ਫੀਫਾ ਵਿਸ਼ਵ ਕੱਪ 2026 : ਇੰਗਲੈਂਡ ਨੇ ਫਰਾਂਸ ਨੂੰ 6-4 ਨਾਲ ਹਰਾ ਕੇ ਜਿੱਤਿਆ ਕਾਂਸੀ ਦਾ ਤਗਮਾ

ਮਿਆਮੀ, 19 ਜੁਲਾਈ - ਫੀਫਾ ਵਿਸ਼ਵ ਕੱਪ 2026 ਵਿਚ ਫਰਾਂਸ ਨੂੰ 6-4 ਨਾਲ ਹਰਾ ਕੇ ਇੰਗਲੈਂਡ ਨੇ ਕਾਂਸੀ ਦਾ ਤਗਮਾ ਜਿੱਤਿਆ। ਤੀਸਰੇ ਸਥਾਨ ਲਈ ਹੋਏ ਇਸ ਰੋਮਾਂਚਕ ਮੁਕਾਬਲੇ ਵਿਚ ਕੁਲ 10 ਗੋਲ ਹੋਏ ਅਤੇ ਕਈ ਵਿਅਕਤੀਗਤ ਰਿਕਾਰਡ ਬਣੇ।ਅਕਸਰ ਟੂਰਨਾਮੈਂਟ ਦਾ ਸਭ ਤੋਂ ਘੱਟ ਮਹੱਤਵਪੂਰਨ ਮੈਚ ਮੰਨੇ ਜਾਂਦੇ ਕਾਂਸੀ ਦੇ ਤਗਮੇ ਲਈ ਹੋਏ ਇਸ ਮੁਕਾਬਲੇ ਨੇ ਸਾਰਿਆਂ ਨੂੰ ਹੈਰਾਨ ਕਰ ਦਿੱਤਾ। ਮੈਚ ਵਿਚ ਲਗਾਤਾਰ ਹਮਲਾਵਰ ਫੁੱਟਬਾਲ ਦੇਖਣ ਨੂੰ ਮਿਲਿਆ ਅਤੇ ਮੈਚ ਦਾ ਰੁਖ਼ ਤੇਜ਼ੀ ਨਾਲ ਕਈ ਵਾਰ ਬਦਲਿਆ।
ਥਾਮਸ ਟੁਚੇਲ ਦੀ ਟੀਮ ਨੇ ਹਾਫ ਟਾਈਮ ਤੋਂ ਪਹਿਲਾਂ 4-0 ਦੀ ਲੀਡ ਹਾਸਲ ਕੀਤੀ। ਡੇਕਲਨ ਰਾਈਸ ਨੇ ਦੂਰ ਤੋਂ ਗੋਲ ਕਰ ਕੇ ਸਕੋਰਿੰਗ ਦੀ ਸ਼ੁਰੂਆਤ ਕੀਤੀ, ਏਜ਼ਰੀ ਕੌਂਸਾ ਨੇ ਸੈੱਟ-ਪੀਸ ਨਾਲ ਬੜ੍ਹਤ ਨੂੰ ਦੁੱਗਣਾ ਕਰ ਦਿੱਤਾ, ਅਤੇ ਬੁਕਾਯੋ ਸਾਕਾ ਨੇ ਦੋ ਵਾਰ ਗੋਲ ਕਰਕੇ ਫਰਾਂਸ ਨੂੰ ਮੁਸ਼ਕਿਲ ਸਥਿਤੀ ਵਿਚ ਪਾ ਦਿੱਤਾ।ਬ੍ਰੇਕ ਤੋਂ ਬਾਅਦ ਫਰਾਂਸ ਨੇ ਕਪਤਾਨ ਕਾਇਲੀਅਨ ਐਮਬਾਪੇ ਦੀ ਅਗਵਾਈ ਵਿਚ ਟੀਮ ਨੇ ਸ਼ਾਨਦਾਰ ਵਾਪਸੀ ਕੀਤੀ। ਉਸਨੇ ਆਪਣੀ ਟੀਮ ਦੀਆਂ ਉਮੀਦਾਂ ਨੂੰ ਮੁੜ ਸੁਰਜੀਤ ਕਰਨ ਲਈ ਦੋ ਗੋਲ ਕੀਤੇ, ਜਦੋਂ ਕਿ ਬ੍ਰੈਡਲੀ ਬਾਰਕੋਲਾ ਅਤੇ ਓਸਮਾਨ ਡੇਂਬੇਲੇ ਨੇ ਵੀ ਗੋਲ ਕੀਤੇ।
ਹਾਲਾਂਕਿ, ਇੰਗਲੈਂਡ ਨੇ ਹਰ ਵਾਰ ਜਵਾਬ ਦਿੱਤਾ। ਸਾਕਾ ਨੇ ਪੈਨਲਟੀ ਸਪਾਟ ਤੋਂ ਆਪਣੀ ਹੈਟ੍ਰਿਕ ਪੂਰੀ ਕੀਤੀ, ਇਸ ਤੋਂ ਬਾਅਦ ਜੂਡ ਬੇਲਿੰਘਮ ਨੇ ਇੰਗਲੈਂਡ ਦੇ ਛੇਵੇਂ ਗੋਲ ਨਾਲ ਜਿੱਤ 'ਤੇ ਮੋਹਰ ਲਗਾ ਦਿੱਤੀ।