ਬਹਿਰਾਮ, 31 ਮਈ (ਸਰਬਜੀਤ ਸਿੰਘ ਰਾਣਾ)-ਨਜ਼ਦੀਕੀ ਪਿੰਡ ਭਰੋਮਜਾਰਾ ਰਾਣੂੰਆਂ ਵਿਖੇ 'ਨੌਜਵਾਨੋ ਜਾਗੋ- ਨਸ਼ੇ ਤਿਆਗੋ' ਤਹਿਤ ਨੌਜਵਾਨਾਂ ਨੂੰ ਨਸ਼ਿਆਂ ਤੋਂ ਦੂਰ ਰੱਖਣ ਅਤੇ ਖੇਡਾਂ ਨਾਲ ਜੋੜਨ ਲਈ ਰਾਣੂੰ ਪਰਿਵਾਰ ਵਲੋਂ ਸਮੂਹ ਇਲਾਕਾ ਨਿਵਾਸੀਆਂ ਦੇ ਸਹਿਯੋਗ ਨਾਲ ਦੂਸਰਾ ਛੋਟੇ ਬੱਚਿਆਂ ਦਾ ਪੇਂਡੂ ਖੇਡ ਮੇਲਾ ਕਬੱਡੀ ਟੂਰਨਾਮੈਂਟ 8 ਜੂਨ ਦਿਨ ਐਤਵਾਰ ਨੂੰ ਕਰਵਾਇਆ ਜਾਵੇਗਾ | ਇਸ ਸਬੰਧੀ ਪ੍ਰਬੰਧਕਾਂ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਭਾਰ 58 ਕਿਲੋ ਅਤੇ 35 ਕਿਲੋ ਵਰਗ 'ਚ ਕਲੱਬਾਂ ਦੇ ਕਬੱਡੀ ਮੁਕਾਬਲੇ ਦੁਪਹਿਰ 12 ਵਜੇ ਅਰੰਭ ਕਰਵਾਏ ਜਾਣਗੇ | 58 ਕਿਲੋ ਭਾਰ ਵਰਗ 'ਚ ਪਹਿਲਾ ਇਨਾਮ 8100 ਰੁਪਏ ਨਗਦ ਤੇ ਟਰਾਫੀ ਅਤੇ ਦੂਸਰਾ ਇਨਾਮ 6100 ਰੁਪਏ ਤੇ ਟਰਾਫੀ ਦਿੱਤੀ ਜਾਵੇਗੀ | 35 ਕਿਲੋ ਭਾਰ ਵਰਗ 'ਚ ਪਹਿਲਾ ਇਨਾਮ 6100 ਰੁਪਏ ਨਕਦ ਤੇ ਟਰਾਫੀ ਅਤੇ ਦੂਸਰਾ ਇਨਾਮ 4100 ਰੁਪਏ ਨਕਦ ਤੇ ਟਰਾਫੀ ਦਿੱਤੀ ਜਾਵੇਗੀ | ਉਨ੍ਹਾਂ ਦੱਸਿਆ ਕਿ ਐਂਟਰੀਆਂ 7 ਜੂਨ ਸ਼ਾਮ 5 ਵਜੇ ਤੱਕ ਲਈਆਂ ਜਾਣਗੀਆਂ |
