ਹਰਿਆਣਾ ਦੇ ਵੱਖ-ਵੱਖ ਸਕੂਲਾਂ ਵਿਚ 'ਬੁਨਿਆਦ' ਪ੍ਰੋਗਰਾਮ ਅਧੀਨ 103 ਔਨਲਾਈਨ ਸੈਂਟਰ ਕੰਮ ਕਰ ਰਹੇ ਹਨ - ਨਾਇਬ ਸਿੰਘ ਸੈਣੀ

ਚੰਡੀਗੜ੍ਹ, 2, ਜੁਲਾਈ - ਆਈਆਈਟੀ/ਜੇਈਈ ਪ੍ਰੀਖਿਆ ਵਿਚ ਯੋਗਤਾ ਪ੍ਰਾਪਤ ਕਰਨ ਵਾਲੇ ਸੁਪਰ-100 ਵਿਦਿਆਰਥੀਆਂ ਦੇ ਸਨਮਾਨ ਸਮਾਗਮ ਵਿਚ, ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ, “ਮੈਂ ਇਹ ਦੱਸਣਾ ਚਾਹਾਂਗਾ ਕਿ ਇਸ ਸਮੇਂ ਹਰਿਆਣਾ ਦੇ ਵੱਖ-ਵੱਖ ਸਕੂਲਾਂ ਵਿਚ 'ਬੁਨਿਆਦ' ਪ੍ਰੋਗਰਾਮ ਅਧੀਨ 103 ਔਨਲਾਈਨ ਸੈਂਟਰ ਕੰਮ ਕਰ ਰਹੇ ਹਨ... ਮੈਨੂੰ ਖੁਸ਼ੀ ਹੈ ਕਿ ਉਹ ਇਸ ਪ੍ਰਣਾਲੀ ਰਾਹੀਂ ਔਨਲਾਈਨ ਹਦਾਇਤਾਂ ਪ੍ਰਾਪਤ ਕਰਦੇ ਹਨ। ਕੁਝ ਸਮੇਂ ਤੋਂ ਲਗਾਤਾਰ ਬੇਨਤੀਆਂ ਕੀਤੀਆਂ ਜਾ ਰਹੀਆਂ ਸਨ, ਅਤੇ ਜਦੋਂ ਮੈਂ ਮਨੋਹਰ ਲਾਲ ਨਾਲ ਇਸ ਬਾਰੇ ਚਰਚਾ ਕੀਤੀ, ਬੁਨਿਆਦ ਪ੍ਰੋਗਰਾਮ ਦੁਆਰਾ ਪ੍ਰਾਪਤ ਸ਼ਾਨਦਾਰ ਨਤੀਜਿਆਂ ਬਾਰੇ ਦੱਸਿਆ, ਤਾਂ ਉਹ ਵਿਸਥਾਰ ਲਈ ਸਹਿਮਤ ਹੋ ਗਏ... ਇਸ ਲਈ, ਮੈਂ ਅੱਜ ਐਲਾਨ ਕਰਦਾ ਹਾਂ ਕਿ ਮੌਜੂਦਾ 103 ਔਨਲਾਈਨ ਸੈਂਟਰਾਂ ਵਿੱਚ 25 ਵਾਧੂ ਸੈਂਟਰ ਜੋੜੇ ਜਾਣਗੇ, ਜਿਸ ਨਾਲ ਬੁਨਿਆਦ ਕੇਂਦਰਾਂ ਦੀ ਕੁੱਲ ਗਿਣਤੀ 125 ਹੋ ਜਾਵੇਗੀ... ਮੈਂ ਕੁਰੂਕਸ਼ੇਤਰ ਕੇਂਦਰ (ਸੁਪਰ 100 ਪ੍ਰੋਗਰਾਮ ਲਈ ਹੱਬ) ਵਿਖੇ ਇਕ ਡਿਜੀਟਲ ਲਾਇਬ੍ਰੇਰੀ ਸਥਾਪਤ ਕਰਨ ਲਈ 100 ਕੰਪਿਊਟਰ ਅਲਾਟ ਕਰਨ ਦਾ ਐਲਾਨ ਕਰਦਾ ਹਾਂ। ਜਦੋਂ ਕਿ ਇਸ ਪਹਿਲਕਦਮੀ 'ਤੇ ਲਗਭਗ ₹1 ਕਰੋੜ ਦਾ ਖ਼ਰਚਾ ਆਵੇਗਾ, ਅਸੀਂ ਇਹ ਯਕੀਨੀ ਬਣਾਉਣਾ ਚਾਹੁੰਦੇ ਹਾਂ ਕਿ ਸਾਡੇ ਮਿਹਨਤੀ ਵਿਦਿਆਰਥੀਆਂ ਨੂੰ ਕੋਈ ਰੁਕਾਵਟ ਜਾਂ ਮੁਸ਼ਕਲ ਨਾ ਆਵੇ... ਅਸੀਂ ਪਹਿਲਾਂ ਹੀ 600 ਪੰਚਾਇਤਾਂ ਵਿਚ ਡਿਜੀਟਲ ਲਾਇਬ੍ਰੇਰੀਆਂ ਖੋਲ੍ਹੀਆਂ ਹਨ ਤਾਂ ਜੋ ਸਾਡੇ ਬੱਚਿਆਂ ਨੂੰ ਕੋਚਿੰਗ ਲਈਦੂਰ ਯਾਤਰਾ ਨਾ ਕਰਨੀ ਪਵੇ..."।