ਜਗਰਾਉਂ, 27 ਸਤੰਬਰ (ਸ਼ਮਸ਼ੇਰ ਸਿੰਘ ਗਾਲਿਬ)-ਜਗਰਾਉਂ ਤੋਂ ਰਾਏਕੋਟ ਰੋਡ 'ਤੇ ਅਖਾੜਾ ਨਹਿਰ ਨੇੜੇ ਸੜਕ ਦਬਣ ਕਾਰਨ ਇਕ ਟਿੱਪਰ ਦੇ ਪਲਟਣ ਦਾ ਮਾਮਲਾ ਸਾਹਮਣੇ ਆਇਆ | ਟਿੱਪਰ ਚਾਲਕ ਜਾਫਰ ਮੁਹੰਮਦ ਵਾਲ-ਵਾਲ ਬਚ ਗਿਆ ਜਦਕਿ ਟਿੱਪਰ ਦਾ ਕਾਫ਼ੀ ਨੁਕਸਾਨ ਹੋ ਗਿਆ | ਜਾਣਕਾਰੀ ਅਨੁਸਾਰ ਟਿੱਪਰ ਚਾਲਕ ਜਾਫਰ ਮੁਹੰਮਦ ਵਾਸੀ ਜਾਤੀਵਾਲ ਮਲੇਰਕੋਟਲਾ ਆਪਣੇ ਟਰਾਲੇ 'ਤੇ ਮਖੂ ਤੋਂ ਰੇਤ ਭਰਕੇ ਵਾਪਿਸ ਮਲੇਰਕੋਟਲਾ ਨੂੰ ਜਾ ਰਿਹਾ ਸੀ ਤਾਂ ਅਖਾੜਾ ਪੁਲ ਨੇੜੇ ਨਵੇਂ ਬਣ ਰਹੇ ਪੁਲ ਨੇੜੇ ਸੂਏ ਦੀ ਪਾਧੀਂ ਦਾ ਇਕ ਹਿੱਸਾ ਦਬਣ ਕਾਰਨ ਟਿੱਪਰ ਹਾਦਸੇ ਦਾ ਸ਼ਿਕਾਰ ਹੋ ਗਿਆ | ਲੋਕਾਂ ਨੇ ਬੜੀ ਮੁਸ਼ਕਿਲ ਨਾਲ ਟਾਕੀ ਤੋੜ ਕੇ ਡਰਾਈਵਰ ਨੂੰ ਬਾਹਰ ਕੱਢਿਆ |