ਬੱਲੂਆਣਾ, 6 ਦਸੰਬਰ (ਜਸਮੇਲ ਸਿੰਘ ਢਿੱਲੋਂ)-ਸਕੂਲ ਆਫ਼ ਐਮੀਨੈਂਸ ਰਾਮਸਰਾ ਵਿਖੇ ਐਨ.ਐੱਸ.ਐੱਸ ਦਾ ਇਕ ਰੋਜ਼ਾ ਕੈਂਪ ਦਾ ਆਯੋਜਨ ਕੀਤਾ ਗਿਆ | ਯੁਵਕ ਸੇਵਾਵਾਂ ਪੰਜਾਬ ਦੇ ਐਨ.ਐੱਸ.ਐੱਸ. ਵਿੰਗ ਵਲੋਂ ਜਾਰੀ ਹਦਾਇਤਾਂ ਅਨੁਸਾਰ ਸਕੂਲਾਂ ਵਿਚ ਸਿਲੈੱਕਟਿਡ ਐਨ.ਐੱਸ.ਐੱਸ.ਦੇ ਕੈਡੇਟਸ ਦਾ ਸਕੂਲ ਨੂੰ ਸਵੱਛ, ਸੁੰਦਰ ਅਤੇ ਸੋਹਣੀ ਦਿੱਖ ਪ੍ਰਾਪਤ ਕਰਦੇ ਬਣਾਉਣ ਲਈ ਸਮੇਂ-ਸਮੇਂ 'ਤੇ ਇਕ ਰੋਜ਼ਾ ਕੈਂਪ ਲਗਾਏ ਜਾਂਦੇ ਹਨ | ਇਸ ਕੜੀ ਅਧੀਨ ਸਕੂਲ ਆਫ਼ ਐਮੀਨੈਂਸ ਰਾਮਸਰਾ ਵਿਖੇ ਐਨ.ਐੱਸ.ਐੱਸ.ਦਾ ਤੀਸਰਾ ਕੈਂਪ ਸਕੂਲ ਦੇ ਇੰਚਾਰਜ ਸੁਭਾਸ਼ ਨਿਰਾਣੀਆ ਲੈਕਚਰਾਰ ਅਤੇ ਐਨ.ਐੱਸ.ਐੱਸ ਦੇ ਪ੍ਰੋਗਰਾਮ ਅਫ਼ਸਰ ਕਮ-ਕਾਮਰਸ ਲੈਕਚਰਾਰ ਪਵਨ ਕੁਮਾਰ ਦੀ ਅਗਵਾਈ ਵਿਚ ਸਕੂਲ ਦੇ ਐਨ.ਐੱਸ.ਐੱਸ.ਦੇ ਕੈਡੇਟਸ ਨੇ ਸਕੂਲ ਨੂੰ ਸਾਫ਼ ਬਣਾਉਣ ਵਿਚ ਆਪਣਾ ਸਹਿਯੋਗ ਦਿੱਤਾ | ਸਕੂਲ ਕੈਂਪਸ ਦੀ ਸਫ਼ਾਈ ਕੀਤੀ ਗਈ | ਕੰਧਾਂ ਦੇ ਨਾਲ ਉੱਗੇ ਫ਼ਾਲਤੂ ਘਾਹ ਫੂਸ ਨੂੰ ਪੁੱਟ ਕੇ ਸਾਫ਼ ਕੀਤਾ ਗਿਆ | ਸਕੂਲ ਦੇ ਆਲ਼ੇ-ਦੁਆਲੇ ਦੇ ਨਾਲ-ਨਾਲ ਖੇਡ ਮੈਦਾਨ ਨੂੰ ਵੀ ਸਾਫ਼ ਕੀਤਾ ਗਿਆ | ਇਸ ਸਮੇਂ ਸਕੂਲ ਵਿਚ ਲੱਗੇ ਸਾਰੇ ਪੌਦਿਆਂ ਨੂੰ ਪਾਣੀ ਦਿੱਤਾ ਗਿਆ | ਇਸ ਸਮੇਂ ਵਿਦਿਆਰਥੀਆਂ ਨੂੰ ਰਿਫਰੈਸ਼ਮੈਂਟ ਵੀ ਵੰਡੀ ਗਈ |
