ਲੁਧਿਆਣਾ, 19 ਅਕਤੂਬਰ (ਭੁਪਿੰਦਰ ਸਿੰਘ ਬੈਂਸ)-ਦੀਵਾਲੀ ਦੇ ਤਿਉਹਾਰ 'ਤੇ ਸ਼ਹਿਰ ਦੇ ਵੱਖ-ਵੱਖ ਬਾਜ਼ਾਰਾਂ ਵਿਚ ਲੋਕਾਂ ਵਲੋਂ ਖਰੀਦਦਾਰੀ ਨੂੰ ਲੈ ਕੇ ਭਾਰੀ ਰੌਣਕ ਦੇਖਣ ਨੰੂ ਮਿਲੀ | ਸਵੇਰ ਤੋਂ ਹੀ ਸ਼ਹਿਰ ਦੇ ਚੌੜਾ ਬਾਜ਼ਾਰ, ਘੁਮਾਰ ਮੰਡੀ, ਸਿਵਲ ਲਾਈਨ, ਮਾਡਲ ਟਾਊਨ ਮਾਰਕੀਟ ਤੇ ਵੱਖ-ਵੱਖ ਬਾਜ਼ਾਰਾਂ ਵਿਚ ਖਰੀਦਦਾਰਾਂ ਨੰੂ ਲੈ ਕੇ ਖਰੀਦਦਾਰਾਂ ਦੀਆਂ ਲੰਬੀਆਂ ਲਾਈਨਾਂ ਲੱਗੀਆਂ ਰਹੀਆਂ | ਬਾਜ਼ਾਰਾਂ ਵਿਚ ਮਠਿਆਈਆਂ ਦੀਆਂ ਦੁਕਾਨਾਂ 'ਤੇ ਵੀ ਖਰੀਦਦਾਰਾਂ ਦੀ ਭੀੜ ਦੇਖਣ ਨੰੂ ਮਿਲੀ | ਇਸ ਤੋਂ ਇਲਾਵਾ ਘਰ ਦੀ ਸਜਾਵਟ ਲਈ ਮਿੱਟੀ ਦੇ ਦੀਵੇ, ਮੋਮਬਤੀਆਂ, ਲਾਈਟਾਂ ਤੇ ਰੰਗੋਲੀ ਦੇ ਰੰਗ ਵੀ ਖਰੀਦੇ ਗਏ | ਮਹਿਲਾਵਾਂ ਵਲੋਂ ਲਕਸ਼ਮੀ ਪੂਜਾ ਦਾ ਸਾਮਾਨ ਤੇ ਡ੍ਰਾਈਫਰੂਟ ਗਿਫ਼ਟ ਪੈਕ ਖਰੀਦਣ 'ਚ ਵੀ ਖਾਸ ਰੁਝਾਨ ਦੇਖਿਆ | ਸ਼ਹਿਰ ਦੀਆਂ ਵੱਖ ਵੱਖ ਪਟਾਕਾ ਮਾਰਕੀਟਾਂ ਵਿਚ ਪਟਾਕੇ ਖਰੀਦਣ ਨੰੂ ਲੈ ਕੇ ਬੱਚਿਆਂ ਦਾ ਵੀ ਕਾਫ਼ੀ ਉਤਸ਼ਾਹ ਦੇਖਣ ਨੰੂ ਮਿਲਿਆ | ਕੱਪੜਿਆਂ ਦੀ ਦੁਕਾਨਾਂ 'ਤੇ ਵੀ ਕੱਪੜੇ ਖਰੀਦਣ ਵਾਲਿਆਂ ਦੀ ਭੀੜ ਦੇਖੀ ਗਈ | ਸ਼ਹਿਰ ਦੇ ਰੈਸਟੋਰੈਂਟਾਂ ਆਦਿ 'ਚ ਵੀ ਲੋਕਾਂ ਦੀ ਭੀੜ ਦੇਖਣ ਨੰੂ ਮਿਲੀ | ਇਸ ਤੋਂ ਇਲਾਵਾ ਫਲਾਂ ਦੀ ਦੁਕਾਨਾਂ 'ਤੇ ਵੀ ਲੋਕਾਂ ਵਲੋਂ ਲਕਸ਼ਮੀ ਪੂਜਾ ਆਦਿ ਲਈ ਫਲ ਖਰੀਦਣ ਨੰੂ ਲੈ ਕੇ ਖਰੀਦਦਾਰੀ ਕੀਤੀ ਗਈ | ਦੁਕਾਨਦਾਰਾਂ ਮੁਤਾਬਿਕ ਸ਼ਹਿਰਵਾਸੀਆਂ ਵਲੋਂ ਦੀਵਾਲੀ ਨੰੂ ਲੈ ਕੇ ਦੱਬ ਕੇ ਖਰੀਦਦਾਰੀ ਕੀਤੀ ਜਾ ਰਹੀ ਹੈ ਤੇ ਕੱਪੜੇ, ਮਠਿਆਈਆਂ, ਜਿਊਲਰਾਂ ਆਦਿ ਦੇ ਦੁਕਾਨਦਾਰਾਂ ਦੇ ਚਿਹਰਿਆਂ 'ਤੇ ਵਿੱਕਰੀ ਨੰੂ ਲੈ ਕੇ ਰੌਣਕ ਸਾਫ਼ ਦਿਖਾਈ ਦੇ ਰਹੀ ਹੈ |
