ਲੁਧਿਆਣਾ, 1 ਜੂਨ (ਜਗਮੀਤ ਸਿੰਘ)-ਪੰਜਾਬ ਪ੍ਰਦੂਸ਼ਣ ਰੋਕਥਾਮ ਬੋਰਡ ਦੇ ਵਧੀਕ ਸੀਨੀਅਰ ਇੰਜੀਨੀਅਰ ਪ੍ਰਦੀਪ ਬਾਲੂ ਆਪਣੀਆਂ 37 ਸਾਲ ਦੀਆਂ ਸੇਵਾਵਾਂ ਦੇ ਬਾਅਦ ਅੱਜ ਸੇਵਾਮੁਕਤ ਹੋ ਗਏ, ਜਿਨ੍ਹਾਂ ਨੂੰ ਪੀ.ਪੀ.ਸੀ.ਬੀ. ਦੇ ਅਧਿਕਾਰੀਆਂ ਵਲੋਂ ਲੁਧਿਆਣਾ ਦੇ ਇਕ ਨਿੱਜੀ ਹੋਟਲ 'ਚ ਵਿਦਾਇਗੀ ਪਾਰਟੀ ਦਿੱਤੀ ਗਈ | ਸੇਵਾਮੁਕਤ ਹੋਏ ਪ੍ਰਦੀਪ ਬਾਲੂ ਸਾਲ 1988 'ਚ ਬਤੌਰ ਜੂਨੀਅਰ ਇਨਵਾਇਰਨਮੈਂਟ ਇੰਜੀਨੀਅਰ (ਜੇ.ਈ.ਈ.) ਵਿਭਾਗ 'ਚ ਨਿਯੁਕਤ ਹੋਏ ਸਨ ਅਤੇ ਆਪਣੀ ਨੌਕਰੀ ਦੌਰਾਨ ਉਨ੍ਹਾਂ ਨੇ ਪਦਉਨੱਤ ਹੁੰਦਿਆਂ ਜੇ.ਈ.ਈ. ਤੋਂ ਵਧੀਕ ਸੀਨੀਅਰ ਇਨਵਾਇਰਨਮੈਂਟ ਇੰਜੀਨੀਅਰ ਤੱਕ ਦਾ ਸਫ਼ਰ ਪੂਰਾ ਕੀਤਾ | ਇਸ ਮੌਕੇ ਪੀ.ਪੀ.ਸੀ.ਬੀ. ਦੇ ਮੁੱਖ ਇੰਜੀਨੀਅਰ ਰਾਜ ਕੁਮਾਰ ਰੱਤੜਾ ਨੇ ਵਧੀਕ ਸੀਨੀਅਰ ਇਨਵਾਇਰਨਮੈਂਟ ਇੰਜੀਨੀਅਰ ਦੇ ਅਹੁਦੇ ਤੋ ਸੇਵਾਮੁਕਤ ਹੋਣ ਵਾਲੇ ਪ੍ਰਦੀਪ ਬਾਲੂ ਨੂੰ ਭਵਿੱਖ ਲਈ ਸ਼ੁੱਭਕਾਮਨਾਵਾਂ ਦਿੱਤੀਆਂ | ਇਸ ਮੌਕੇ ਸੇਵਾਮੁਕਤ ਮੁੱਖ ਇੰਜੀਨੀਅਰ ਪਰਮਜੀਤ ਸਿੰਘ, ਸੇਵਾ ਮੁਕਤ ਐਸ.ਈ.ਈ. ਜੀ.ਐਸ. ਗਿੱਲ, ਐਸ.ਈ.ਈ. ਰਵਿੰਦਰ ਭੱਟੀ, ਕੁਲਦੀਪ ਸਿੰਘ, ਐਕਸੀਅਨ ਗੁਰਮੀਤ ਸਿੰਘ, ਨਿਖਿਲ ਗੁਪਤਾ, ਅਤੁੱਲ ਕੌਸ਼ਲ, ਕੰਵਲਦੀਪ ਕੌਰ, ਅਮਨ ਸਿੰਘ, ਰੂਬਲ ਗੋਇਲ, ਐਸ.ਡੀ.ਓ. ਰਾਜਪਾਲ ਸਿੰਘ, ਭੀਸ਼ਮ, ਸੁਸ਼ੀਲ ਕੁਮਾਰ, ਸਾਹਿਬ ਜੀਤ ਸਿੰਘ, ਮੋਹਿਤ ਕੁਮਾਰ, ਈਸ਼ਾ ਤੇਜ਼ੀ, ਸਮੇਤ ਪੀ.ਪੀ.ਸੀ.ਬੀ. ਦੇ ਖੇਤਰੀ ਦਫ਼ਤਰ ਦੇ ਸਮੂਹ ਕਰਮਚਾਰੀਆਂ ਨੇ ਸੇਵਾਮੁਕਤ ਅਧਿਕਾਰੀ ਪ੍ਰਦੀਪ ਬਾਲੂ ਨੂੰ ਸ਼ੁੱਭਕਾਮਨਾਵਾਂ ਦਿੱਤੀਆਂ |
