ਹਠੂਰ, 2 ਜੂਨ (ਜਸਵਿੰਦਰ ਸਿੰਘ ਛਿੰਦਾ)-ਪਿੰਡ ਚਕਰ ਲਈ ਮਾਣ ਵਾਲੀ ਗੱਲ ਹੈ ਕਿ ਜਮਸ਼ੇਦਪੁਰ ਛਤੀਸਗੜ੍ਹ ਵਿਖੇ ਹੋਈ ਫੁੱਟਬਾਲ ਨੈਸ਼ਨਲ ਲੀਗ ਅੰਡਰ-15 ਵਿਚ ਪੰਜਾਬ ਐੱਫ.ਸੀ. ਦੀ ਫੁੱਟਬਾਲ ਟੀਮ ਫਾਈਨਲ ਵਿਚ ਜੇਤੂ ਰਹੀ | ਪੰਜਾਬ ਦੀ ਟੀਮ ਵਿਚ ਸ਼ੇਰ-ਏ-ਪੰਜਾਬ ਸਪੋਰਟਸ ਅਕੈਡਮੀ ਚਕਰ ਦਾ ਖਿਡਾਰੀ ਪ੍ਰਭਜੋਤ ਸਿੰਘ ਖੇਡ ਰਿਹਾ ਸੀ ਅਤੇ ਫਾਈਨਲ ਮੁਕਾਬਲੇ ਵਿਚ ਪ੍ਰਭਜੋਤ ਸਿੰਘ ਨੇ ਆਪਣੀ ਖੇਡ ਦਾ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ ਅਤੇ ਪੰਜਾਬ ਦੀ ਟੀਮ ਜੇਤੂ ਰਹੀ | ਪ੍ਰਭਜੋਤ ਸਿੰਘ ਚਕਰ ਮੈਚ ਦਾ ਵਧੀਆ ਖਿਡਾਰੀ ਐਲਾਨਿਆ ਗਿਆ | ਪਿੰਡ ਪਹੁੰਚਣ 'ਤੇ ਸ਼ੇਰ-ਏ-ਪੰਜਾਬ ਸਪੋਰਟਸ ਅਕੈਡਮੀ ਚਕਰ ਵਲੋਂ ਉਨ੍ਹਾਂ ਦਾ ਭਰਪੂਰ ਸਵਾਗਤ ਕੀਤਾ ਅਤੇ ਸਰਪੰਚ ਸੋਹਨ ਸਿੰਘ ਸਿੱਧੂ, ਰਛਪਾਲ ਸਿੰਘ ਚਕਰ ਨੇ ਪਿੰਡ ਵਲੋਂ ਉਸ ਦਾ ਸਨਮਾਨ ਕੀਤਾ ਗਿਆ ਅਤੇ ਫ਼ਲ ਵੰਡੇ ਗਏ |
