ਅਮਲੋਹ, 3 ਜੂਨ (ਕੇਵਲ ਸਿੰਘ)-ਵਿੱਤ ਕਮਿਸ਼ਨਰ ਕਰ ਦੀਆਂ ਹਦਾਇਤਾਂ ਤੇ ਏ.ਸੀ.ਐਸ.ਟੀ. ਫ਼ਤਹਿਗੜ੍ਹ ਸਾਹਿਬ ਜੀਤਪਾਲ ਕੌਰ ਦੀ ਅਗਵਾਈ ਹੇਠ ਅਮਲੋਹ ਵਿਖੇ ਜੀ.ਐਸ.ਟੀ. ਵਿਭਾਗ ਵਲੋਂ ਵਪਾਰੀਆਂ ਨਾਲ ਮੀਟਿੰਗ ਕਰਕੇ ਅਹਿਮ ਵਿਚਾਰਾਂ ਕੀਤੀਆਂ ਗਈਆਂ | ਇਸ ਮੌਕੇ ਈ.ਟੀ.ਓ. ਚਰਨਜੀਤ ਸਿੰਘ, ਇੰਸਪੈਕਟਰ ਕਰਨ ਅਗਰਵਾਲ ਅਤੇ ਇੰਸਪੈਕਟਰ ਬਲਕਾਰ ਸਿੰਘ ਨੇ ਵਪਾਰੀਆਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਜਿਹੜਾ ਵਪਾਰੀ ਜੀ.ਐਸ.ਟੀ. ਦੇ ਦਾਇਰੇ ਵਿਚ ਆਉਂਦਾ ਹੈ ਉਸ ਲਈ ਜੀ.ਐਸ.ਟੀ. ਨੰਬਰ ਲੈਣਾ ਜ਼ਰੂਰੀ ਹੈ | ਜੀ.ਐਸ.ਟੀ. ਦੇ ਦਾਇਰੇ ਵਿਚ ਆਉਣ ਵਾਲਾ ਵਪਾਰੀ ਜੇਕਰ ਜੀ.ਐਸ.ਟੀ. ਨੰਬਰ ਨਹੀਂ ਲੈਂਦਾ ਤਾਂ ਉਸ ਖ਼ਿਲਾਫ਼ ਬਣਦੀ ਕਾਰਵਾਈ ਕੀਤੀ ਜਾਵੇਗੀ | ਇਸ ਮੌਕੇ ਨੀਰਜ ਕਰਕਰਾ ਪ੍ਰਧਾਨ ਗਾਰਮੈਂਟਸ ਐਸੋਸੀਏਸ਼ਨ, ਪਿੰਕੀ ਥੋਰ ਪ੍ਰਧਾਨ ਕੱਪੜਾ ਐਸੋਸੀਏਸ਼ਨ, ਵਿੱਕੀ ਚੱਠਾ ਪ੍ਰਧਾਨ ਕਰਿਆਨਾ ਐਸੋਸੀਏਸ਼ਨ, ਸਾਧੂ ਰਾਮ ਪ੍ਰਧਾਨ ਬੂਟ ਐਸੋਸੀਏਸ਼ਨ, ਵਿਸ਼ਾਲ ਖੁੱਲਰ, ਬੰਟੀ ਗੁਪਤਾ, ਬਲਵੀਰ ਸਿੰਘ, ਦਿਨੇਸ਼ ਗੋਇਲ, ਪਵਿੱਤਰ ਸਿੰਘ, ਪਾਲੀ ਅਰੋੜਾ, ਸੁਨੀਲ ਕੁਮਾਰ, ਸੰਦੀਪ ਗੁਪਤਾ ਮੌਜੂਦ ਸਨ |