ਸ੍ਰੀ ਕਿ੍ਸ਼ਨ ਜਨਮ ਅਸ਼ਟਮੀ ਦਾ ਤਿਉਹਾਰ 4 ਸਤੰਬਰ ਨੂੰ

ਢਿਲਵਾਂ, 25 ਅਗਸਤ (ਗੋਬਿੰਦ ਸੁਖੀਜਾ)-ਮੰਦਿਰ ਸੁਧਾਰ ਸਭਾ ਢਿਲਵਾਂ ਰਜਿਸਟਰਡ ਵੱਲੋਂ ਹਰ ਸਾਲ ਦੀ ਤਰ੍ਹਾਂ ਸ੍ਰੀ ਕਿ੍ਸ਼ਨ ਜਨਮ ਅਸ਼ਟਮੀ ਦਾ ਤਿਉਹਾਰ ਇਸ ਸਾਲ ਵੀ ਢਿਲਵਾਂ ਵਿਖੇ ਬੜੀ ਧੂਮਧਾਮ ਨਾਲ ਮਨਾਇਆ ਜਾ ਰਿਹਾ ਹੈ | ਰਾਜਨ ਸ਼ਰਮਾ ਤੇ ਵਿਸ਼ਾਲ ਅਰੋੜਾ ਨੇ ਦੱਸਿਆ ਕਿ 4 ਸਤੰਬਰ ਨੂੰ ਆਸ਼ੂ ਸਿਕੰਦਰ ਐਂਡ ਪਾਰਟੀ (ਜਲੰਧਰ ਵਾਲੇ) ਸ੍ਰੀ ਕ੍ਰਿਸ਼ਨ ਦੀ ਮਹਿੰਮਾ ਦਾ ਗੁਣਗਾਨ ਕਰਕੇ ਸੰਗਤਾਂ ਨੂੰ ਨਿਹਾਲ ਕਰਨਗੇ | 1 ਸਤੰਬਰ ਤੋਂ 3 ਸਤੰਬਰ ਤੱਕ ਸਤਿਸੰਗ 3 ਵਜੇ ਤੋ 5 ਵਜੇ ਤੱਕ ਹਰ ਰੋਜ਼ ਹੋਵੇਗਾ, 4 ਸਤੰਬਰ ਨੂੰ ਹਵਨ ਯੱਗ ਤਿੰਨੇ ਮੰਦਿਰਾਂ ਵਿਚ ਸਵੇਰੇ 7 ਵਜੇ ਤੋਂ 9 ਵਜੇ ਤੱਕ ਹੋਵੇਗਾ ਰਾਤ 8 ਵਜੇ ਤੋਂ 12 ਵਜੇ ਤੱਕ ਕਿ੍ਸ਼ਨ ਜੀ ਦਾ ਗੁਣਗਾਨ ਹੋਵੇਗਾ | ਉਪਰੰਤ ਕਿ੍ਸ਼ਨ ਮਹਾਰਾਜ ਜੀ ਦਾ ਪ੍ਰਕਾਸ਼ ਹੋਵੇਗਾ |ਰਾਤ ਨੂੰ 10 ਵਜੇ ਚਾਹ ਪਕੌੜਿਆਂ ਦਾ ਲੰਗਰ ਵੀ ਚੱਲੇਗਾ |