ਗਿਆਨੇਸ਼ ਜੀ ਨਹੀਂ, ਸਗੋਂ ਗਣੇਸ਼ ਜੀ ਕਰ ਰਹੇ ਹਨ ਸਾਡੀ ਮਦਦ - ਸੰਬਿਤ ਪਾਤਰਾ

ਨਵੀਂ ਦਿੱਲੀ, 6 ਅਕਤੂਬਰ - 'ਇੰਡੀਆ' ਗੱਠਜੋੜ ਦੇ ਸੰਸਦ ਮੈਂਬਰਾਂ ਵਲੋਂ ਚੋਣ ਕਮਿਸ਼ਨ ਤੱਕ ਕੀਤੇ ਜਾਣ ਵਾਲੇ ਰੋਸ ਮਾਰਚ ਤੋਂ ਪਹਿਲਾਂ, ਭਾਜਪਾ ਦੇ ਕੌਮੀ ਬੁਲਾਰੇ ਅਤੇ ਸੰਸਦ ਮੈਂਬਰ ਸੰਬਿਤ ਪਾਤਰਾ ਨੇ ਕਿਹਾ, "ਸਾਡੀ ਮਦਦ ਗਿਆਨੇਸ਼ ਜੀ ਨਹੀਂ, ਸਗੋਂ ਗਣੇਸ਼ ਜੀ ਕਰ ਰਹੇ ਹਨ। ਭਾਜਪਾ ਨੂੰ ਬੁੱਧੀ, ਗਿਆਨ ਅਤੇ ਸਮਝ ਦੇ ਦੇਵਤੇ - ਗਣੇਸ਼ ਜੀ - ਦਾ ਸਹਿਯੋਗ ਮਿਲ ਰਿਹਾ ਹੈ, ਨਾ ਕਿ ਗਿਆਨੇਸ਼ ਜੀ ਦਾ। ਭਾਰਤ ਦੇ ਲੋਕਾਂ ਕੋਲ ਬੁੱਧੀ, ਗਿਆਨ ਅਤੇ ਸਮਝ ਹੈ। ਉਹ ਜਾਣਦੇ ਹਨ ਕਿ ਉਨ੍ਹਾਂ ਨੇ ਪਰਿਵਾਰਵਾਦ, ਭ੍ਰਿਸ਼ਟਾਚਾਰ ਅਤੇ ਅੱਤਵਾਦੀਆਂ ਦਾ ਸਾਥ ਦੇਣ ਵਾਲਿਆਂ ਨੂੰ ਵੋਟ ਨਹੀਂ ਪਾਉਣੀ - ਉਹ ਲੋਕ ਜੋ ਕੈਪਟਨ ਸਮਿਤ ਲਈ ਇਕ ਟਵੀਟ ਵੀ ਨਹੀਂ ਕਰ ਸਕਦੇ। ਉਹ ਜਾਣਦੇ ਹਨ ਕਿ ਉਨ੍ਹਾਂ ਨੇ ਉਸ ਵਿਅਕਤੀ ਨੂੰ ਵੋਟ ਪਾਉਣੀ ਹੈ ਜੋ ਕਹਿੰਦਾ ਹੈ, 'ਮੈਂ ਦੇਸ਼ ਨਹੀਂ ਝੁਕਣ ਦੇਵਾਂਗਾ'।"