ਮੈਨੂੰ ਖੁਸ਼ੀ ਹੈ, ਉਹ ਉਨ੍ਹਾਂ (ਸੋਨੀਆ ਗਾਂਧੀ) ਦੀ ਕਿਤਾਬ ਪੜ੍ਹ ਰਹੇ ਹਨ - ਪ੍ਰਿਅੰਕਾ ਗਾਂਧੀ ਵਾਡਰਾ

ਮਨੰਥਵਾਦੀ (ਕੇਰਲਮ), 12 ਨਵੰਬਰ - ਵਾਇਨਾਡ ਤੋਂ ਕਾਂਗਰਸੀ ਸੰਸਦ ਮੈਂਬਰ ਪ੍ਰਿਅੰਕਾ ਗਾਂਧੀ ਵਾਡਰਾ ਨੇ ਪਦਮ ਸ਼੍ਰੀ ਨਾਲ ਸਨਮਾਨਿਤ ਮਰਹੂਮ ਚੇਰੁਵਯਾਲ ਰਮਨ ਦੇ ਨਿਵਾਸ ਸਥਾਨ ਦਾ ਦੌਰਾ ਕੀਤਾ।ਉਹ ਕੇਰਲਮ ਦੇ ਇਕ ਕਬਾਇਲੀ ਕਿਸਾਨ ਸਨ ਅਤੇ ਰਵਾਇਤੀ ਝੋਨੇ ਦੇ ਬੀਜਾਂ ਦੀ ਸੰਭਾਲ ਕਰਨ ਵਾਲੇ ਇਕ ਜਾਣੇ-ਪਛਾਣੇ ਮਾਹਰ ਸਨ। ਉਨ੍ਹਾਂ ਨੂੰ ਟਿਕਾਊ ਖੇਤੀ ਅਤੇ ਜੈਵ ਵਿਭਿੰਨਤਾ ਦੀ ਸੰਭਾਲ ਵਿਚ ਪਾਏ ਯੋਗਦਾਨ ਲਈ ਸਨਮਾਨਿਤ ਕੀਤਾ ਗਿਆ ਸੀ।  
ਇਸ ਮੌਕੇ ਸੋਨੀਆ ਗਾਂਧੀ ਦੀ ਕਿਤਾਬ ਬਾਰੇ ਕਾਂਗਰਸ ਸੰਸਦ ਮੈਂਬਰ ਪ੍ਰਿਅੰਕਾ ਗਾਂਧੀ ਵਾਡਰਾ ਨੇ ਕਿਹਾ,  "ਭਾਰਤ ਵਿਚ ਮੇਰੀ ਮਾਂ ਦੀ ਬਾਲਗ ਜ਼ਿੰਦਗੀ ਦੌਰਾਨ, ਭਾਜਪਾ, ਆਰ.ਐਸ.ਐਸ. ਅਤੇ ਹੋਰ ਕਈਆਂ ਨੇ ਉਨ੍ਹਾਂ ਬਾਰੇ ਜੋ ਵੀ ਚਾਹਿਆ, ਉਹ ਕਿਹਾ ਹੈ। ਉਨ੍ਹਾਂ ਨੇ ਝੂਠ ਬੋਲੇ ​​ਹਨ, ਕਹਾਣੀਆਂ ਘੜੀਆਂ ਹਨ ਅਤੇ ਉਨ੍ਹਾਂ ਬਾਰੇ ਕਈ ਤਰ੍ਹਾਂ ਦੀਆਂ ਕਹਾਣੀਆਂ ਬਣਾਈਆਂ ਹਨ, ਪਰ ਮੇਰੀ ਮਾਂ ਚੁੱਪ ਰਹੀ। ਹੁਣ, ਉਹ ਆਪਣੀ ਕਹਾਣੀ ਦੱਸ ਰਹੀ ਹੈ ਅਤੇ ਉਸ ਕੋਲ ਅਜਿਹਾ ਕਰਨ ਦਾ ਪੂਰਾ ਹੱਕ ਹੈ। ਇਹ ਚੰਗੀ ਗੱਲ ਹੈ ਕਿ ਉਹ (ਭਾਜਪਾ ਵਾਲੇ) ਇਸ ਨੂੰ ਪੜ੍ਹਨ ਲਈ ਤਿਆਰ ਹਨ। ਇੰਨੇ ਲੰਬੇ ਸਮੇਂ ਤੋਂ ਉਹ (ਭਾਜਪਾ) ਮੇਰੀ ਮਾਂ ਬਾਰੇ ਝੂਠ ਬੋਲਦੇ ਆ ਰਹੇ ਸਨ, ਅਤੇ ਹੁਣ ਉਹ (ਸੋਨੀਆ ਗਾਂਧੀ) ਸੱਚ ਦੱਸ ਰਹੀ ਹੈ। ਮੈਨੂੰ ਖੁਸ਼ੀ ਹੈ ਕਿ ਉਹ ਉਨ੍ਹਾਂ ਦੀ ਕਿਤਾਬ ਪੜ੍ਹ ਰਹੇ ਹਨ।"