ਮਾਹਿਲਪੁਰ, 5 ਸਤੰਬਰ (ਰਜਿੰਦਰ ਸਿੰਘ)-ਬੀਤੀ ਰਾਤ ਪਿੰਡ ਟੂਟੋ ਮਾਜਾਰਾ ਵਿਖੇ ਚੋਰਾਂ ਵਲੋਂ ਪ੍ਰਾਚੀਨ ਮਾਤਾ ਦਾ ਮੰਦਰ ਸ੍ਰੀ ਮਾਈ ਬਾਲੀ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਹਜ਼ਾਰਾਂ ਰੁਪਏ ਦੀ ਨਕਦੀ ਤੇ ਹੋਰ ਸਾਮਾਨ ਚੋਰੀ ਕਰਕੇ ਲੈ ਗਏ | ਜਾਣਕਾਰੀ ਅਨੁਸਾਰ ਮੰਦਰ ਦੇ ਭਗਤ ਦੀਪ ਨੇ ਦੱਸਿਆ ਕਿ ਚੋਰ ਮੰਦਰ ਦੇ ਗੱਲੇ ਦੇ ਤਾਲਿਆਂ ਦੀ ਭੰਨ੍ਹ-ਤੋੜ ਕਰਕੇ ਸੱਤ ਕੁ ਹਜ਼ਾਰ ਰੁਪਏ, ਅਣਸੀਤੇ ਕੱਪੜੇ, ਬੱਚਾ ਖਿਡੌਣਾ, ਮੋਟਰ ਤੇ ਲੋਹੇ ਦਾ ਸਾਮਾਨ ਚੋਰੀ ਕਰ ਕੇ ਲੈ ਗਏ, ਜਿਸ ਦੀ ਸਾਰੀ ਘਟਨਾ ਸੀ. ਸੀ. ਟੀ. ਵੀ. ਕੈਮਰੇ 'ਚ ਕੈਦ ਹੋ ਗਈ | ਉਨ੍ਹਾਂ ਦੱਸਿਆ ਕਿ ਕੈਮਰਿਆਂ ਅਨੁਸਾਰ ਦੋ ਮੋਟਰਸਾਈਕਲ 'ਤੇ ਆਏ ਤੇ ਥੋੜੇ ਹੀ ਸਮੇਂ 'ਚ ਵਾਰਦਾਤ ਨੂੰ ਅੰਜਾਮ ਦੇ ਕੇ ਚਲੇ ਗਏ | ਉਸੇ ਰਾਤ ਚੋਰ ਇਕ ਟਿਊਬਵੈੱਲ ਦੀਆਂ ਤਾਰਾਂ ਚੋਰੀ ਕਰਕੇ ਲੈ ਗਏ |