ਵੈਭਵ ਦੇ ਨਾਲ ਉਸਦੇ ਮਾਪੇ ਵੀ ਜਾਣਗੇ ਇੰਗਲੈਂਡ ਤੇ ਆਇਰਲੈਂਡ

ਮੁੰਬਈ, 7 ਜੂਨ (ਇੰਟ.)-15 ਸਾਲਾ ਵੈਭਵ ਸੂਰਿਆਵੰਸ਼ੀ ਦੇ ਮਾਪੇ ਵੀ ਇੰਗਲੈਂਡ ਤੇ ਆਇਰਲੈਂਡ ਜਾਣਗੇ | ਬੀ.ਸੀ.ਸੀ.ਆਈ. ਨੇ ਵੈਭਵ ਦੇ ਮਾਪਿਆਂ ਨੂੰ ਟੀਮ ਨਾਲ ਯਾਤਰਾ ਕਰਨ ਲਈ ਕਿਹਾ ਹੈ, ਇਹ ਕਹਿੰਦੇ ਹੋਏ ਕਿ ਇਸ ਨਾਲ ਉਸ ਨੂੰ ਸੀਨੀਅਰ ਟੀਮ ਦੇ ਮਾਹÏਲ 'ਚ ਆਸਾਨੀ ਨਾਲ ਢਲਣ 'ਚ ਮਦਦ ਮਿਲੇਗੀ | ਇਹ ਪਹਿਲੀ ਵਾਰ ਹੈ ਜਦੋਂ ਵੈਭਵ ਕਿਸੇ ਸੀਨੀਅਰ ਰਾਸ਼ਟਰੀ ਟੀਮ ਦਾ ਹਿੱਸਾ ਹੋਵੇਗਾ | ਉਹ ਭਾਰਤ ਲਈ ਆਪਣਾ ਡੈਬਿਊ ਕਰਨ ਵਾਲਾ ਸਭ ਤੋਂ ਘੱਟ ਉਮਰ ਦਾ ਖਿਡਾਰੀ ਵੀ ਬਣ ਸਕਦਾ ਹੈ | ਮÏਜੂਦਾ ਰਿਕਾਰਡ ਸਚਿਨ ਤੇਂਦੁਲਕਰ ਦੇ ਕੋਲ ਹੈ, ਜਿਸਨੇ 16 ਸਾਲ ਅਤੇ 207 ਦਿਨਾਂ ਦੀ ਉਮਰ 'ਚ ਪਾਕਿਸਤਾਨ ਵਿਰੁੱਧ ਆਪਣਾ ਡੈਬਿਊ ਕੀਤਾ ਸੀ | ਬੀ. ਸੀ. ਸੀ. ਆਈ. ਸਕੱਤਰ ਦੇਵਜੀਤ ਸੈਕੀਆ ਨੇ ਕਿਹਾ ਕਿ ਜਦੋਂ ਕਿ ਬੋਰਡ ਆਮ ਤੌਰ 'ਤੇ ਖਿਡਾਰੀਆਂ ਦੇ ਮਾਪਿਆਂ ਨੂੰ ਟੂਰ 'ਤੇ ਟੀਮ ਦੇ ਨਾਲ ਜਾਣ ਦੀ ਇਜਾਜ਼ਤ ਨਹੀਂ ਦਿੰਦਾ ਹੈ, ਵੈਭਵ ਦੇ ਮਾਮਲੇ 'ਚ ਇਕ ਖਾਸ ਅਪਵਾਦ ਕੀਤਾ ਗਿਆ ਹੈ ਕਿਉਂਕਿ ਉਹ ਨਾਬਾਲਗ ਹੈ ਤੇ ਪਹਿਲੀ ਵਾਰ ਸੀਨੀਅਰ ਖਿਡਾਰੀਆਂ ਦੀ ਟੀਮ 'ਚ ਸ਼ਾਮਿਲ ਹੋ ਰਿਹਾ ਹੈ |