ਬਰਨਾਲਾ, 5 ਅਕਤੂਬਰ (ਨਰਿੰਦਰ ਅਰੋੜਾ)- ਤਿਉਹਾਰਾਂ ਦੇ ਸੀਜ਼ਨ ਤੋਂ ਪਹਿਲਾਂ ਸਿਹਤ ਵਿਭਾਗ ਬਰਨਾਲਾ ਨੇ ਮਿਲਾਵਟਖੋਰਾਂ 'ਤੇ ਵੱਡੀ ਕਾਰਵਾਈ ਕੀਤੀ ਹੈ। ਫੂਡ ਸੇਫਟੀ ਅਫਸਰ ਸਰਦਾਰ ਚਰਨਜੀਤ ਸਿੰਘ ਵਲੋਂ ਗੁਪਤ ਸੂਚਨਾ ਦੇ ਆਧਾਰ 'ਤੇ ਦੇਰ ਸ਼ਾਮ ਦਾਣਾ ਮੰਡੀ ਰੋਡ, ਪ੍ਰੇਮ ਅੱਖਾਂ ਦੇ ਹਸਪਤਾਲ ਦੇ ਨੇੜੇ ਚੱਲ ਰਹੀ ਇਕ ਘਰ ਦੇ ਵਿਚ ਹੀ ਬਣੀ ਫੈਕਟਰੀ ਟਾਈਪ ਜਗਾਂ ਜਿੱਥੇ ਸਰ੍ਹੋਂ ਦਾ ਤੇਲ ਪੈਕ ਹੋ ਰਿਹਾ ਸੀ ਵਿਖੇ 'ਛਾਪਾ ਮਾਰਿਆ ਗਿਆ। ਮੌਕੇ ਤੇ ਜਾਣਕਾਰੀ ਦਿੰਦਿਆਂ ਐਫ.ਐਸ. ਬਰਨਾਲਾ ਸਰਦਾਰ ਚਰਨਜੀਤ ਸਿੰਘ ਨੇ ਦੱਸਿਆ ਕਿ ਫੈਕਟਰੀ ਦੀ ਤਰਹਾਂ ਬਣੇ ਗੋਦਾਮ 'ਚ ਵੱਡੇ-ਵੱਡੇ ਟੈਂਕਾਂ 'ਚ ਵੱਖ-ਵੱਖ ਤਰ੍ਹਾਂ ਦਾ ਤੇਲ ਪਿਆ ਸੀ, ਜਿਸ ਨੂੰ ਮਿਕਸ ਕਰਕੇ ਸਰ੍ਹੋਂ ਦਾ ਤੇਲ ਤਿਆਰ ਕਰਕੇ ਪੈਕ ਕੀਤਾ ਜਾ ਰਿਹਾ ਸੀ।
ਵਿਭਾਗ ਨੇ 1100 ਲੀਟਰ ਦੇ ਕਰੀਬ ਮਿਲਾਵਟੀ ਤੇਲ ਕਬਜ਼ੇ 'ਚ ਲੈ ਕੇ ਸੀਲ ਕਰ ਦਿੱਤਾ ਹੈ ਅਤੇ ਮੌਕੇ 'ਤੇ ਸੈਂਪਲ ਭਰ ਕੇ ਜਾਂਚ ਲਈ ਲੈਬ 'ਚ ਭੇਜੇ ਗਏ ਹਨ।
ਉਨ੍ਹਾਂ ਦੱਸਿਆ ਕਿ ਲੈਬ ਰਿਪੋਰਟ ਆਉਣ ਤੋਂ ਬਾਅਦ ਬਣਦੀ ਕਾਰਵਾਈ ਅਮਲ 'ਚ ਲਿਆਂਦੀ ਜਾਵੇਗੀ।
