-ਚੀਨ ਮਾਸਟਰਸ ਸੁਪਰ 750- ਸ੍ਰੀਕਾਂਤ ਨੇ ਲਾਈ ਨੂੰ ਹਰਾ ਕੇ ਕੀਤਾ ਉਲਟਫੇਰ

ਸ਼ੇਨਜ਼ੇਨ, 3 ਸਤੰਬਰ (ਏਜੰਸੀ)-ਭਾਰਤ ਦੇ ਅਨੁਭਵੀ ਖਿਡਾਰੀ ਕਿਦਾਂਬੀ ਸ੍ਰੀਕਾਂਤ ਨੇ ਆਪਣਾ ਬਿਹਤਰੀਨ ਪ੍ਰਦਰਸ਼ਨ ਜਾਰੀ ਰੱਖਦਿਆਂ ਬੁੱਧਵਾਰ ਨੂੰ ਇਥੇ ਕੈਨੇਡਾ ਦੇ ਵਿਸ਼ਵ ਦੇ 9ਵੇਂ ਨੰਬਰ ਦੇ ਖਿਡਾਰੀ ਵਿਕਟਰ ਲਾਈ ਨੂੰ ਸਿੱਧੀ ਗੇਮ ’ਚ ਹਰਾ ਕੇ ਚੀਨ ਮਾਸਟਰਸ ਸੁਪਰ 750 ਬੈਡਮਿੰਟਨ ਟੂਰਨਾਮੈਂਟ ਦੇ ਪੁਰਸ਼ ਸਿੰਗਲ ਦੇ ਕੁਆਰਟਰਫਾਈਨਲ ’ਚ ਪ੍ਰਵੇਸ਼ ਕੀਤਾ। ਇਸ ਸਾਲ ਦੀ ਸ਼ੁਰੂਆਤ ’ਚ ਯੂ.ਐਸ. ਓਪਨ ਸੁਪਰ 300 ਦੇ ਫਾਈਨਲ ’ਚ ਪਹੁੰਚਣ ਵਾਲੇ 33 ਸਾਲ ਦੇ ਸ੍ਰੀਕਾਂਤ ਨੇ ਲਾਈ ’ਤੇ 21-18, 21-19 ਨਾਲ ਜਿੱਤ ਦਰਜ਼ ਕਰਕੇ ਉਲਟਫੇਰ ਕੀਤਾ। ਲਾਈ ਨੇ ਪਿਛਲੇ ਮਹੀਨੇ ਵਿਸ਼ਵ ਚੈਂਪੀਅਨਸ਼ਿਪ ’ਚ ਕਾਂਸੀ ਦਾ ਤਗਮਾ ਜਿੱਤਿਆ ਸੀ।