ਜੀਜੇ ਨੇ ਘਰ ਆ ਮਾਰੀ ਆਪਣੇ ਸਾਲੇ ਨੂੰ ਗੋਲੀ

ਜਲੰਧਰ, 10 ਨਵੰਬਰ- ਜਲੰਧਰ ਵਿਚ ਜੀਜੇ ਵਲੋਂ ਆਪਣੇ ਸਾਲੇ ਨੂੰ ਗੋਲੀ ਮਾਰ ਦਿੱਤੀ ਗਈ ਤੇ ਉਸਨੂੰ ਗੰਭੀਰ ਹਾਲਤ ਵਿਚ ਹਸਪਤਾਲ ਦਾਖਲ ਕਰਵਾਇਆ ਗਿਆ ਹੈ। ਗੋਲੀਬਾਰੀ ਸਵੇਰੇ 4 ਵਜੇ ਦੇ ਕਰੀਬ ਥ੍ਰੀ ਸਟਾਰ ਕਲੋਨੀ ਵਿਚ ਹੋਈ। ਜੀਜੇ ਨੇ ਆਪਣੇ ਸਾਲੇ ਦੇ ਘਰ ਨੂੰ ਨਿਸ਼ਾਨਾ ਬਣਾਇਆ ਅਤੇ ਗੋਲੀਬਾਰੀ ਕੀਤੀ। ਸਵੇਰੇ ਅਚਾਨਕ ਹੋਈ ਗੋਲੀਬਾਰੀ ਨੇ ਕਲੋਨੀ ਵਿਚ ਦਹਿਸ਼ਤ ਫੈਲਾ ਦਿੱਤੀ। ਇਸ ਤੋਂ ਬਾਅਦ ਤੁਰੰਤ ਪੁਲਿਸ ਨੂੰ ਬੁਲਾਇਆ ਗਿਆ ਤੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਗੋਲੀ ਘਰ ਦੇ ਜਵਾਈ ਮਨਦੀਪ ਸਿੰਘ ਨੇ ਚਲਾਈ ਸੀ। ਉਸ ਦਾ ਸਾਲਾ ਈਸ਼ਵਰ ਸਿੰਘ ਗੋਲੀ ਨਾਲ ਜ਼ਖਮੀ ਹੋ ਗਿਆ ਅਤੇ ਸਿਵਲ ਹਸਪਤਾਲ ਵਿਚ ਇਲਾਜ ਅਧੀਨ ਹੈ। ਹਾਲਾਂਕਿ, ਦੋਵਾਂ ਵਿਚਕਾਰ ਝਗੜੇ ਦਾ ਸਹੀ ਕਾਰਨ ਅਜੇ ਪਤਾ ਨਹੀਂ ਲੱਗ ਸਕਿਆ ਹੈ।