ਕ੍ਰਿਸਮਸ ਦਾ ਤਿਉਹਾਰ ਆਪਸੀ ਪਿਆਰ ਤੇ ਭਾਈਚਾਰੇ ਦਾ ਪ੍ਰਤੀਕ :ਓਮ ਪ੍ਰਕਾਸ਼ ਸੋਨੀ

ਅੰਮਿ੍ਤਸਰ, 25 ਦਸੰਬਰ (ਰੇਸ਼ਮ ਸਿੰਘ)-ਸਾਬਕਾ ਡਿਪਟੀ ਮੁੱਖ ਮੰਤਰੀ ਓ.ਪੀ. ਸੋਨੀ ਨੇ ਕ੍ਰਿਸਮਸ ਦੇ ਪਵਿੱਤਰ ਦਿਹਾੜੇ ਮੌਕੇ ਸੈਂਟ ਪਾਲ ਚਰਚ ਰਿਆਲਟੋ ਚੌਂਕ ਵਿਖੇ ਪਹੁੰਚ ਕੇ ਈਸਾਈ ਭਾਈਚਾਰੇ ਨਾਲ ਵਿਸੇਸ਼ ਪ੍ਰਾਰਥਨਾ ਸਭਾ 'ਚ ਭਾਗ ਲਿਆ ਤੇ ਪ੍ਰਭੂ ਯਿਸੂ ਮਸੀਹ ਦੇ ਜਨਮ ਦਿਨ ਦੀਆਂ ਈਸਾਈ ਭਾਈਚਾਰੇ ਨੂੰ ਵਧਾਈਆਂ ਦਿੱਤੀਆਂ | ਸ੍ਰੀ ਸੋਨੀ ਨੇ ਕਿਹਾ ਕਿ ਪ੍ਰਭੂ ਯਿਸੂ ਮਸੀਹ ਦਾ ਜੀਵਨ ਪਿਆਰ, ਦਇਆ, ਸਹਿਣਸ਼ੀਲਤਾ ਤੇ ਮਨੁੱਖਤਾ ਦੀ ਸੇਵਾ ਦਾ ਪ੍ਰਤੀਕ ਹੈ | ਉਨ੍ਹਾਂ ਨੇ ਕਿਹਾ ਕਿ ਕ੍ਰਿਸਮਸ ਸਾਨੂੰ ਆਪਸੀ ਭਰਾਤਰੀ, ਅਮਨ ਤੇ ਸਮਾਜਿਕ ਏਕਤਾ ਦਾ ਸੰਦੇਸ਼ ਦਿੰਦਾ ਹੈ | ਇਸ ਮੌਕੇ ਸੈਂਟ ਪਾਲ ਚਰਚ ਦੇ ਬਿਸ਼ਪ ਮਨੋਜ ਚਰਨ ਤੇ ਪਾਸਟਰ ਰੈਵਰੈਂਡ ਸਨੀ ਕੌਂਸਲਰ ਵਿਕਾਸ ਸੋਨੀ ਤੇ ਪਵਨ ਕੁਮਾਰ ਵੀ ਇਸ ਸਮਾਗਮ ਵਿੱਚ ਹਾਜ਼ਰ ਸਨ | ਉਪਰੰਤ ਸ੍ਰੀ. ਸੋਨੀ ਨੇ ਸੈਂਟ ਫਰਾਂਸਿਸ ਚਰਚ ਕੈਂਟੋਨਮੈਂਟ ਵਿਖੇ ਪੁੱਜੇ ਚਰਚ ਦੇ ਫਾਦਰ ਜੋਸਫ ਮੈਥਿਊਜ਼ ਨਾਲ ਮੁਲਾਕਾਤ ਕਰਕੇ ਸੰਗਤਾਂ ਨੂੰ ਕ੍ਰਿਸਮਸ ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ |