ਮਾਹਿਲਪੁਰ, 31 ਮਈ (ਰਜਿੰਦਰ ਸਿੰਘ)-ਥਾਣਾ ਮਾਹਿਲਪੁਰ ਦੀ ਪੁਲਿਸ ਵਲੋਂ ਇੱਕ ਵਿਅਕਤੀ ਦੀ ਕੁੱਟਮਾਰ 'ਤੇ ਤਿੰਨ ਅਣਪਛਾਤਿਆਂ 'ਤੇ ਮਾਮਲਾ ਦਰਜ ਕੀਤਾ ਗਿਆ | ਜਾਣਕਾਰੀ ਅਨੁਸਾਰ ਥਾਣਾ ਮੁਖੀ ਪਰਵਿੰਦਰਜੀਤ ਪਾਲ ਸਿੰਘ ਨੇ ਦੱਸਿਆ ਰੋਹਿਤ ਕੁਮਾਰ ਪੁੱਤਰ ਪਵਨ ਕੁਮਾਰ ਵਾਸੀ ਮੇਘੋਵਾਲ ਨੇ ਪੁਲਿਸ ਨੂੰ ਦਿੱਤੀ ਦਰਖਾਸਤ 'ਚ ਦੱਸਿਆ ਕਿ 20 ਮਈ ਆਪਣੇ ਦੋਸਤਾ ਦੇ ਨਾਲ ਬੁਲੇਟ ਮੋਟਰਸਾਈਕਲ (ਪੀ.ਬੀ. 07 ਐਨ-3601) 'ਤੇ ਸਹੋਤਾ ਜਿੰਮ ਬੱਢੋਆਣ ਨੂੰ ਜਾ ਰਹੇ ਸੀ | ਜਦੋਂ ਉਹ ਟੂਟੋਮਜਾਰਾ ਮਾਈ ਬਾਲੀ ਝਿੜੀ ਲਾਗੇ ਪੁੱਜੇ ਤਾਂ ਕਰੀਬ ਸ਼ਾਮ 5:30 ਵਜੇ ਤਿੰਨ ਨੌਜਵਾਨਾਂ ਨੇ ਘੇਰ ਲਿਆ ਅਤੇ ਆਪਣੇ ਦਸਤੀ ਹਥਿਆਰਾਂ ਨਾਲ ਉਸ ਦੀ ਕੁੱਟਮਾਰ ਕੀਤੀ ਅਤੇ ਬਾਅਦ 'ਚ ਫ਼ਰਾਰ ਹੋ ਗਏ |
