ਨੈਸ਼ਨਲ ਹਾਈਵੇ 'ਤੇ ਸੰਤੁਨਲ ਵਿਗੜਨ ਨਾਲ ਪਲਟਿਆ ਟੈਂਪੂ, ਚਾਲਕ ਜ਼ਖ਼ਮੀ <br/>

ਹਾਦਸੇ 'ਚ ਨੁਕਸਾਨਿਆ ਟੈਂਪੂ | <br/> 23-09-2025

ਕਾਠਗੜ੍ਹ, 22 ਸਤੰਬਰ (ਹਰਸਿਮਰਨ ਜੋਤ ਸਿੰਘ ਕਲੇਰ)-ਰੋਪੜ-ਬਲਾਚੌਰ ਨੈਸ਼ਨਲ ਹਾਈਵੇ 'ਤੇ ਪਿੰਡ ਟੌਂਸਾ ਦੇ ਨਜ਼ਦੀਕ ਮੱਝਾਂ ਨਾਲ ਭਰਿਆ ਟੈਂਪੂ ਪਲਟਣ ਦਾ ਸਮਾਚਾਰ ਪ੍ਰਾਪਤ ਹੋਇਆ | ਮੌਕੇ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਇਕ ਟੈਂਪੂ, ਜਿਸ ਦਾ ਨੰਬਰ ਪੀ. ਬੀ 07 ਸੀ. ਡੀ. 0641 ਜੋ ਬਲਾਚੌਰ ਸਾਈਡ ਤੋਂ ਰੋਪੜ ਨੂੰ ਜਾ ਰਿਹਾ ਸੀ, ਜਿਸ ਨੂੰ ਬਸੀਮ ਪੁੱਤਰ ਨਸੀਰ ਵਾਸੀ ਬਨੂੜ ਚਲਾ ਰਿਹਾ ਸੀ | ਟੈਂਪੂ ਵਿਚ ਮੱਝਾਂ ਤੇ ਕੱਟਿਆਂ ਲੋਡ ਸਨ | ਜਦੋਂ ਇਹ ਟੈਂਪੂ ਸਨਫਾਰਮਾ ਫੈਕਟਰੀ ਦੇ ਸਾਹਮਣੇ ਪਹੁੰਚਿਆ ਤਾਂ ਟੈਂਪੂ 'ਚ ਲੋਡ ਮੱਝਾਂ ਵਲੋਂ ਝੋਲ ਮਾਰ ਦਿੱਤੀ, ਜਿਸ ਕਾਰਨ ਟੈਂਪੂ ਦਾ ਸੰਤੁਨਲ ਵਿਗੜ ਗਿਆ ਤੇ ਟੈਂਪੂ ਪਲਟ ਕੇ ਡਿਵਾਈਡਰ 'ਤੇ ਜਾ ਚੜਿ੍ਹਆ, ਜਿਸ ਨਾਲ ਟੈਂਪੂ ਨੁਕਸਾਨਿਆ ਗਿਆ ਅਤੇ ਟੈਂਪੂ 'ਚ ਲੋਡ ਪਸ਼ੂਆਂ ਦਾ ਬਚਾਅ ਹੋ ਗਿਆ ਤੇ ਟੈਂਪੂ ਚਾਲਕ ਫੱਟੜ ਹੋ ਗਿਆ | ਨੈਸ਼ਨਲ ਹਾਈਵੇ ਅਥਾਰਿਟੀ ਦੇ ਮੁਲਾਜ਼ਮਾਂ ਵਲੋਂ ਇਸ ਟੈਂਪੂ ਨੂੰ ਡਿਵਾਈਡਰ ਤੋਂ ਸਾਈਡ 'ਤੇ ਕਰਵਾ ਕੇ ਆਵਾਜਾਈ ਨੂੰ ਸੂਚਾਰੁ ਢੰਗ ਨਾਲ ਬਹਾਲ ਕਰਵਾਇਆ |

ਪਿਛਲੀ ਖ਼ਬਰ ਮੈਨੇਜਮੈਂਟ ਕਾਲਜ ਦੇ ਵਿਦਿਆਰਥੀਆਂ ਨੇ ਵਿਗਿਆਪਨਾਂ ਨੂੰ ਨਾਟਕੀ ਅੰਦਾਜ਼ ਨਾਲ ਕਰਕੇ ਦਿਖਾਇਆ <br/> ਅਗਲੀ ਖ਼ਬਰ ਖਟਕੜ ਕਲਾਂ 'ਚ ਨਵਜੋਤ ਸਾਹਿਤ ਸੰਸਥਾ ਵਲੋਂ ਪ੍ਰਤੀਯੋਗਤਾ ਮੁਕਾਬਲਾ <br/>

ਨੈਸ਼ਨਲ ਹਾਈਵੇ 'ਤੇ ਸੰਤੁਨਲ ਵਿਗੜਨ ਨਾਲ ਪਲਟਿਆ ਟੈਂਪੂ, ਚਾਲਕ ਜ਼ਖ਼ਮੀ <br/>

ਸੰਬੰਧਿਤ ਖ਼ਬਰਾਂ