ਮੁਸਲਿਮ ਡਿਵੈਲਪਮੈਂਟ ਬੋਰਡ ਦੇ ਚੇਅਰਮੈਨ ਵਲੋਂ ਵਕਫ਼ ਬੋਰਡ ਦੇ ਅਸਟੇਟ ਅਫ਼ਸਰ ਨਾਲ ਮੁਲਾਕਾਤ
ਕਪੂਰਥਲਾ, 19 ਸਤੰਬਰ (ਵਿ. ਪ੍ਰ.)
ਕਪੂਰਥਲਾ, 19 ਸਤੰਬਰ (ਵਿ.ਪ੍ਰ.)-ਮੁਸਲਿਮ ਡਿਵੈਲਪਮੈਂਟ ਬੋਰਡ ਦੇ ਚੇਅਰਮੈਨ ਯਾਕੂਬ ਅਲੀ ਪੰਜਾਬ ਵਕਫ਼ ਬੋਰਡ ਦੇ ਅਸਟੇਟ ਅਫ਼ਸਰ ਹਾਰੂਨ ਰਸ਼ੀਦ ਨਾਲ ਉਨ੍ਹਾਂ ਦੇ ਦਫ਼ਤਰ ਵਿਚ ਮੁਲਾਕਾਤ ਕੀਤੀ | ਇਸ ਮੌਕੇ ਉਨ੍ਹਾਂ ਕਪੂਰਥਲਾ ਹਲਕੇ ਦੇ ਮੁਸਲਿਮ ਭਾਈਚਾਰੇ ਦੀਆਂ ਹੱਕੀ ਮੰਗਾਂ, ਜਿਨ੍ਹਾਂ ’ਚ ਮਸਜਿਦਾਂ ਤੇ ਕਬਰਸਤਾਨਾਂ ਲਈ ਗਰਾਂਟ ਤੇ ਸੁਲਤਾਨਪੁਰ ਲੋਧੀ ਕਬਰਸਤਾਨ ਲਈ ਜ਼ਮੀਨ ਅਲਾਟ ਕਰਨ ਬਾਰੇ ਵੀ ਗੱਲਬਾਤ ਕੀਤੀ | ਇਸ ਮੌਕੇ ਹਾਰੂਨ ਰਸ਼ੀਦ ਨੇ ਯਾਕੂਬ ਅਲੀ ਨੂੰ ਭਰੋਸਾ ਦਿਵਾਇਆ ਕਿ ਮੁਸਲਿਮ ਭਾਈਚਾਰੇ ਦੇ ਵੱਖ-ਵੱਖ ਕਾਰਜਾਂ ਸੰਬੰਧੀ ਅਰਜ਼ੀਆਂ ਉਹ ਬਹੁਤ ਜਲਦੀ ਵਕਫ਼ ਬੋਰਡ ਦੇ ਮੁੱਖ ਦਫ਼ਤਰ ਚੰਡੀਗੜ੍ਹ ਭੇਜ ਕੇ ਹੱਲ ਕਰਵਾਉਣ ਲਈ ਪੂਰਾ ਯਤਨ ਕਰਵਾਉਣਗੇ | ਇਸ ਮੌਕੇ ਸ਼ਾਹੀ ਇਮਾਮ ਅਬਦੁਲ ਹਮੀਦ, ਮੌਲਾਨਾ ਅਮਾਨੁੱਲਾ, ਮੌਲਾਨਾ ਆਸਿਫ ਫੁੱਲੇਵਾਲ, ਹਾਫ਼ਿਜ਼ ਸ਼ੌਕਤ ਨਵਾਂ ਪਿੰਡ, ਹਾਫ਼ਿਜ਼ ਸ਼ਾਹਰੁਖ ਤੇ ਰਮਜ਼ਾਨ ਅਲੀ ਆਦਿ ਹਾਜ਼ਰ ਸਨ |
