ਅਗਨੀਪਥ ਯੋਜਨਾ ਵਿਚ ਸੁਧਾਰਾਂ 'ਤੇ ਵਿਚਾਰ ਕੀਤਾ ਜਾ ਸਕਦਾ ਹੈ - ਫ਼ੌਜ ਮੁਖੀ ਜਨਰਲ ਦਿਵੇਦੀ

ਨਵੀਂ ਦਿੱਲੀ, 29 ਜੂਨ - ਅਗਨੀਪਥ ਯੋਜਨਾ ਨੂੰ ਇਕ ਵੱਡਾ ਮਨੁੱਖੀ ਸਰੋਤ ਸੁਧਾਰ ਦੱਸਦਿਆਂ, ਜਿਸਦਾ ਮਕਸਦ ਇਕ ਜਵਾਨ, ਤੰਦਰੁਸਤ, ਵਧੇਰੇ ਊਰਜਾਵਾਨ ਅਤੇ ਭਵਿੱਖ ਲਈ ਤਿਆਰ ਫੋਰਸ ਬਣਾਉਣਾ ਹੈ, ਸੇਵਾਮੁਕਤ ਫ਼ੌਜ ਮੁਖੀ ਜਨਰਲ ਉਪੇਂਦਰ ਦਿਵੇਦੀ ਨੇ ਕਿਹਾ ਹੈ ਕਿ ਜੇਕਰ ਭਵਿੱਖ ਦੇ ਮੁਲਾਂਕਣਾਂ ਤੋਂ ਪਤਾ ਲੱਗਦਾ ਹੈ ਕਿ ਅਗਨੀਵੀਰਾਂ ਦੀ ਉੱਚ ਰਿਟੈਨਸ਼ਨ ਰੱਖਿਆ ਬਲਾਂ ਦੀ ਮਦਦ ਕਰ ਸਕਦੀ ਹੈ, ਤਾਂ ਯੋਜਨਾ ਵਿਚ ਢੁਕਵੇਂ ਸੁਧਾਰਾਂ 'ਤੇ ਵਿਚਾਰ ਕੀਤਾ ਜਾ ਸਕਦਾ ਹੈ।
ਭਰਤੀ ਦੀ ਅਗਨੀਪਥ ਯੋਜਨਾ ਦੇ ਤਹਿਤ, ਭਾਰਤੀ ਫੌਜ ਚਾਰ ਸਾਲਾਂ ਲਈ ਸੈਨਿਕਾਂ ਨੂੰ ਸ਼ਾਮਿਲ ਕਰਦੀ ਹੈ ਜਿਸ ਤੋਂ ਬਾਅਦ ਉਨ੍ਹਾਂ ਵਿਚੋਂ 25 ਪ੍ਰਤੀਸ਼ਤ ਨੂੰ ਸੇਵਾ ਵਿਚ ਬਰਕਰਾਰ ਰੱਖਿਆ ਜਾਂਦਾ ਹੈ ਜਦੋਂ ਕਿ ਬਾਕੀ 75 ਪ੍ਰਤੀਸ਼ਤ ਨੂੰ ਹੋਰ ਨੌਕਰੀਆਂ ਲੈਣ ਲਈ ਛੱਡ ਦਿੱਤਾ ਜਾਂਦਾ ਹੈ। ਰਾਜ ਅਤੇ ਕੇਂਦਰੀ ਪੁਲਿਸ ਬਲਾਂ ਵਿਚ ਕਈ ਅਸਾਮੀਆਂ ਅਗਨੀਵੀਰਾਂ ਲਈ ਰਾਖਵੀਆਂ ਰੱਖੀਆਂ ਗਈਆਂ ਹਨ।