19-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 31-08-2025

ਪੰਚਾਇਤਾਂ 'ਚ ਕਰਵਾਏ ਗਏ ਵਿਕਾਸ ਕੰਮਾਂ ਦੇ ਕਦੋਂ ਮਿਲਣਗੇ ਪੈਸੇ <br/>

Ad Position 21
No active advertisement
ਪਿੰਡ ਠਠਿਆਲਾ ਬੇਟ ਵਿਖੇ ਬਣਾਈ ਜਾ ਚੁੱਕੀ ਗਲੀ ਦਾ ਦਿ੍ਸ਼ ਅਤੇ ਆਪ ਬੀਤੀ ਸੁਣਾਉਂਦੇ ਹੋਏ ਸਰਪੰਚ ਰਾਣਾ ਤਰਸੇਮ ਸਿੰਘ | ਤਸਵੀਰ : ਦੀਦਾਰ ਸਿੰਘ ਬਲਾਚੌਰੀਆ <br/> 31-08-2025
ਬਲਾਚੌਰ, 30 ਅਗਸਤ (ਦੀਦਾਰ ਸਿੰਘ ਬਲਾਚੌਰੀਆ)-ਇਕ ਪਾਸੇ ਪੰਜਾਬ ਸਰਕਾਰ ਪਿੰਡਾਂ ਦੇ ਸਰਬਪੱਖੀ ਵਿਕਾਸ ਲਈ ਫੰਡਾਂ ਦੀ ਕੋਈ ਘਾਟ ਨਾ ਹੋਣ ਦੀ ਗੱਲ ਕਰ ਰਹੀ ਹੈ, ਦੂਜੇ ਪਾਸੇ ਬਲਾਚੌਰ ਇਲਾਕੇ ਨਾਲ ਸੰਬੰਧਿਤ ਕਈ ਸਰਪੰਚਾਂ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੇ ਪਿੰਡਾਂ ਦੀਆਂ ਗਲੀਆਂ-ਨਾਲੀਆਂ ਦਾ ਕੰਮ ਪਾਰਦਸ਼ਤਾ ਨਾਲ ਕਰਵਾ ਦਿੱਤਾ ਹੈ, ਪਰ ਜਿੱਥੋਂ ਸਮਾਨ ਖਰੀਦਿਆ ਗਿਆ ਹੈ ਅਤੇ ਜਿਨ੍ਹਾਂ ਠੇਕੇਦਾਰਾਂ ਰਾਹੀਂ ਕੰਮ ਕਰਵਾਇਆ ਹੋਇਆ ਹੈ ਦੀਆਂ ਪੈਮੇਂਟਾ ਮਹਿਕਮੇ ਵੱਲੋਂ ਹਾਲੇ ਤੱਕ ਜਾਰੀ ਨਹੀ ਹੋਈਆਂ ਜਿਸ ਕਾਰਨ ਉਨ੍ਹਾਂ ਨੂੰ ਬੀ.ਡੀ.ਪੀ.ਓ ਦਫ਼ਤਰ ਦੇ ਗੇੜੇ ਕੱਢਣ ਲਈ ਮਜਬੂਰ ਹੋਣਾ ਪੈ ਰਿਹਾ ਹੈ | ਬਲਾਕ ਬਲਾਚੌਰ ਦੇ ਪਿੰਡ ਠਠਿਆਲਾ ਬੇਟ ਦੇ ਸਰਪੰਚ ਰਾਣਾ ਤਰਸੇਮ ਸਿੰਘ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਗਲੀਆਂ ਨਾਲੀਆਂ ਦਾ ਕੰਮ ਖਤਮ ਹੋ ਚੁੱਕਾ ਹੈ ਅਤੇ ਸਰਕਾਰੀ ਪੈਮੇਂਟਾਂ ਜਾਰੀ ਕਰਾਉਣ ਹਿੱਤ ਪੰਚਾਇਤ ਸੈਕਟਰੀ ਨੂੰ ਰਿਕਾਰਡ ਦਿੱਤਾ ਜਾ ਚੁੱਕਾ ਹੈ, ਡੌਂਗਲਾਂ ਵੀ ਦੇ ਦਿੱਤੀਆਂ ਹਨ, ਪਾਰਟੀਆਂ ਤੇ ਠੇਕੇਦਾਰ ਦੇ ਕੀਤੇ ਕੰਮ ਦੇ ਪੈਸੇ ਨਹੀ ਪੈ ਰਹੇ, ਉਨ੍ਹਾਂ ਕਿਹਾ ਕਿ ਕੰਮ ਕਰਨ ਵਾਲੇ ਕਾਮਿਆਂ ਨੂੰ ਹਜਾਰਾਂ ਰੁਪਏ ਖੁਦ ਜੇਬ ਵਿੱਚੋਂ ਦੇ ਚੁੱਕੇ ਹਨ | ਉਨ੍ਹਾਂ ਕਿਹਾ ਕਿ ਸਾਡੇ ਖਾਤਿਆਂ ਵਿੱਚ ਪੈਸੇ ਵੀ ਹਨ | ਉਨ੍ਹਾਂ ਕਿਹਾ ਕਿ ਜੱਦੋਂ ਕਰਮਚਾਰੀਆਂ ਨੂੰ ਪੁੱਛਦੇ ਹਾਂ ਤਾਂ ਜਲਦੀ ਪੈਮੇਂਟ ਪਾਉਣ ਦੀ ਗੱਲ ਆਖ ਦਿੱਤੀ ਜਾਂਦੀ ਹੈ |
ਕੀ ਕਹਿਣਾ ਪੰਚਾਇਤ ਸੈਕਟਰੀ ਦਾ-ਇਸ ਸਬੰਧੀ ਠਠਿਆਲਾ ਬੇਟ ਦੇ ਪੰਚਾਇਤ ਸੈਕਟਰੀ ਕੁਲਦੀਪ ਸਿੰਘ ਜਾਡਲੀ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਆਖਿਆ ਇਕ ਤਾਂ 15ਵੇਂ ਵਿੱਤ ਕਮਿਸ਼ਨ ਦੀ ਸਮੱਸਿਆ ਆ ਰਹੀ ਹੈ ਅਤੇ ਵਿੱਤ ਕਮਿਸ਼ਨ ਦੇ ਫੰਡ ਜਿਹੜੇ ਐਚ.ਡੀ.ਐਫ.ਸੀ ਬੈਂਕ ਵਿੱਚ ਪਏ ਹਨ, ਉਹ ਐਕਸਿਸ ਬੈਂਕ ਵਿੱਚ ਸ਼ਿਫਟ ਕੀਤੇ ਜਾ ਰਹੇ ਹਨ | ਉਸ ਉਪਰੰਤ ਵਿੱਤ ਕਮਿਸ਼ਨ ਦੀਆਂ ਪੈਮੇਂਟਾ ਚਾਲੂ ਹੋਣਗੀਆਂ ਬਾਕੀ ਸਾਈਟ ਦੀ ਸਮੱਸਿਆ ਆ ਰਹੀ ਹੈ, ਡੇਢ-ਡੇਢ ਦੋ-ਦੋ ਮਹੀਨੇ ਲੱਗ ਰਹੇ ਹਨ |

Ad Position 22
No active advertisement
ਪਿਛਲੀ ਖ਼ਬਰ ਹਲਕਾ ਵਿਧਾਇਕਾ ਬੀਬੀ ਸੰਤੋਸ਼ ਕਟਾਰੀਆ ਵੱਲੋਂ ਔਲੀਆਪੁਰ ਦੇ ਧੁੱਸੀ ਬੰਨ੍ਹ ਦਾ ਦੌਰਾ <br/> ਅਗਲੀ ਖ਼ਬਰ ਡਿਪਟੀ ਕਮਿਸ਼ਨਰ ਵਲੋਂ ਝੋਨੇ ਦੇ ਖਰੀਦ ਪ੍ਰਬੰਧ ਸਮੇਂ ਸਿਰ ਮੁਕੰਮਲ ਕਰਨ ਦੇ ਨਿਰਦੇਸ਼ <br/>
Ad Position 24