ਸ਼ਿਮਲਾ, 21 ਸਤੰਬਰ (ਪੀ.ਟੀ.ਆਈ.)-ਹਿਮਾਚਲ ਪ੍ਰਦੇਸ਼ ਦੇ ਚੰਬਾ ਜ਼ਿਲ੍ਹੇ 'ਚ ਐਤਵਾਰ ਤੜਕੇ 2:30 ਵਜੇ ਦੇ ਕਰੀਬ ਇਕ ਕਾਰ ਰਾਵੀ ਨਦੀ 'ਚ ਡਿਗਣ ਕਾਰਨ ਇਕ ਵਿਅਕਤੀ ਦੀ ਮੌਤ ਹੋ ਗਈ, ਜਦਕਿ ਦੋ ਜ਼ਖ਼ਮੀ ਹੋਏ ਅਤੇ ਇਕ ਨਦੀ 'ਚ ਰੁੜ੍ਹ ਗਿਆ | ਪੁਲਿਸ ਨੇ ਦੱਸਿਆ ਕਿ ਹਮੀਰਪੁਰ ਦੇ ਅਖਿਲੇਸ਼, ਸ਼ਿਮਲਾ ਦੇ ਰਿਸ਼ਾਂਤ ਤੇ ਇਸ਼ਿਕਾ ਅਤੇ ਸੋਲਨ ਦੇ ਦਿਵਯਾਂਸ਼ ਸਾਰੇ ਚੰਬਾ ਦੇ ਪੰਡਿਤ ਜਵਾਹਰ ਲਾਲ ਨਹਿਰੂ ਸਰਕਾਰੀ ਮੈਡੀਕਲ ਕਾਲਜ ਦੇ ਵਿਦਿਆਰਥੀ, ਇਕੱਠੇ ਯਾਤਰਾ ਕਰ ਰਹੇ ਸਨ | ਇਸ ਦੌਰਾਨ ਡਰਾਈਵਰ ਨੇ ਗੱਡੀ ਤੋਂ ਸੰਤੁਲਨ ਗੁਆ ਦਿੱਤਾ ਤੇ ਕਾਰ ਰਾਵੀ ਨਦੀ 'ਚ ਜਾ ਡਿੱਗੀ | ਇਸ ਦੌਰਾਨ ਅਖਿਲੇਸ਼ ਦੀ ਮੌਤ ਹੋ ਗਈ ਤੇ ਇਸ਼ਿਕਾ ਨਦੀ 'ਚ ਰੁੜ੍ਹ ਗਈ ਅਤੇ ਰਿਸ਼ਾਂਤ ਤੇ ਦਿਵਯਾਂਸ਼ ਜ਼ਖ਼ਮੀ ਹੋਏ | ਪੁਲਿਸ ਨੇ ਜ਼ਿਲ੍ਹਾ ਪ੍ਰਸ਼ਾਸਨ ਨਾਲ ਮਿਲ ਕੇ ਇਸ਼ੀਕਾ ਲਈ ਭਾਲ ਸ਼ੁਰੂ ਕਰ ਦਿੱਤੀ |
