ਬਟਾਲਾ, 24 ਸਤੰਬਰ (ਸਤਿੰਦਰ ਸਿੰਘ)-ਪੰਜਗਰਾਈਆਂ ਦੇ ਉੱਘੇ ਬਿਜਨਸਮੈਨ ਲੱਕੀ ਚੋਪੜਾ ਤੇ ਅਜੇ ਕੁਮਾਰ ਚੋਪੜਾ ਨੂੰ ਉਸ ਵਕਤ ਗਹਿਰਾ ਸਦਮਾ ਲੱਗਾ, ਜਦ ਉਨ੍ਹਾਂ ਦੇ ਪਿਤਾ ਸ਼੍ਰੀ ਬਲਦੇਵ ਰਾਜ ਚੋਪੜਾ ਦਾ ਬੀਤੀ ਰਾਤ ਅਚਾਨਕ ਦਿਲ ਦੀ ਧੜਕਣ ਰੁਕ ਜਾਣ ਕਾਰਨ ਦਿਹਾਂਤ ਹੋ ਗਿਆ | ਉਨ੍ਹਾਂ ਨੇ ਪੰਜਗਰਾਈਆਂ ਦੇ ਇਕ ਨਿੱਜੀ ਹਸਪਤਾਲ ਵਿਖੇ ਆਪਣੇ ਅੰਤਿਮ ਸਵਾਸ ਪੂਰੇ ਕੀਤੇ | ਉਨ੍ਹਾਂ ਦੀ ਅਚਾਨਕ ਬੇਵਕਤੀ ਮੌਤ ਨਾਲ ਸਿਰਫ਼ ਚੋਪੜਾ ਪਰਿਵਾਰ ਜਾਂ ਨਗਰ ਪੰਜਗਰਾਈਆਂ ਨੂੰ ਹੀ ਨਹੀਂ, ਸਗੋਂ ਸਮੁੱਚੇ ਇਲਾਕੇ ਨੂੰ ਇਕ ਨਾ ਪੂਰਾ ਹੋਣ ਵਾਲਾ ਘਾਟਾ ਪਿਆ ਹੈ | ਸ਼੍ਰੀ ਬਲਦੇਵ ਰਾਜ ਚੋਪੜਾ ਜੀ ਸਮੁੱਚੇ ਇਲਾਕੇ ਅੰਦਰ ਦੇਬੀ ਸ਼ਾਹ ਦੇ ਨਾਂਅ ਨਾਲ ਸਤਿਕਾਰੇ ਜਾਂਦੇ ਸਨ | ਸ਼੍ਰੀ ਚੋਪੜਾ ਇਸ ਨਾਸ਼ਵਾਨ ਸੰਸਾਰ ਉੱਪਰ ਕੋਈ 75 ਕੁ ਸਾਲ ਦੀ ਉਮਰ ਪੂਰੀ ਕਰਕੇ ਗੁਰੂ ਚਰਨਾਂ ਵਿਚ ਜਾ ਬਿਰਾਜੇ ਹਨ | ਇਸ ਮੌਕੇ ਇਲਾਕੇ ਦੀਆਂ ਸਮੁੱਚੀਆਂ ਰਾਜਨੀਤਕ, ਸਮਾਜਿਕ, ਧਾਰਮਿਕ ਤੇ ਸਮਾਜ ਸੇਵੀ ਜਥੇਬੰਦੀ ਦੇ ਨੁਮਾਇੰਦਿਆਂ ਨੇ ਚੋਪੜਾ ਪਰਿਵਾਰ ਨਾਲ ਦੁੱਖ ਸਾਂਝਾ ਕੀਤਾ |
