ਅਬੋਹਰ, 26 ਸਤੰਬਰ (ਵਿਵੇਕ ਹੂੜੀਆ)- ਮੂਲ ਰੂਪ ਤੋਂ ਅਬੋਹਰ ਨਿਵਾਸੀ ਤੇ ਬੀਕਾਨੇਰ ਡੇਅਰੀ ਵਿਗਿਆਨ ਤੇ ਤਕਨਾਲੋਜੀ ਫੈਕਲਟੀ ਰਾਜੂਵਾਸ ਦੇ ਮੈਂਬਰ ਡਾ.ਮੁਕੁਲ ਸੈਨ ਸਪੁੱਤਰ ਰਾਮ ਨਰਾਇਣ ਸੈਨ ਸੇਵਾਮੁਕਤ ਲੈਕਚਰਾਰ, ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਸੀਤੋ ਗੰੁਨੋ੍ਹ ਨੂੰ ਭਾਰਤ ਦੀ ਪਹਿਲੀ ਖੇਤੀਬਾੜੀ ਯੂਨੀਵਰਸਿਟੀ ਤੇ ਹਰੀ ਕ੍ਰਾਂਤੀ ਦੇ ਮੋਢੀ, ਪੰਤਨਗਰ ਵਿਖੇ ਇੱਕ ਅੰਤਰਰਾਸ਼ਟਰੀ ਕਾਨਫ਼ਰੰਸ ਵਿਚ ਸਰਵੋਤਮ ਪੀ.ਐਚ.ਡੀ. ਥੀਸਿਸ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ | ਇਹ ਪੁਰਸਕਾਰ ਉਨ੍ਹਾਂ ਦੇ ਡਾਕਟਰੇਟ ਖੋਜ ਕਾਰਜ ਡਿਜ਼ਾਈਨ ਤੇ ਪ੍ਰਦਰਸ਼ਨ ਮੁਲਾਂਕਣ ਆਫ਼ ਵਿਭਿੰਨ ਓਹਮਿਕ ਸੈੱਲ ਕਨਫਿਗਰੇਸ਼ਨਜ਼ ਫ਼ਾਰ ਮਿਲਕ ਮੀਟਿੰਗ ਲਈ ਦਿੱਤਾ ਗਿਆ, ਜੋ ਕਿ ਆਈ.ਸੀ.ਏ.ਆਰ-ਨੈਸ਼ਨਲ ਡੇਅਰੀ ਰਿਸਰਚ ਇੰਸਟੀਚਿਊਟ (ਐਨ.ਡੀ.ਆਰ.ਆਈ), ਕਰਨਾਲ ਵਿਖੇ ਕੀਤਾ ਗਿਆ ਸੀ | ਖੋਜ ਦੇ ਨਤੀਜੇ ਨਾ ਸਿਰਫ਼ ਵਿਗਿਆਨਕ ਤੌਰ 'ਤੇ ਮਹੱਤਵਪੂਰਨ ਹਨ, ਸਗੋਂ ਛੋਟੇ ਕਿਸਾਨਾਂ ਤੇ ਸਟਾਰਟ ਅੱਪ ਉੱਦਮੀਆਂ ਲਈ ਲਾਗਤ-ਪ੍ਰਭਾਵਸ਼ਾਲੀ ਤੇ ਕੁਸ਼ਲ ਪ੍ਰੋਸੈਸਿੰਗ ਤਕਨਾਲੋਜੀਆਂ ਵੱਲ ਨਵੇਂ ਮੌਕੇ ਵੀ ਪੇਸ਼ ਕਰਦੇ ਹਨ | ਡਾ. ਮੁਕੁਲ ਸੈਨ ਨੂੰ ਪਹਿਲਾਂ ਰਾਸ਼ਟਰੀ ਤੇ ਅੰਤਰਰਾਸ਼ਟਰੀ ਕਾਨਫ਼ਰੰਸਾਂ ਤੇ ਸੈਮੀਨਾਰਾਂ 'ਚ ਆਪਣੇ ਪੀ.ਐੱਚ.ਡੀ. ਕੰਮ 'ਤੇ ਪੇਸ਼ਕਾਰੀਆਂ ਲਈ ਸਰਬੋਤਮ ਪੋਸਟਰ ਤੇ ਮੌਖਿਕ ਪੇਸ਼ਕਾਰੀ ਲਈ ਛੇ ਪੁਰਸਕਾਰ ਮਿਲ ਚੁੱਕੇ ਹਨ | ਜੀ.ਬੀ. ਪੰਤ ਯੂਨੀਵਰਸਿਟੀ ਪੰਤਨਗਰ ਨੇ ਇਸ ਅੰਤਰਰਾਸ਼ਟਰੀ ਕਾਨਫ਼ਰੰਸ ਲਈ ਪਲੇਟ ਫਾਰਮ ਪ੍ਰਦਾਨ ਕੀਤਾ ਜਿਸ ਦਾ ਥੀਮ ਚੁਨੌਤੀਆਂ ਤੇ ਮੌਕੇ ਖੇਤੀਬਾੜੀ ਤੇ ਸਹਾਇਕ ਵਿਗਿਆਨਾਂ ਰਾਹੀਂ ਇੱਕ ਟਿਕਾਊ ਭਵਿੱਖ ਵੱਲ ਸੀ | ਦੁਨੀਆ ਭਰ ਦੇ ਵਿਗਿਆਨੀ, ਸਿੱਖਿਆ ਸ਼ਾਸਤਰੀ ਤੇ ਉਦਯੋਗ ਮਾਹਿਰਾਂ ਨੇ ਕਾਨਫ਼ਰੰਸ ਵਿਚ ਸ਼ਿਰਕਤ ਕੀਤੀ ਜਿਸ ਨਾਲ ਡਾ. ਮੁਕੁਲ ਸੈਨ ਦੇ ਸਨਮਾਨ ਨੂੰ ਹੋਰ ਵੀ ਵੱਕਾਰੀ ਬਣਾ ਦਿੱਤਾ ਗਿਆ | ਪੁਰਸਕਾਰ ਪ੍ਰਾਪਤ ਕਰਦੇ ਹੋਏ ਡਾ. ਮੁਕੁਲ ਸੈਨ ਨੇ ਆਪਣੇ ਸਲਾਹਕਾਰ ਡਾ. ਪੀ. ਐੱਸ. ਮਿੰਜ, ਸੀਨੀਅਰ ਵਿਗਿਆਨੀ (ਡੇਅਰੀ ਇੰਜੀਨੀਅਰਿੰਗ), ਐਨ.ਡੀ.ਆਰ.ਆਈ., ਕਰਨਾਲ, ਉਨ੍ਹਾਂ ਦੀ ਪੀ.ਐੱਚ.ਡੀ. ਸਲਾਹਕਾਰ ਕਮੇਟੀ, ਦੋਸਤਾਂ ਤੇ ਪਰਿਵਾਰ ਦਾ ਦਿਲੋਂ ਧੰਨਵਾਦ ਕੀਤਾ | ਉਨ੍ਹਾਂ ਨੇ ਸੀ.ਡੀ.ਐੱਸ.ਟੀ-ਰਾਜੂਵਾਸ ਦੇ ਡੀਨ ਤੇ ਉਨ੍ਹਾਂ ਦੇ ਸਹਿਯੋਗੀਆਂ ਦਾ ਉਨ੍ਹਾਂ ਦੇ ਨਿਰੰਤਰ ਸਮਰਥਨ ਲਈ ਧੰਨਵਾਦ ਵੀ ਕੀਤਾ |
