ਅਬੋਹਰ, 22 ਸਤੰਬਰ (ਵਿਵੇਕ ਹੂੜੀਆ)- ਭਾਰਤੀ ਕਿਸਾਨ ਸੰਘ ਦੀ ਰਾਸ਼ਟਰੀ ਪ੍ਰਧਾਨ ਸੁਸ਼ੀਲਾ ਬਿਸ਼ਨੋਈ ਨੇ ਅੱਜ ਹੜ੍ਹ ਪ੍ਰਭਾਵਿਤ ਪਿੰਡਾਂ ਦਾ ਦੌਰਾ ਕੀਤਾ ਤੇ ਪ੍ਰਭਾਵਿਤ ਬਾਗ਼ਾਂ ਦੀ ਸਥਿਤੀ ਦਾ ਜਾਇਜ਼ਾ ਲਿਆ | ਸੁਸ਼ੀਲਾ ਬਿਸ਼ਨੋਈ ਨੇ ਪਿੰਡ ਜੰਡਵਾਲਾ, ਕੱਲਰ ਖੇੜਾ, ਮੌਜਗੜ੍ਹ, ਢੀਂਗਾਵਾਲੀ, ਵਰਿਆਮ ਖੇੜਾ, ਢਾਣੀ ਮਾਂਡਲਾ, ਸੱਪਾਂ ਵਾਲੀ, ਦਲਮੀਰ ਖੇੜਾ ਤੇ ਪੱਤੀ ਸਦੀਕ ਦਾ ਦੌਰਾ ਕੀਤਾ | ਉਨ੍ਹਾਂ ਦੇਖਿਆ ਕਿ ਕਈ ਮਹੀਨਿਆਂ ਤੋਂ ਪਾਣੀ ਖੜ੍ਹਾ ਰਹਿਣ ਕਾਰਨ ਲਗਭਗ 60 ਪ੍ਰਤੀਸ਼ਤ ਬਾਗ਼ ਤਬਾਹ ਹੋ ਗਏ ਹਨ ਜਿਸ ਕਾਰਨ ਬਾਗ਼ਬਾਨਾਂ ਨੂੰ ਭਾਰੀ ਨੁਕਸਾਨ ਹੋਇਆ ਹੈ | ਇਸ ਸਬੰਧ ਵਿਚ, ਉਹ ਬੁੱਧਵਾਰ ਨੂੰ ਡੀ.ਸੀ. ਫ਼ਾਜ਼ਿਲਕਾ ਨੂੰ ਮਿਲਣਗੇ ਤੇ ਪੰਜਾਬ ਦੇ ਮੁੱਖ ਮੰਤਰੀ ਨੂੰ ਇੱਕ ਮੰਗ ਪੱਤਰ ਸੌਂਪਣਗੇ | ਇਸ ਮੌਕੇ ਉਨ੍ਹਾਂ ਨਾਲ ਜ਼ਿਲ੍ਹਾ ਪ੍ਰਧਾਨ ਤੇਜਪਾਲ ਜਿਆਣੀ, ਸੂਬਾ ਸੀਡ ਪ੍ਰਧਾਨ ਕਪਿਲ ਖੇਰਵਾ, ਗਜੇਂਦਰ ਕਸਾਨੀਆ, ਦਵਿੰਦਰ ਮਹੇਰ, ਨੱਥੂ ਰਾਮ, ਵਿਨੋਦ ਵਰਿਆਮ ਖੇੜਾ, ਜਗਦੀਸ਼ ਕੁਮਾਰ, ਚਰਨਜੀਤ ਅਤੇ ਸੰਘ ਦੇ ਹੋਰ ਵਰਕਰ ਹਾਜ਼ਰ ਸਨ |
