ਹੁਸ਼ਿਆਰਪੁਰ, 22 ਦਸੰਬਰ (ਬਲਜਿੰਦਰਪਾਲ ਸਿੰਘ)-ਸਿਵਲ ਹਸਪਤਾਲ ਹੁਸ਼ਿਆਰਪੁਰ ਦੇ ਫਿਜੀਓਥੈਰਪੀ ਵਿਭਾਗ ਨੂੰ ਉਸ ਸਮੇਂ ਵੱਡਾ ਉਤਸ਼ਾਹ ਮਿਲਿਆ ਜਦੋਂ ਆਈ. ਡੀ.ਬੀ.ਆਈ.ਬੈਂਕ, ਹੁਸ਼ਿਆਰਪੁਰ ਵੱਲੋਂ ਆਪਣੀ ਕਾਰਪੋਰੇਟ ਸੋਸ਼ਲ ਰਿਸਪਾਂਸਬਿਲਿਟੀ ਯੋਜਨਾ ਤਹਿਤ ਆਧੁਨਿਕ ਫਿਜੀਓਥੈਰਪੀ ਮਸ਼ੀਨਾਂ ਦਾਨ ਕੀਤੀਆਂ ਗਈਆਂ | ਡਿਪਟੀ ਮੈਡੀਕਲ ਕਮਿਸ਼ਨਰ ਡਾ. ਸਵਾਤੀ ਸ਼ੀਮਾਰ, ਸੀਨੀਅਰ ਮੈਡੀਕਲ ਅਫ਼ਸਰ ਇੰਚਾਰਜ ਸਿਵਲ ਹਸਪਤਾਲ ਹੁਸ਼ਿਆਰਪੁਰ ਡਾ. ਨਵਜੋਤ ਸਿੰਘ, ਸੀਨੀਅਰ ਮੈਡੀਕਲ ਅਫ਼ਸਰ ਡਾ. ਨੇਹਾ ਪਾਲ ਅਤੇ ਏ.ਐਚ.ਏ. ਡਾ. ਸ਼ਿਪਰਾ ਦੀ ਮੌਜੂਦਗੀ ਵਿਚ ਇਨ੍ਹਾਂ ਮਸ਼ੀਨਾਂ ਦਾ ਉਦਘਾਟਨ ਆਈ.ਡੀ.ਬੀ.ਆਈ. ਬੈਂਕ ਦੇ ਰਿਜਨਲ ਓਪਰੇਸ਼ਨ ਮੈਨੇਜਰ ਅੰਮਿ੍ਤਸਰ ਸੁਰੇਸ਼ ਕੁਮਾਰ ਮੀਣਾ, ਅਤੇ ਅਸਿਸਟੈਂਟ ਜਨਰਲ ਮੈਨੇਜਰ ਤੇ ਬਰਾਂਚ ਹੈੱਡ ਹੁਸ਼ਿਆਰਪੁਰ ਜਨਿਤ ਯਾਦਵ ਦੀ ਹਾਜ਼ਰੀ ਵਿਚ ਕੀਤਾ ਗਿਆ | ਦਾਨ ਤਹਿਤ ਫਿਜੀਓਥੈਰਪੀ ਵਿਭਾਗ ਨੂੰ ਇੱਕ ਇੰਟਰਫੀਰੈਂਸ਼ਲ ਥੈਰੇਪੀ ਯੂਨਿਟ, ਇੱਕ ਅਲਟਰਾਸੌਨਿਕ ਥੈਰੇਪੀ ਯੂਨਿਟ ਅਤੇ ਇੱਕ ਪੇਸ਼ੈਂਟ ਅਨ ਵੇਟਿੰਗ ਸਿਸਟਮ ਸੌਂਪਿਆ ਗਿਆ | ਲਗਭਗ 3 ਲੱਖ ਰੁਪਏ ਦੀ ਲਾਗਤ ਵਾਲੀਆਂ ਇਹ ਆਧੁਨਿਕ ਮਸ਼ੀਨਾਂ ਫਿਜੀਓਥੈਰਪੀ ਅਤੇ ਰੀਹੈਬਿਲਿਟੇਸ਼ਨ ਸੇਵਾਵਾਂ ਨੂੰ ਹੋਰ ਮਜ਼ਬੂਤ ਕਰਨਗੀਆਂ | ਇਸ ਮੌਕੇ ਬੈਂਕ ਪ੍ਰਬੰਧਕਾਂ ਦਾ ਧੰਨਵਾਦ ਵੀ ਕੀਤਾ |
