ਚੱਬੇਵਾਲ, 3 ਜੂਨ (ਪਰਮਜੀਤ ਨੋਰੰਗਾਬਾਦੀ)-ਇਨ੍ਹੀਂ ਦਿਨੀਂ ਗਰਮੀ ਨੇ ਜਿੱਥੇ ਲੋਕਾਂ ਦਾ ਬੁਰਾ ਹਾਲ ਕੀਤਾ ਹੋਇਆ ਹੈ, ਦੂਸਰੇ ਪਾਸੇ ਬਿਜਲੀ ਵਿਭਾਗ ਦੀ ਮਾੜੀ ਕਾਰਗੁਜ਼ਾਰੀ ਤੋਂ ਹਲਕਾ ਚੱਬੇਵਾਲ ਅਤੇ ਇਸ ਦੇ ਆਸ ਪਾਸ ਦੇ ਪਿੰਡਾਂ ਦੇ ਲੋਕ ਬੁਰੀ ਤਰ੍ਹਾਂ ਪ੍ਰੇਸ਼ਾਨ ਹਨ ¢ ਬਿਜਲੀ ਦੇ ਲੱਗ ਰਹੇ ਲੰਬੇ ਕੱਟ ਅਤੇ ਬਿਜਲੀ ਦੀ ਮਾੜੀ ਸਪਲਾਈ ਨੇ ਲੋਕਾਂ ਦਾ ਬੁਰਾ ਹਾਲ ਕੀਤਾ ਹੋਇਆ ਹੈ ¢ ਇਸ ਸੰਬੰਧੀ ਹਲਕਾ ਚੱਬੇਵਾਲ ਦੇ ਪਿੰਡ ਬਿਹਾਲਾ, ਬਜਰਾਵਰ, ਸਸੋਲੀ, ਨੋਰੰਗਾਬਾਦ ਆਦਿ ਪਿੰਡਾਂ ਦੇ ਵਾਸੀਆਂ ਨੇ ਦੱਸਿਆ ਕਿ ਅੱਤ ਦੀ ਗਰਮੀ ਵਿਚ ਬਿਜਲੀ ਵਿਭਾਗ ਵਲੋਂ ਅਣ-ਐਲਾਨੇ ਕੱਟ ਲਾਏ ਜਾ ਰਹੇ ਹਨ¢ ਮੌਸਮ ਵਿਚ ਥੋੜੀ ਜਿਹੀ ਵੀ ਤਬਦੀਲੀ ਹੋਏ ਜਾਂ ਹਲਕੀ ਹਵਾ ਹੀ ਚੱਲੇ ਤਾਂ ਬਿਜਲੀ ਸਪਲਾਈ ਕਈ-ਕਈ ਘੰਟਿਆਂ ਲਈ ਰੋਕ ਦਿੱਤੀ ਜਾਂਦੀ ਹੈ ¢ ਬਿਜਲੀ ਸਪਲਾਈ ਦਾ ਏਨਾ ਬੁਰਾ ਹਾਲ ਹੈ ਕਿ ਪੂਰੀ-ਪੂਰੀ ਰਾਤ ਬਿਜਲੀ ਸਪਲਾਈ ਨਹੀਂ ਆਉਂਦੀ¢ ਬਿਜਲੀ ਵਿਭਾਗ ਵਲੋਂ ਜਾਰੀ ਸ਼ਿਕਾਇਤ ਨੰਬਰ 1912 'ਤੇ ਸੰਪਰਕ ਕਰਨ 'ਤੇ ਸ਼ਿਕਾਇਤ ਨੰਬਰ ਤਾਂ ਉਸ ਵੇਲੇ ਹੀ ਪ੍ਰਾਪਤ ਹੋ ਜਾਂਦਾ ਹੈ, ਪ੍ਰੰਤੂ ਦਰਜ ਕੀਤੀ ਸ਼ਿਕਾਇਤ ਦੇ ਹੱਲ ਲਈ ਘੰਟਿਆਂ ਅਤੇ ਦਿਨਾਂਬੱਧੀ ਇੰਤਜ਼ਾਰ ਕਰਨਾ ਪੈਂਦਾ ਹੈ ¢ ਇਸ ਸੰਬੰਧੀ ਲੋਕਾਂ ਨੇ ਕਿਹਾ ਕਿ 'ਆਪ' ਸਰਕਾਰ ਵਲੋਂ ਦਾਅਵਾ ਤਾਂ 24 ਘੰਟੇ ਨਿਰਵਿਘਨ ਬਿਜਲੀ ਸਪਲਾਈ ਦਾ ਹੈ, ਪ੍ਰੰਤੂ 12 ਘੰਟੇ ਵੀ ਸਪਲਾਈ ਨਹੀਂ ਦਿੱਤੀ ਜਾ ਰਹੀ ¢ ਇਹਨਾਂ ਪਿੰਡਾਂ ਦੇ ਵਾਸੀਆਂ ਨੇ ਕਿਹਾ ਕਿ ਜੇਕਰ ਬਿਜਲੀ ਸਪਲਾਈ ਵਿਚ ਸੁਧਾਰ ਨਾ ਹੋਇਆ ਤਾਂ ਉਹ ਜਲਦ ਹੀ ਸਰਕਾਰ ਅਤੇ ਬਿਜਲੀ ਵਿਭਾਗ ਵਿਰੁੱਧ ਸੜਕਾਂ ਤੇ ਉੱਤਰ ਕੇ ਸੰਘਰਸ਼ ਲਈ ਮਜਬੂਰ ਹੋਣਗੇ¢