ਸਿੱਧਵਾਂ ਬੇਟ, 27 ਸਤੰਬਰ (ਜਸਵੰਤ ਸਿੰਘ ਸਲੇਮਪੁਰੀ)-ਬੇਟ ਇਲਾਕੇ ਨਾਲ ਸੰਬੰਧਿਤ ਸਮੂਹ ਆੜ੍ਹਤੀ ਵੀਰਾਂ ਵਲੋਂ ਜਗਰਾਉਂ ਵਿਖੇ 28 ਸਤੰਬਰ ਨੂੰ ਹੋਣ ਜਾ ਰਹੀ ਸੂਬਾ ਪੱਧਰੀ ਰੈਲੀ ਆੜ੍ਹਤੀ ਚੇਤਨਾ ਕਾਨਫ਼ਰੰਸ ਵਿਚ ਸ਼ਿਰਕਤ ਕਰਨ ਲਈ ਇਕ ਅਹਿਮ ਮੀਟਿੰਗ ਸਥਾਨਕ ਕਸਬੇ ਦੇ ਆੜ੍ਹਤੀ ਸੁਰੇਸ਼ ਕੁਮਾਰ ਗਰਗ ਦੇ ਗ੍ਰਹਿ ਵਿਖੇ ਕੀਤੀ ਗਈ | ਇਸ ਮੌਕੇ ਆੜ੍ਹਤੀਆ ਐਸੋਸੀਏਸ਼ਨ ਜਗਰਾਉਂ ਦੇ ਪ੍ਰਧਾਨ ਕਨੱਈਆ ਕੁਮਾਰ ਬਾਂਕਾ ਵਲੋਂ ਇਲਾਕੇ ਦੇ ਸਮੂਹ ਆੜ੍ਹਤੀ, ਮੁਨੀਮ ਅਤੇ ਲੇਬਰ ਨੂੰ ਸੱਦਾ ਦਿੰਦੇ ਹੋਏ ਇਸ ਕਾਨਫ਼ਰੰਸ ਵਿਚ ਵੱਡੀ ਗਿਣਤੀ ਵਿਚ ਪਹੁੰਚਣ ਲਈ ਆਖਿਆ ਗਿਆ | ਇਕੱਤਰ ਸਮੂਹ ਆੜ੍ਹਤੀ ਵੀਰਾਂ ਵਲੋਂ ਵੀ ਸੂਬਾ ਪੱਧਰੀ ਰੈਲੀ ਵਿਚ ਹੁੰਮ-ਹੁਮਾ ਕੇ ਪਹੁੰਚਣ ਦਾ ਭਰੋਸਾ ਦਿੱਤਾ ਗਿਆ | ਇਸ ਮੌਕੇ ਸੁਰੇਸ਼ ਕੁਮਾਰ ਗਰਗ, ਜ਼ਿਲ੍ਹਾ ਪ੍ਰਧਾਨ ਰਾਜ ਕੁਮਾਰ ਭੱਲਾ, ਚੇਅਰਮੈਨ ਸੁਰਿੰਦਰ ਸਿੰਘ ਟੀਟੂ, ਸੈਕਟਰੀ ਜਤਿੰਦਰ ਸਿੰਘ ਚਚਰਾੜੀ, ਬੂਟਾ ਗਰੇਵਾਲ, ਸੁਭਾਸ਼ ਮਿੱਤਲ, ਹਰੀ ਓਮ ਮਿੱਤਲ, ਕੁਨਾਲ ਬਾਂਸਲ, ਸਰਪੰਚ ਅਵਤਾਰ ਸਿੰਘ ਤਿਹਾੜਾ, ਹਰਮਨ ਸਿੰਘ, ਇੰਦਰਜੀਤ ਸਿੰਘ ਗਿੱਲ, ਚੇਤਨ ਗੋਇਲ, ਰੌਬਿਨ ਗੋਇਲ, ਦਵਿੰਦਰ ਸਿੰਘ ਜਨੇਤਪੁਰਾ, ਬਿੱਟੂ ਭੈਣੀ, ਇੰਦਰਜੀਤ ਸਿੰਘ ਲੋਧੀਵਾਲ, ਗੁਰਮੀਤ ਸਿੰਘ ਅੱਬੂਪੁਰਾ ਆਦਿ ਮੌਜੂਦ ਸਨ |