ਬ੍ਰਾਜ਼ੀਲ ਨੇ ਜਪਾਨ ’ਤੇ ਦਰਜ ਕੀਤੀ ਇਕ ਯਾਦਗਾਰ ਜਿੱਤ ਆਖ਼ਰੀ ਮਿੰਟ ’ਚ ਗੋਲ ਕਰਕੇ 2-1 ਨਾਲ ਹਰਾਇਆ

 ਹਿਊਸਟਨ, 29 ਜੂਨ (ਏਜੰਸੀ)-ਫੀਫਾ ਵਿਸ਼ਵ ਕੱਪ ਦੇ ਰਾਊਂਡ ਆਫ਼ 32 ਮੈਚ ’ਚ ਪੰਜ ਵਾਰ ਦੇ ਚੈਂਪੀਅਨ ਬ੍ਰਾਜ਼ੀਲ ਨੇ ਜਪਾਨ ਨੂੰ 2-1 ਨਾਲ ਹਰਾ ਕੇ ਅਗਲੇ ਪੜਾਅ ਲਈ ਆਪਣੀ ਜਗ੍ਹਾ ਪੱਕੀ ਕਰ ਲਈ ਹੈ। ਸ਼ੁਰੂਆਤ ਤੋਂ ਹੀ ਮੈਚ ਰੋਮਾਂਚ ਭਰਪੂਰ ਰਿਹਾ। ਮੈਚ ਦਾ ਪਹਿਲਾ ਗੋਲ 29ਵੇਂ ਮਿੰਟ ’ਚ ਆਇਆ। ਕੈਸ਼ੂ ਸਾਨੋ ਨੇ ਇਕ ਸ਼ਾਨਦਾਰ ਗੋਲ ਕਰਕੇ ਜਪਾਨ ਨੂੰ 1-0 ਦੀ ਬੜ੍ਹਤ ਦਿਵਾਈ। ਜਿਸ ਨਾਲ ਟੀਮ ਲਈ ਇੱਕ ਮਹੱਤਵਪੂਰਨ ਲੀਡ ਪ੍ਰਾਪਤ ਹੋਈ। ਇਸ ਦੌਰਾਨ ਬ੍ਰਾਜ਼ੀਲ ਗੋਲ ਦੀ ਭਾਲ ’ਚ ਸੰਘਰਸ਼ ਕਰਦਾ ਦਿਖਾਈ ਦਿੱਤਾ, ਜਦੋਂ ਕਿ ਜਪਾਨੀ ਟੀਮ ਆਪਣਾ ਫਾਇਦਾ ਬਰਕਰਾਰ ਰੱਖਣ ਲਈ ਇਕ ਮਜ਼ਬੂਤ ਡਿਫੈਂਸ ਨਾਲ ਖੇਡੀ। ਪਹਿਲੇ ਅੱਧ ਦੀ ਸਮਾਪਤੀ ਜਪਾਨ ਨੇ 1-0 ਨਾਲ ਕੀਤੀ। ਦੂਜੇ ਅੱਧ ਵਿਚ ਬ੍ਰਾਜ਼ੀਲ ਨੇ ਸ਼ਾਨਦਾਰ ਵਾਪਸੀ ਕਰਦਿਆਂ ਮੈਚ ਬਰਾਬਰ ਕਰ ਦਿੱਤਾ। 56ਵੇਂ ਮਿੰਟ ’ਚ, ਤਜਰਬੇਕਾਰ ਮਿਡਫੀਲਡਰ ਕੈਸੇਮੀਰੋ ਨੇ ਸ਼ਾਨਦਾਰ ਗੋਲ ਕਰਕੇ ਸਕੋਰ 1-1 ਕਰ ਦਿੱਤਾ। ਬ੍ਰਾਜ਼ੀਲ ਨੇ ਦੂਜੇ ਅੱਧ ’ਚ ਹਮਲਾਵਰ ਸ਼ੁਰੂਆਤ ਦਾ ਪੂਰਾ ਫਾਇਦਾ ਉਠਾਇਆ। ਇਸ ਪਹਿਲੇ ਅੱਧ ਦੀ ਸਮਾਪਤੀ ਤੱਕ ਜਪਾਨ ਨੇ ਮੈਚ ’ਚ ਆਪਣਾ ਪੂਰਾ ਦਬਦਬਾ ਬਣਾ ਕੇ ਰੱਖਿਆ। ਇਕ ਪਰ ਸਕੋਰ 1-1 ਹੋਣ ਜਾਣ ਅਤੇ 90 ਮਿੰਟ ਬੀਤ ਜਾਣ ਤੋਂ ਬਾਅਦ ਪ੍ਰੰਸਸਕਾਂ ’ਚ ਨਤੀਜੇ ਲਈ ਉਤਸੁਕਤਾ ਸਾਫ਼ ਦੇਖੀ ਜਾ ਰਹੀ ਸੀ। ਇਸੇ ਦੌਰਾਨ ਬ੍ਰਾਜ਼ੀਲ ਨੇ ਇੰਜ਼ਰੀ ਟਾਇਮ ’ਚ ਇਕ ਸ਼ਾਨਦਾਰ ਮੌਕੇ ਦਾ ਫਾਇਦਾ ਉਠਾਇਆ ਤੇ ਗੈਬਰੀਅਲ ਮਾਰਟੀਨੇਲੀ ਨੇ 90+5’ ਮਿੰਟ ’ਚ ਜੇਤੂ ਗੋਲ ਕਰਕੇ ਬ੍ਰਾਜ਼ੀਲ ਲਈ ਇਕ ਯਾਦਗਾਰ ਜਿੱਤ ਦਰਜ ਕੀਤੀ। ਆਖਰੀ ਸੀਟੀ ਵੱਜਣ ਦੇ ਨਾਲ, ਬ੍ਰਾਜ਼ੀਲ ਨੇ ਅਗਲੇ ਦੌਰ ’ਚ ਆਪਣੀ ਜਗ੍ਹਾ ਪੱਕੀ ਕਰ ਲਈ, ਜਦੋਂ ਕਿ ਜਾਪਾਨ ਦੀ ਪ੍ਰਭਾਵਸ਼ਾਲੀ ਮੁਹਿੰਮ ਖਤਮ ਹੋ ਗਈ।