਦਰ ਕਾਲੜਾ ਵਾਸੀ ਪ੍ਰੀਤਮ ਨਗਰ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ‘ਚ ਦੱਸਿਆ ਕਿ ਉਕਤ ਵਿਅਕਤੀ ਨਵੇਂ ਉਸ ਪਾਸੋਂ ਗੱਡੀ 1500 ਰੁਪਏ ਪ੍ਰਤੀ ਦਿਨ ਦੇ ਹਿਸਾਬ ਨਾਲ 45 ਹਜ਼ਾਰ ਪ੍ਰਤੀ ਮਹੀਨਾ ਦੇਣ ਦੀ ਗੱਲ ਕੀਤੀ ਸੀ ਤੇ ਬਾਅਦ ‘ਚ ਗੱਡੀ ਨੂੰ ਵੀ ਖ਼ੁਰਦ ਬੁਰਦ ਕਰ ਦਿੱਤਾ | ਜਿਸ ਸਬੰਧ ‘ਚ ਪੁਲਿਸ ਨੇ ਧਰਮਪਾਲ ਬੈਂਸ ਪੁੱਤਰ ਗੁਰਮੇਲ ਸਿੰਘ ਬੈਂਸ ਵਾਸੀ ਕੀਰਤੀ ਨਗਰ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ |