ਮਿਆਣੀ, 2 ਸਤੰਬਰ (ਹਰਜਿੰਦਰ ਸਿੰਘ ਮੁਲਤਾਨੀ)-ਗੁਰਦੁਆਰਾ ਸੱਚਖੰਡ ਈਸਰ ਦਰਬਾਰ ਜੋਰਾਸੀ ਭੇਵਾ ਦੇ ਮਹਾਂਪੁਰਸ਼ ਸੱਚਖੰਡ ਵਾਸੀ ਸੰਤ ਬਾਬਾ ਮਾਨ ਸਿੰਘ ਭੇਵੇ ਵਾਲਿਆਂ ਵਲੋਂ ਮਨੁੱਖਤਾ ਦੇ ਸੇਵਾ ਲਈ ਆਰੰਭ ਕੀਤੇ ਕਾਰਜਾਂ ਨੂੰ ਅੱਗੇ ਤੋਰਦਿਆਂ ਸੰਤ ਬਾਬਾ ਮਨੀ ਸਿੰਘ ਵਲੋਂ ਪੰਜਾਬ 'ਚ ਆਏ ਹੜ੍ਹਾਂ 'ਚ ਘਿਰੇ ਲੋਕਾਂ ਦੀ ਸੇਵਾ ਲਈ ਪਿਛਲੇ ਕਈ ਦਿਨਾਂ ਤੋਂ ਲੰਗਰਾਂ ਤੇ ਹੋਰ ਸਮਗਰੀ ਦੇ ਕਾਰਜ ਬਾਬਾ ਸੁਰਜੀਤ ਸਿੰਘ ਭੇਵੇ ਵਾਲਿਆਂ ਦੇ ਅਗਵਾਈ 'ਚ ਲਗਾਤਾਰ ਜਾਰੀ ਹਨ | ਇਸ ਮੌਕੇ ਬਾਬਾ ਸੁਰਜੀਤ ਸਿੰਘ ਦੱਸਿਆ ਕਿ ਸੰਤ ਬਾਬਾ ਮਨੀ ਸਿੰਘ ਨੇ ਟਾਂਡਾ ਦੇ ਬੇਟ ਖੇਤਰ ਦੇ ਪਿੰਡਾਂ ਦੇ ਨਾਲ-ਨਾਲ ਡੇਰਾ ਬਾਬਾ ਨਾਨਕ, ਸੁਲਤਾਨਪੁਰ ਲੋਧੀ ਤੇ ਹੋਰ ਇਲਾਕਿਆਂ 'ਚ ਪਾਣੀ ਵਿਚ ਘਿਰੀਆਂ ਸੰਗਤਾਂ ਨੂੰ ਲੰਗਰ ਅਤੇ ਹੋਰ ਸਮਗਰੀ ਵੰਡਣ ਲਈ ਡਿਊਟੀਆਂ ਲਗਾਈਆਂ ਹਨ | ਇਸ ਮੌਕੇ ਸਰਪੰਚ ਰਾਓ ਵਰਿੰਦਰ ਸਿੰਘ ਜੋਰਾਸੀ, ਜਸਵੀਰ ਸਿੰਘ ਭੇਵਾ, ਹੈੱਡ ਮਾਸਟਰ ਦਿਲਬਾਗ ਸਿੰਘ ਆਲਮਪੁਰ, ਜਸਪਾਲ ਸਿੰਘ, ਨਿਰਮਲ ਸਿੰਘ, ਪਿਆਰਾ ਸਿੰਘ ਮੋਹਾਲੀ ਬਲਵਿੰਦਰ ਸਿੰਘ, ਜਸਵੀਰ ਸਿੰਘ, ਪ੍ਰਧਾਨ ਗੁਰਚਰਨ ਸਿੰਘ ਭੂਲਪੁਰ, ਦਲੇਰ ਸਿੰਘ, ਗੁਰਮੀਤ ਸਿੰਘ, ਨੰਬਰਦਾਰ ਚਰਨ ਸਿੰਘ, ਲਖਵਿੰਦਰ ਸਿੰਘ, ਜਸਵੰਤ ਸਿੰਘ ਆਦਿ ਸੇਵਾਵਾਂ ਵਿਚ ਆਪਣਾ ਅਹਿਮ ਯੋਗਦਾਨ ਪਾ ਰਹੇ ਹਨ |
