ਬਟਾਲਾ, 19 ਅਕਤੂਬਰ (ਸਤਿੰਦਰ ਸਿੰਘ)-ਬਾਬਾ ਬੁੱਢਾ ਸਾਹਿਬ ਜੀ ਦੇ ਪ੍ਰਕਾਸ਼ ਦਿਹਾੜੇ ਨੂੰ ਸਮਰਪਿਤ ਹਰਨਾਮ ਨਗਰ, ਬੱਖੋਵਾਲ ਤੋ ਬਾਬਾ ਬੁੱਢਾ ਸਾਹਿਬ ਜੀ ਗੁਰਦੁਆਰਾ ਵਲੋਂ ਪ੍ਰਧਾਨ ਸਵਿੰਦਰ ਸਿੰਘ ਤੇ ਸੰਗਤਾਂ ਦੇ ਸਹਿਯੋਗ ਨਾਲ ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਛਤਰ-ਛਾਇਆ ਹੇਠ ਪੰਜ ਪਿਆਰਿਆਂ ਦੀ ਅਗਵਾਈ 'ਚ ਨਗਰ ਕੀਰਤਨ ਸਜਾਏ ਗਏ | ਨਗਰ ਕੀਰਤਨ ਹਰਨਾਮ ਨਗਰ ਤੋਂ ਸ਼ੁਰੂ ਹੋ ਕੇ ਮਾਨ ਨਗਰ, ਸੁੰਦਰ ਨਗਰ, ਸ਼ੁਕਰਪੁਰਾ, ਗਾਂਧੀ ਚੌਕ, ਸ਼ਾਸਤਰੀ ਨਗਰ, ਕਾਹਨੂੰਵਾਨ ਰੋਡ, ਸਟਾਫ਼ ਰੋਡ ਤੋਂ ਹੁੰਦਾ ਹੋਇਆ ਹਰਨਾਮ ਨਗਰ ਸਮਾਪਤੀ ਹੋਈ | ਇਸ ਮੌਕੇ ਗਤਕਾ ਪਾਰਟੀ ਨੇ ਆਪਣੇ ਕਰਤੱਬ ਦਿਖਾਏ ਤੇ ਬੈਂਡ ਪਾਰਟੀ ਵਲੋਂ ਆਪਣੀ ਪੇਸ਼ਕਸ਼ ਕੀਤੀ ਗਈ | ਨਗਰ ਕੀਰਤਨ 'ਚ ਬੀਬੀਆਂ ਵਲੋਂ ਸ਼ਬਦ ਕੀਰਤਨ ਕੀਤਾ ਗਿਆ | ਇਸ ਮੌਕੇ ਜੋਗਿੰਦਰ ਸਿੰਘ ਗਾਂਧੀ, ਗਰੀਬ ਸਿੰਘ ਸਕੱਤਰ, ਕਰਤਾਰ ਸਿੰਘ, ਰਜਿੰਦਰ ਸਿੰਘ, ਜੋਗਿੰਦਰ ਸਿੰਘ ਠੇਕੇਦਾਰ ਆਦਿ ਸੰਗਤ ਹਾਜ਼ਰ ਸੀ |
