ਭਾਰਤ ਨੇ 80 ਲੱਖ ਐਚਪੀਵੀ ਟੀਕਾਕਰਨ ਦਾ ਅੰਕੜਾ ਕੀਤਾ ਪਾਰ - ਸਿਹਤ ਮੰਤਰਾਲਾ

ਨਵੀਂ ਦਿੱਲੀ, 11 ਸਤੰਬਰ - ਸਿਹਤ ਮੰਤਰਾਲਾ ਅਨੁਸਾਰ ਭਾਰਤ ਨੇ 80 ਲੱਖ ਐਚਪੀਵੀ ਟੀਕਾਕਰਨ ਦਾ ਅੰਕੜਾ ਪਾਰ ਕਰ ਲਿਆ ਹੈ, ਜੋ ਰੋਕਥਾਮਯੋਗ ਸਿਹਤ ਸੰਭਾਲ ਨੂੰ ਮਜ਼ਬੂਤ ​​ਕਰਨ ਅਤੇ ਐਚਪੀਵੀ ਲਾਗ ਤੇ ਇਸ ਨਾਲ ਜੁੜੇ ਕੈਂਸਰਾਂ ਤੋਂ ਬਚਾਅ ਨੂੰ ਅੱਗੇ ਵਧਾਉਣ ਵਿਚ ਇਕ ਹੋਰ ਅਹਿਮ ਪੜਾਅ ਹੈ। ਇਸ ਦੇਸ਼ ਵਿਆਪੀ ਮੁਹਿੰਮ ਦਾ ਮੁੱਖ ਮਕਸਦ ਸਰਵਾਈਕਲ ਕੈਂਸਰ ਨੂੰ ਖ਼ਤਮ ਕਰਨਾ ਹੈ, ਜੋ ਕਿ ਔਰਤਾਂ ਵਿੱਚ ਦੂਜਾ ਸਭ ਤੋਂ ਆਮ ਕੈਂਸਰ ਹੈ।ਇਹ ਟੀਕਾ ਮੁੱਖ ਤੌਰ 'ਤੇ 14 ਸਾਲ ਅਤੇ ਇਸ ਤੋਂ ਵੱਧ ਉਮਰ ਦੀਆਂ ਕਿਸ਼ੋਰ ਲੜਕੀਆਂ ਨੂੰ ਮੁਫਤ ਦਿੱਤਾ ਜਾ ਰਿਹਾ ਹੈ। ਸਰਕਾਰ ਦਾ ਸਾਲਾਨਾ ਟੀਚਾ ਇਸ ਸੁਰੱਖਿਆ ਪ੍ਰਣਾਲੀ ਦੇ ਤਹਿਤ ਲਗਭਗ 11.5 ਮਿਲੀਅਨ ਲੜਕੀਆਂ ਨੂੰ ਕਵਰ ਕਰਨਾ ਹੈ।
ਇਸ ਮੁਹਿੰਮ ਵਿਚ ਗਾਰਡਾਸਿਲ-4 ਨਾਮਕ ਟੀਕੇ ਦੀ ਵਰਤੋਂ ਕੀਤੀ ਜਾ ਰਹੀ ਹੈ। ਮਾਹਿਰਾਂ ਦੇ ਅਨੁਸਾਰ, ਇਹ ਸਿੰਗਲ-ਡੋਜ਼ ਟੀਕਾ ਸਰਵਾਈਕਲ ਕੈਂਸਰ ਲਈ ਜ਼ਿੰਮੇਵਾਰ ਮੁੱਖ ਵਾਇਰਸ ਸਟ੍ਰੇਨ ਦੇ ਵਿਰੁੱਧ 93% ਤੋਂ 100% ਪ੍ਰਭਾਵਸ਼ਾਲੀ ਸਾਬਤ ਹੋਇਆ ਹੈ। ਇਹ ਟੀਕਾ ਦੇਸ਼ ਭਰ ਦੇ ਸਾਰੇ ਸਰਕਾਰੀ ਹਸਪਤਾਲਾਂ, ਪ੍ਰਾਇਮਰੀ ਹੈਲਥ ਸੈਂਟਰਾਂ ਕਮਿਊਨਿਟੀ ਹੈਲਥ ਸੈਂਟਰਾਂ  ਅਤੇ ਆਯੁਸ਼ਮਾਨ ਅਰੋਗਿਆ ਮੰਦਰਾਂ ਵਿਚ ਪੂਰੀ ਤਰ੍ਹਾਂ ਮੁਫਤ ਉਪਲਬਧ ਹੈ। ਇਸ ਪੂਰੇ ਟੀਕਾਕਰਨ ਮੁਹਿੰਮ ਦੇ ਡੇਟਾ ਨੂੰ ਸਿਹਤ ਮੰਤਰਾਲੇ ਦੇ ਡਿਜੀਟਲ ਪਲੇਟਫਾਰਮ U-WIN ਪੋਰਟਲ ਰਾਹੀਂ ਟਰੈਕ ਅਤੇ ਰਿਕਾਰਡ ਕੀਤਾ ਜਾ ਰਿਹਾ ਹੈ।